الموضوع: الخدع التسويقية في القوة الحصانية!!

أعزائي,

طالعت أمس Brochure لأحد السيارات اليابانية الشهيرة جداً,بدون ذكر أسماء, و وجدت أن بجانب خانة القوة الحصانية مكتوب
118 حصان SAE Gross .

كنت قد تناقشت في هذا الموضوع مسبقاً و كان ظني أن الشركات تستخدم الBHP أو الSAE Net في الدعاية.

لكن SAE Gross :!: :!:

للعلم الSAE Gross يقاس و الموتور محطوط علي ترابيزة....يعني حيديلك المكتوب عليه لو فكيته و خدته في ايدك و من سنة 1971 أمريكا بطلت تقيس بيه العربيات :!:

أما لو اتركب في عربية وهي واقفة فالقوة حاتقل بمقدار يتراوح بين 10-20% و ده هوة الBHP اللي بيتقاس من الحدافة و هو الشائع في كل بلدان العالم في تسويق السيارات.

أما القوة اللي العربية حتديها و هيه ماشية فحتنقص كمان 10-20%.....

و ده معناه

أن عربية متسوقة انها 118 حصان, المفروض تتباع علي انها 100 حصان......و لو مشيت علي الأرض حتديك في حدود 85 حصان.

و في النهاية أنا مش متأكد من الشركات التانية لكن مادام شركة بثقل اللي شفت الBrochure بتاعها (و احييهم علي الصراحة) بيقيسوا كده يبقي غالباً هوه ده المتبع في السوق المصري بأكمله.

و شكراً.