::: البولونيز المظلومة :::

**Mr.R** · 12-05-2015 12:08 AM

المشاركة الأصلية كتبت بواسطة موريس ابراهيم

شكراااا
بس انا صوت الموتور عندي بيعلي قوي بعد ار بي ام 25
دة عادي؟

ممكن لو على السرعات الاولى صوته يعلى عند 25 ولكن فى الرابع والخامس لو على 30 وحافظت على الثبات مش هيعلى يعنى لو جبت الرابع والاربى ام على 25 وصوت الموتور عالى يبقى فى حاجه غلط عندك ..

**موريس ابراهيم** · 13-05-2015 12:20 AM

ميكانيكي قاللي ان دا صوت المروحة وقالي ممكن نلغيها ونكتفي بالمروحة اللي عالرادياتير
وواحد تاني قاللي لا دا صوت طلمبة المية
ومش عارف اصدق مين فيهم
كمان العربية لسة عاملة عمرة كاملة من 3 شهور ومغيرين طقم دبرياج بس سحبها ضعيف
يا تري ممكن اية يأثر فالسحب غير الاسطوانة
شكراا

**الصبر حلو** · 25-05-2015 12:28 PM

السلام عليكم جميعا ويا رب تكونو بخير
سألت قبل كده على حد جرب كربراتير سولكس باب واحد بتاع البيجو بيركب للبولونيز هل هو حل مفيد للكربراتير
ومحدش رد ياريت الل عنده معلومة يفيدنا بيها
وشكلاا لكم جميعا

**shatodef** · 26-05-2015 02:22 PM

انا فعلا عملت كدة ... ركبت كربراتير بتاع بيجو ( سلوكس ) مكان بتاعها الاصلي .. وماشاء الله تبارك الله العربية بقت خفيفة وجميلة جدا وبصراحة اداءها زاد كتير

**shatodef** · 27-05-2015 10:57 AM

وعلي فكرة يا جماعة - انا شديت العربية وخليتها مية مية
واللي حابب يتفرج عليها انا عملت ليها اعلان في الدوبيزل بإسم
( أحلي بولونيز في اسوان )
وياريت تقولو رأيكم

ودة رابط الاعلان
https://egypt.dubizzle.com/ar/aswan/...708dc3fa/show/

**kalelo2007** · 27-05-2015 12:07 PM

المشاركة الأصلية كتبت بواسطة shatodef

انا فعلا عملت كدة ... ركبت كربراتير بتاع بيجو ( سلوكس ) مكان بتاعها الاصلي .. وماشاء الله تبارك الله العربية بقت خفيفة وجميلة جدا وبصراحة اداءها زاد كتير :e_braces[1]:

السلام عليكم
بعد التحية ياريت تحكيلنا عن تجربتك مع الكربراتير السولوكس ده جبته منين وبكام وركب على طول ولا احتاج تعديل وكده يعنى علشان الكل يستفيد مع الشكر ( على فكرة صور العربية على دوبيزل روعه بسم الله ما شاء الله )

**shatodef** · 28-05-2015 03:07 PM

الاستاذ العزيز kalelo2007
أشكر مرورك الجميل علي الاعلان ومجاملتك الحلوة لصور العربية ..

وتجربتي مع الكربراتير هي أن الكربراتير الاصلي عمل معايا شوية مشاكل وبهدلني وسف مني فلووووووس كتيييييييير وبنزين أكتر ... الخلاصة عندنا في المدينة الصناعية في ناس خبرة ومش بيشتغلو غير في عربيات فيات فقط لا غير .. ( وبحكم الخبرة ) كانو طبعا بيجربوا حاجات في العربيات الكتيرة جدا اللي تحت ايدهم هناك لحد ما وصلو لتعديل قعدة الكربراتير وتركيب السلوكس بتاع العربية الارنب ( 504 بيجو ) ومن ساعتها العربية بقت شمامة بنزين .. بروح بيها من اسوان لمدينة إسنا بتفويلة واحدة وممكن انا وراجع ازود بنزين قبل ادفو ( يعني المشوار دة حوالي 220 كيلو ) انما داخل البلد ممكن يعمل 180-185 ) والناس اللي بتقول ان دة فتحة واحدة ومش هيغذي العربية لالالالالا الكلام دة مش صحيح

