الموضوع: مشكلة مع لمبة الزيت

اكشف الاول علي المصفاه الزيت الي في الكرتيره ممكن يكون فيها وساخه وساده المصفاه و مابتسحبش زيت كتير
قبل ماتغير طرمبة الزيت اتاكيد من ان المصفاه نضيفه ومش مسدوده
خلي المكانيكي يطلعها و يبص فيها و ينضفها و جرب وان شاء الله هو ده العيب باذن الله
و الدليل انك لما غيرت الزيت اشتغلت تمام عارف ليه لانك وانت بتنزل الزيت الجديد نزلت الوساخه الي ساده المصفاه ومع الوقت الوساخه سدة المصفاه تاني

اكشف الاول علي المصفاه الزيت الي في الكرتيره ممكن يكون فيها وساخه وساده المصفاه و مابتسحبش زيت كتير
قبل ماتغير طرمبة الزيت اتاكيد من ان المصفاه نضيفه ومش مسدوده

: هو ده الكلام الصح

الف شكر ليكو يا رجالة و انا ان شاء الله هعمل كدا و ارد عليكم بس انا كنت حابب اقولكم ان انا لسة مغير الكرتيرة قريب و جبت واحدة استيراد فهل ممكن ده يكون السبب اعزرني انا جاهل شوية في الموضوع ده هي ممكن تكون مش متركبة كويس او كدة ولا ده ملوش دعوه

لا هو تغيير الكرتيره .....ملوش دخل بالموضوع ده ......والمفروض البيه الميكانيكى كان برضه كشف على المصفه ........بس أهم حاجه تكون الكرتيره نفس القديمه ( علشان حوض تجميع الزيت اللى تحت الطلمبه يكون نفس التصميم برضه ) لأن كل حاجه محسوبه فى تصميم المحرك.....وياترى أيه سبب تغيير القديمه

والله هي كانت حادثة صغيرة كدة طلعت على جزيرة فالكارتيرة اتقطعت بس انا جبت واحدة بتاعة لانوس ف اكيد حتكون نفسها بالظبط مش صح كده ولا ايه

أولا : حمدا لله على سلامتك : وطالما بتاعة لانوس ( يعنى نفس العربيه ) فكده مفيش مشاكل .........وبرضه خللى الميكانيكى يطمن كويس على المصفه والماسوره اللى موديه زيت من المصفه للطلمبه ( لأن الله أعلم برضه ) ممكن تكون حاجه من دول أتأثرت ....ولازم الميكانيكى يركز كويس فى النقطه دى ...................................أنا حصل عندى فى الشغل مره أن ماسورة المصفه هوت شويه المسامير بتاعة تجميعها مع الطلمبه مع شغل الطلمبه والزيت ضغطه قل فى الدايره ................فكل شىء وارد ( وقوله صحصح شويه ......ولو هو أى كلام غيره )............

انا بصراحة مش مقتنع بالراجل ده

وأعتقد كلامك ده أكبر دليل ..........على أنه عجلاتى مش ميكانيكى سيارات .....ومش عربيتك لانوس ولا نوبيرا

لا انا عريتي لانوس و على العموم انا عاوز اغيروا والله بش مش لاقي ميكانيكي قريب و كويس كلهم مش تمام

كده مفيش مشاكل من الكرتيره ............وربنا ييسر لك الأحوال وتصل لواحد كويس