الموضوع: كيف يتم تصنيع الزيوت ..........أدخل وشوف

استاذي الفاضل وحبيب قلبي ابو سمره ... بعد السلام

ياباشا الله يخليك ...لا أستاذ ولا حاجه ...أحنا أخواتك وبنفكر مع بعضنا.............

قدر الله وماشاء فعل صوت الكستبان لسه مسموع بعد ماغيرت لزيت شيل سوبر امبارح

أيوه : قدر الله وماشاء فعل ( وفداك أى حاجه ) أهم شىء ربنا يباركلنا فى الناس اللى زيك ويديك الصحه.....وكده للأسف يجب أنك تحل للكشف على منطقة الكستبانات وتحديد حجم التلف

اخدت راي كذا ميكانيكي عندنا قالولي كستبان او اكتر

دول كلامهم مظبوط ...ممكن يكون كستبان متعور أو أثنين ......وممكن تكون سوسته من اللى تحت الكستبانات هى اللى مكسوره ......وأتمنى من الله أن تكون كامات عمود الكامه سليمه ( لأن الوضع الحقيقى لحجم التلف حيبان بعد الكشف )

واحد بس قاللي ممكن يكون دليل

ده صعب شويه وأن الصوت منه ....مش وارد قوى لأن الصباب بيتحرك جواه حركه تردديه لفوق وتحت .......فصعب قوى يكون صوت الدق ده منه ......

( مش عارف يقصد دليل صباب ؟؟ )

دليل الصباب ممكن تعرفه من أسمه .....وهو عباره عن ماسوره حديد قصيره بتكون مشحوطه جوه رأس السلندر ( علشان تكون هى الدليل لحركة الصباب لفوق وتحت فى شوطى الفتح والغلق للصباب ......وفوقها بيكون راكب كاوتش الصباب ....والكاوتش محضن على ساق الصباب لمنع الزيت من النزول الى غرف الحريق من عند منطقة التاكيهات )

انت عارف اخوك موسوس وبحب الحاجه علي اصولها زيرو

عارف ياسيدى ومتأكد كمان .....ههههههههههه

السؤال يا باشا المهندس سمير عياد هيعمل ايه لو كان مكاني

دا أنا أكتر منك فى الوسوسه

هتطنش ومايجراش حاجه ولا هتغير طقم كستبان ؟ ولو هتغير هتجيبه جديد ولا استيراد

على طول ححل ( علشان أحافظ على عمود الكامه أولا ) والكستبانات جديد طبعا ..........وأشترى بس على قد التالف ( لأن الواحد بحوالى 50 جنيه ) ومفيش مايدعوا لتغيير السليم.......

؟ولما نشيل راس المكنه هحتاج اغير جوانات او اي حاجه تانيه مع الكستبان

بص ياباشا......حتغير جوان غطاء التاكيهات فقط مع الحاجات التالفه ....وانسى موضوع دليل الصباب ده

وكفايه بقي دوشتك ع اخر الليل . سلام يا كبير .

ياباشا لادوشه ولا حاجه ....دا أحنا أخواتك ....ويارب تكون الصوره واضحه معاك دلوقتى ......وبرضه حراجع نفسى ولو لقيت جديد حقولك ( واعتقد أن أحنا كده غطينا الموضوع )