::: البولونيز المظلومة :::

**ayaamna** · 29-05-2015 10:16 PM

المشاركة الأصلية كتبت بواسطة احمد السباك

سلام عليكم عندي بعض الملاحظات بخصوص موضوع الكربرتير اصلح وفك الكربرتير وخصوصا بتاع البولونيز سهل جدا ونظرية عملة سهلة وحرام الواحد فينا يصلحو عند حد انا بفكة بصفة مستمرة ويرجع معايا جديد متخفش منة وحاول تفهم ازاي بيشتغل هتعرف ان انا عندي حق وربنا يوفق الجميع وفي اعطال كتير الكربرتير بيكون بريئ منها

وعليكم السلام ورحمة الله وبركاته
طيب ايه اهم حاجه ممكن الواحد ياخد باله منها وهو بيحاول ينظفه او يغسله
وهل له طقم اصلاح او جوانات ممكن الواحد يجيبه له لان انا عندى ترشيح خفيف
والف شكر على النصيحه

**kalelo2007** · 30-05-2015 12:19 PM

المشاركة الأصلية كتبت بواسطة shatodef

الاستاذ العزيز kalelo2007
أشكر مرورك الجميل علي الاعلان ومجاملتك الحلوة لصور العربية ..

وتجربتي مع الكربراتير هي أن الكربراتير الاصلي عمل معايا شوية مشاكل وبهدلني وسف مني فلووووووس كتيييييييير وبنزين أكتر ... الخلاصة عندنا في المدينة الصناعية في ناس خبرة ومش بيشتغلو غير في عربيات فيات فقط لا غير .. ( وبحكم الخبرة ) كانو طبعا بيجربوا حاجات في العربيات الكتيرة جدا اللي تحت ايدهم هناك لحد ما وصلو لتعديل قعدة الكربراتير وتركيب السلوكس بتاع العربية الارنب ( 504 بيجو ) ومن ساعتها العربية بقت شمامة بنزين .. بروح بيها من اسوان لمدينة إسنا بتفويلة واحدة وممكن انا وراجع ازود بنزين قبل ادفو ( يعني المشوار دة حوالي 220 كيلو ) انما داخل البلد ممكن يعمل 180-185 ) والناس اللي بتقول ان دة فتحة واحدة ومش هيغذي العربية لالالالالا الكلام دة مش صحيح :t_thum1[1]: ... طول ما عربيتك مظبوطة موتور وكهربا تمام والله هتلاقي العربية حاجة تاني ... انا ممكن اوصل لسرعة 100 كيلو وحاسس العربية عايزة تجري زيادة .. وربنا يستر طريقنا وطريقك

السلام عليكم ورحمه الله وبركاته تحية ليك اخى الفاضل على الشرح الوافى انا فعلا باعانى من الكربرايتر بتاعى جدا وخصوصا فى موضوع اكل البنزين بيعمل معاى داخل المدينة 105كم فى الصفيحة تخيل واحيانا الاقيها 85 كم سبحان الله .
بس ماقلتناش كلفك كام ثمنه - مصنعيات - ايه التعديل وخلافه يعنى

وعلى فكرة عاجبنى قوى عمل الستاير فى الاجناب والخلف ياريت تقولى بالتفصيل عملتهم ازاى وركبوا ازاى علشان نفسى اعمل حاجة زى كده الصراحه روعة بسم الله ما شاء الله

**shatodef** · 31-05-2015 02:20 PM

المشاركة الأصلية كتبت بواسطة ayaamna

الف شكر لتوضيح تجربة حضرتك وجزاك الله عنا خير الجزاء واسف على المشاركه اللى انا حطيتها بعد مشاركة حضرتك ما كنتش عامل تحديث للصفحه
وياريت توضحلنا ايه التعديل اللى تم فى قاعدة الكربراتير وسعره لو سمحت

ولا يهم حضرتك ... احنا كلنا فخدمة بعض - وبعدين الصراحة انا ماليش في ميكانيكا السيارات كتير بس بتعامل مع ناس معينة وبيشتغلو في العربية بكل أمانة وثقة ( ودة طبعا راجع للمعارف اللي أنا رايح عن طريقهم وكمان لأني بظبطهم في الحساب بتاعهم والاكراميات وكدة )
ــ أما بالنسبة لموضوع الكربراتير فهو تمنه جديد 285 جنية وبيحتاج قاعدة 40 جنية وحيوفر معاك الضعف والعربية حتمشى لحد سرعة 140وملوش اية تاثير على الماتور وهيحسن صوت الماتور لأنه جديد وهيكون ظابط العربية قوى .. بس بعد كدة هتحتاج تولف ليه عمة برضو فحدود 60 جنيه
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ
أما بقي لموضوع الفرش والستاير !!