... طول ما عربيتك مظبوطة موتور وكهربا تمام والله هتلاقي العربية حاجة تاني ... انا ممكن اوصل لسرعة 100 كيلو وحاسس العربية عايزة تجري زيادة .. وربنا يستر طريقنا وطريقك

**ayaamna** · 28-05-2015 03:23 PM

المشاركة الأصلية كتبت بواسطة shatodef

وعلي فكرة يا جماعة - انا شديت العربية وخليتها مية مية
واللي حابب يتفرج عليها انا عملت ليها اعلان في الدوبيزل بإسم
( أحلي بولونيز في اسوان )
وياريت تقولو رأيكم

ودة رابط الاعلان
https://egypt.dubizzle.com/ar/aswan/...708dc3fa/show/

بسم الله ماشاء الله شوية شغل ممتازين اتكلف قد ايه الفرش الجلد اللى حضرتك عامله
هو ماتور العربيه 1400 ولا 1500
والكربراتير اللى حضرتك ركبته بتاع اى موديل فى البيجوه يعنى بتاع 405 ولا 305 ولا 504 ولا 306 ولا 301
عشان نعرف نسال عليه
وايه التعديل اللى بيتعمل ولا بيركب من غير تعديل وسعره كام وصناعته ايه واستهلاكه فى البنزين عامل ايه
يا سلام بقى لو تكمل جميلك وتصوره لنا ها ادعيلك دعوه حلوه

**ayaamna** · 29-05-2015 01:20 AM

المشاركة الأصلية كتبت بواسطة shatodef

الاستاذ العزيز kalelo2007
أشكر مرورك الجميل علي الاعلان ومجاملتك الحلوة لصور العربية ..

وتجربتي مع الكربراتير هي أن الكربراتير الاصلي عمل معايا شوية مشاكل وبهدلني وسف مني فلووووووس كتيييييييير وبنزين أكتر ... الخلاصة عندنا في المدينة الصناعية في ناس خبرة ومش بيشتغلو غير في عربيات فيات فقط لا غير .. ( وبحكم الخبرة ) كانو طبعا بيجربوا حاجات في العربيات الكتيرة جدا اللي تحت ايدهم هناك لحد ما وصلو لتعديل قعدة الكربراتير وتركيب السلوكس بتاع العربية الارنب ( 504 بيجو ) ومن ساعتها العربية بقت شمامة بنزين .. بروح بيها من اسوان لمدينة إسنا بتفويلة واحدة وممكن انا وراجع ازود بنزين قبل ادفو ( يعني المشوار دة حوالي 220 كيلو ) انما داخل البلد ممكن يعمل 180-185 ) والناس اللي بتقول ان دة فتحة واحدة ومش هيغذي العربية لالالالالا الكلام دة مش صحيح :t_thum1[1]: ... طول ما عربيتك مظبوطة موتور وكهربا تمام والله هتلاقي العربية حاجة تاني ... انا ممكن اوصل لسرعة 100 كيلو وحاسس العربية عايزة تجري زيادة .. وربنا يستر طريقنا وطريقك

الف شكر لتوضيح تجربة حضرتك وجزاك الله عنا خير الجزاء واسف على المشاركه اللى انا حطيتها بعد مشاركة حضرتك ما كنتش عامل تحديث للصفحه
وياريت توضحلنا ايه التعديل اللى تم فى قاعدة الكربراتير وسعره لو سمحت

**احمد السباك** · 29-05-2015 09:20 PM

سلام عليكم عندي بعض الملاحظات بخصوص موضوع الكربرتير اصلح وفك الكربرتير وخصوصا بتاع البولونيز سهل جدا ونظرية عملة سهلة وحرام الواحد فينا يصلحو عند حد انا بفكة بصفة مستمرة ويرجع معايا جديد متخفش منة وحاول تفهم ازاي بيشتغل هتعرف ان انا عندي حق وربنا يوفق الجميع وفي اعطال كتير الكربرتير بيكون بريئ منها