سلام عليكم
انا قريت ييجي نص صفح الموضوع واستأذنكم تقولولي لو عايز اشتري بولونيز ايه احسن موديل فيها واخد بالي من ايه وانا باشتريها وهل ارفعها بس والا محتاجة ميكانيكي او كهربائي معايا .. علما ان اخوكم معاه 15000 وعايز حاجة نضيفة
عرض للطباعة
سلام عليكم
انا قريت ييجي نص صفح الموضوع واستأذنكم تقولولي لو عايز اشتري بولونيز ايه احسن موديل فيها واخد بالي من ايه وانا باشتريها وهل ارفعها بس والا محتاجة ميكانيكي او كهربائي معايا .. علما ان اخوكم معاه 15000 وعايز حاجة نضيفة
سلام عليكم
انا قريت ييجي نص صفح الموضوع واستأذنكم تقولولي لو عايز اشتري بولونيز ايه احسن موديل فيها واخد بالي من ايه وانا باشتريها وهل ارفعها بس والا محتاجة ميكانيكي او كهربائي معايا .. علما ان اخوكم معاه 15000 وعايز حاجة نضيفة
أنا مش خبير أوى بس معايا بلونيز 89 وهقول لك رأيى لعله يكون فيه إفادة وإن شاء الله باقى الشباب يفيدوك أكتر منى
أولا وأخيرا المعروف إن العربية حالة يعنى ممكن تكون موديل قديم بس حالتها كويسه والعكس برده
أنا شوفت بلونيز 89 اللى هيه بتاعتى وشوفت 90 وبصراحة كويسين جدا
وأعتقد ان سعرهم ف نفس الفلوس اللى معاك وطبعا لازم ميكانيكى يبقى معاك وأهم حاجه تتأكد إن أساستها كويسه الموتور , آلات الجر كده
وربنا يوفقك وتكون عضو نشيط فى الرابطة قريبا :)
[bor=#ff0000]
السلام عليكم يا جماعة البولونيز
على فكرة انا معايا بولونيز من 18 سنة وفعلا هى احسن عربية
لو فى اى حد عنده استفسار يسألنى و يإذن الله هساعده
[/bor]
تقبلوا مرورى
لأ طبعًا مايهونش علينا
و حتى من غير ما تقرأ نص الموضوع إحنا نجاوبك مافيش مشاكل
زي ما خلالي قال لك العربية حالة
لو حالتها كويسة خلص و لو تعبانة سيبها
أنا هقول لك على الأسعار بالتقريب على أساس إن العربية نضيفة تمامًا و مافيهاش عيوب إطلاقًا:
موديل 87 بـ14 ألف
موديل 88 بـ15 ألف
موديل 89 بـ16 ألف
موديل 90 بـ17 ألف
موديل 91 بـ18 ألف
ماتجيبش الموديلات قبل 87 لأنها 4 غيارات بس مش 5 و ده هيفرق معاك في السحب
و لو هتجيبها يبقى نزل في سعرها أكتر
موديل 91 موتوره 1600 سي سي مش 1500 سي سي زي الموديلات الأقدم
طبعًا لازم تفحص العربية من أولها لآخرها
الشاسيه فابريكة و لا لأ؟ راشة دواخل و لا لأ؟
الموتور سليم و لا خفيف و لا مفوت خالص؟
آلات الجر في العربية سليمة و لا جايبة آخرها؟
كهرباء العربية مضبوطة و لا محتاجة شغل؟
العفشة سليمة و لا بتطقطق؟ المساعدين ناعمين و لا محجرين؟
فرش الصالون نضيف و لا مهري؟
العدادات سليمة و لا مهيسة؟
الطابلوه سليم و لا مشرخ و مشقق؟
ده إللي أنا فاكره دلوقتي
لو افتكرت حاجة هكتبها :)
الحقيقة أنا ماعرفش حد في الهرم :(
لكن أنا أسمع عن بنزينة شل عند محطة المياه في شارع الهرم
بيقولوا بيكشفوا كويس
بس أنا عمري ما رحت لهم
و لا أعرف سعرهم
روح هناك و استفسر منهم بنفسك
بس بردو أنت لازم يكون لك نظرة في العربية
يعني مش أي عربية قدامك تروح تفحصها
هتدفع فلوس كتير في الفاضي
العربية إللي تلاقيها سليمة افحصها في البنزينة غير كده سيبها
بالتوفيق يا تامر.