دة موضوع تاني بقي كبير شوية .. بس ميكبرش عليكم طبعا .. اولا انا غيرت الكراسي اللي قدام ( بتاعت السواق واللي جمبه ) واشتريت كراسي عربية النترا 2008 .. وروحت لسروجي محترم عندنا في اسوان أسمه الناظر وعرضت عليه صورة من النت عجبتني خالص وقولته عايزها زي كدة .... والنتيجة زي ما شوفتوها في الصور ( ماشاء الله تبارك الله ) حاجة تحفة بس بقي التكاليف ....................... ناااااااااااااااااار
كل شغل السروجي بالتظبيط وكدة 2750 جندي
ودهان العربية وكدة 1600

**الصبر حلو** · 03-06-2015 03:00 PM

السلام عليكم ورحمة الله وبركاته
الاخوة اعضاء الرابطة الكرام لقد قمت بشراء كربراتير جديد نوع سولكس باب واحد وركبته منذ يومين وجارى التجربة وخلال ايام سأقوم بعمل تقرير ليستفيد منه الجميع ان شاء الله

**ayaamna** · 03-06-2015 07:35 PM

المشاركة الأصلية كتبت بواسطة الصبر حلو

السلام عليكم ورحمة الله وبركاته
الاخوة اعضاء الرابطة الكرام لقد قمت بشراء كربراتير جديد نوع سولكس باب واحد وركبته منذ يومين وجارى التجربة وخلال ايام سأقوم بعمل تقرير ليستفيد منه الجميع ان شاء الله

الف مبروك وربنا يباركلك فيه
ويا ريت لو تصوره او تصور الكرتونه وخصوصا القاعده بتاعته

**موريس ابراهيم** · 03-06-2015 11:52 PM

الف مبروووك
كلنا منتظرين التقرير
وياريت تقولنا مين اللي ركبة وفين
شكرااااا

**shatodef** · 04-06-2015 10:31 PM

السلام عليكم ...
أحبائي ممتلكي سيارتنا المعشوقة ( اللي عاملالنا عمل ) البولونيز الجميلة
يسرني أن اقدم لكم رحلتي مع تظبيط عربيتي من الالف الي الياء
ويارب الرحلة تعجبكم ..
توقيع : اخوكم اللي صرف دم قلبه عالمضروبة دي

**موريس ابراهيم** · 05-06-2015 01:47 PM

ياشباب
ديل الفتيس عندي مشروخ وبينقط زيت
حد يعرف اية الحل..الميكانيكي قاللي لازم اشترية استيراد ويتغير
اشترية منين وياريت لو حد يعرف بكام
متشكر جداااااا

**ayaamna** · 05-06-2015 03:49 PM

المشاركة الأصلية كتبت بواسطة موريس ابراهيم

ياشباب
ديل الفتيس عندي مشروخ وبينقط زيت
حد يعرف اية الحل..الميكانيكي قاللي لازم اشترية استيراد ويتغير
اشترية منين وياريت لو حد يعرف بكام
متشكر جداااااا

اى حاجه استيراد للبلونيز هاتتلاقيها فى عزبة شلبى ان شاء الله اهم حاجه اسال الاول عند اكتر من واحد
ولو رحت هناك اسالى على الماتور والفتيس
والجديد عند الكيلانى فى التوفيقيه

**ayaamna** · 05-06-2015 04:33 PM

المشاركة الأصلية كتبت بواسطة موريس ابراهيم

ياشباب
ديل الفتيس عندي مشروخ وبينقط زيت
حد يعرف اية الحل..الميكانيكي قاللي لازم اشترية استيراد ويتغير
اشترية منين وياريت لو حد يعرف بكام
متشكر جداااااا

المشاركه دى فيها تجربة واحد راح عزبة شلبى واشترى من واحد هناك شغال فى
الفيات وحاطط رقم تليفونه ممكن تتصل وتساله

www.nilemotors.net/Nile/137205-a.html