كيف يتم تصنيع الزيوت ..........أدخل وشوف

**Ahmed Galal** · 19-04-2010 08:48 AM

مشكور على مجهودك يا بشمهندس سمير و كل يوم بنتعلم منك الجديد و الجديد

**Horsepower** · 19-04-2010 01:32 PM

معلومات قيمة من شخص في منتهى الإحترام ... سعيد بإني إتشرفت بقراءة موضوعك يا أستاذ / سمير ... ربنا يجعله في ميزان حسناتك إن شاء الله.
لي إستفسار بعد إذنك عن موضوع تغير خواص الزيت مع زيادة عدد مرات التسخين و التبريد (يعني إللي بيمشي بالعربية مشاوير صغيرة و على فترات تسمح بتبريد الزيت قبل البدأ في المشوار إللي بعديه) ... إيه الخاصية أو الخواص إللي بتتأثر بالموضوع ده؟ اللزوجة؟

**3ateef** · 19-04-2010 04:53 PM

جزاك الله خيرا على التوضيح يا باشمهندس....

**samirayad** · 19-04-2010 05:05 PM

المشاركة الأصلية كتبت بواسطة Ahmed Galal

مشكور على مجهودك يا بشمهندس سمير و كل يوم بنتعلم منك الجديد و الجديد

المشاركة الأصلية كتبت بواسطة 3ateef

جزاك الله خيرا على التوضيح يا باشمهندس....

شكرا للأخوه الأفاضل

**samirayad** · 19-04-2010 05:18 PM

معلومات قيمة من شخص في منتهى الإحترام ... سعيد بإني إتشرفت بقراءة موضوعك يا أستاذ / سمير ... ربنا يجعله في ميزان حسناتك إن شاء الله.

متشكر لزوق حضرتك الواضح لكل ذى لب

لي إستفسار بعد إذنك عن موضوع تغير خواص الزيت مع زيادة عدد مرات التسخين و التبريد (يعني إللي بيمشي بالعربية مشاوير صغيرة و على فترات تسمح بتبريد الزيت قبل البدأ في المشوار إللي بعديه) ... إيه الخاصية أو الخواص إللي بتتأثر بالموضوع ده؟ اللزوجة؟

والله يا أستاذ / أحمد

أنت تطرقت لظاهره مهمه أثناء التعامل مع زيت السياره بوجه عام

وهى تندرج تحت قسمين

1- أستعمال شاق للسياره ......العربيه مبتسافرش كتير ومتكتفه بشكل عام جوه البلد

يعنى مشاوير محدوده وغير كافيه للتغلب على تراكمات مشاكل الحريق
سواء داخل المحرك نفسه أو فى منظومة الشكمان

2- أستعمال غير شاق وسلس للسياره بتتابع عمليات السفر للسياره ( حسب الظروف طبعا )
على الطرق السريعه ....ودى اللى بنقول عليها

عمليات تفويق السياره ككل ( محرك وشكمان وخلافه )

وبالنسبه لقصة الزيوت

وماهو التأثير السلبى على الزيوت مع عدم سفر السياره خارج نطاق المدينه

فمعروف أن أضافة تحسين معامل اللزوجه ثابته ( لأن مفيش أى تدخل حصل منها على الزيت وهو شغال بالمحرك ) طالما المحرك سليم ومش ححطله زيت شنبر مثلا ( لتزويد لزوجة الزيت )

أما اللى بيؤثر بشكل عام فى حالة الأستعمال الشاق للسياره
هو أنخفاض كفاءة أضافة التنظيف والتشتيت detergent dispersant additive

المذكوره فى البند رقم 1 ( من بند الأضافات )

لأن مع الأستعمال الشاق للسياره وعدم السفر الكثير
بيتأثر الدور المنوط لهذه الأضافه

فى صورة تكون ترسيبات كربونيه داخل الزيت وأختلال قدرتها ( الى حد ما ) فى تشتيت الرواسب داخل وسط الزيت ( وجعل الرواسب الكربونيه أكثر تجانسا فى وسط الزيت )

لأن الحمل والشغل المطلوب منها كأضافه فى الزيت بيبقى كتير عليها

ولهذا السبب

يوصى بتقليص فترات تغيير الزيت عن المقنن فى حالة الأستعمال الشاق للسيارات بوجه عام

**Horsepower** · 19-04-2010 11:46 PM

ألف شكر يا باشمهندس سمير ... شرح وافي و ممتع ... جزاك الله خير,
أعتقد إن إنخفاض كفاءة إضافة التنظيف والتشتيت و إللي بتؤدي إلى تكون (تجمع) الترسبات الكربونية و مع حركة أجزاء المحرك التجمعات الكربونية دي بتعمل نقر (حفر) في أجزاء المحرك و مع الوقت الموتور ممكن يفوت.