الموضوع: ::: البولونيز المظلومة :::

كل سنة وانتو طيبين يا اهالي الرابطة الكرام

وبالمناسبة عايز اعرض عليكم مشكلة بسيطة العربية عندى الصبح بتدور زي الفل لكن لما اعمل مشوار طويل وابطل العربية شوية واجي ادور اسمع صوت تكة ومفيش دوارة لازم استنة شوية لما العربية تبرد وتبدا تدور اول افضل احاول كذا مرة ورا بعض لحد ما تدور
حد قالي ان دا اوتوماتيك المارش
ورحت للكهربائي عمل صيانه وقالي خلاص تمام ولكن كأنه معملش حاجة نفس العيب موجود منه لله

حد يعرف اجيب اوتوماتيك منين او اشوف ايه المشكلة تاني ؟؟؟؟
افيدوني افادكم الله

المشاركة الأصلية كتبت بواسطة velkouf

فعلا دة عيب اوتوماتيك مارش ممكن تفكة هتلاقة سوستة وجواها اسطوانة ناعمة اوى عليها رواسب نضفها كويس بسنفرة ناعمة هيشغل معاك شوية بس فى الاخر هيتغير
تقريبا سعرة جديد 65جندى وكان نوع ايطالى

حقيقة يا أخ velkouf انا احترم سرعة الرد منكم وجزاك الله خير وياريت باقي الاعضاء اللي عندو معلومة لا يبخل بها على اعضاء الرابطة كي لا يقعوا فريسة لاشتغالات الصنايعية

وان شاء الله بعد اجازة العيد هشتري اوتوماتيك جديد وخلاص وعلى فكرة انا سألت عليه عند واحد قالي عندي الالماني ب 120 جنيه وواحد تاني عنده استيراد كان قالي ب 80 جنيه ايطالي زي ما بيقول

ياريت لو حد ينصحني اجيب انهو فيهم ؟؟؟؟؟؟؟

المشاركة الأصلية كتبت بواسطة velkouf

ويجازيك خير
أى استفسار او مساعدة انا فى الخدمة تحت امر اعضاء المنتدى الكرام لانى اتعلمت منهم كتير

هات الاوتوماتيك الايطالى حلو وشغال تمام وسعرة معقول

توكلنا على الله نجيبه وربنا ييسر
ويارب يكفينا ويكفيكم شر الاعطال
واكرر الشكر لكم أخي velkouf

المشاركة الأصلية كتبت بواسطة الصبر حلو

السلام عليكم النهارده روحت للسروجي وشرحتله المشكلة قعد يبص شوية وقالي هعملك جراب فوق الجراب ده وجاب حتة موكيت وسد بيها المربع اللي فيه عصاية الفتيس المهم الصوت قل نسبيا ولكن مش للدرجة أما موضوع اللباد والكلام ده قالي مش هينفع بس الصوت والريحة قلت نسبيا وليس نهائيا ايه رأيكم في الكلام ده ؟؟؟؟؟

جرب تنضف الكاربراتير وتظبطه كهربا وهواء وما الى ذلك الريحه هتروح ...

المشاركة الأصلية كتبت بواسطة محمد العيسوى

السلام عليكم
أنا عضو جديد فى المنتدى ومعايا عربية بولونيز من 10 شهور وبظبط فيها وحده وحده بس فى مشكلة مش عارف أحلها كل شوية أفك الكربراتير وأنضفة علشان بستخدم بنزين 80 ناس نصحونى أركب أتنين فلتر بنزين واحد قبل الرداخ وواحد بعده وبرضه مافيش فايدة وفى مشكلة تانية أن العربية مبتوصلش لسرعة100 كم / الساعة على الخامس وجايب دواسة البنزين على الأخر وبعد متوصل 90 كم/ الساعة ألاقى الدريكسيون بيتهز تحت أيدى جامد فبطر أقلل السرع تحت 90 ومش عارف أيه السبب
أفيدونى أفادكم الله

زى ما قال الزميل velkouf انا المشكله دى كانت ولازالت عندى حتى الان وساخه البنزين وتاثيره على الكربراتير ... فكيت التانك ونضفنه وغسلته بالبنزين عند ميكانيكى معرفه وطبعا كنت قاعد معاه عشان اضمن نضافته وبعدها حطيت بنزين 92 فل تانك وروحت لبتاع الكاربراتير قولتله ينضف البكات بتاعت السرعه وما الى ذلك ويظبطه وركبت فلتر جديد التانك تنظيف من 30 الى 40 تنضيف البكات كم 20ل الى 30 وفلتر ب 5 او ب 7 :)


تحياتــى