لية الالنترا احسن من النيو سيراتو؟

**Haitham10** · 22-05-2009 08:40 AM

المشاركة الأصلية كتبت بواسطة dasboot

معلش يا سيدي الفاضل ليا كام تعليق كده:
1-الفتيس مختلف مش هوه هوه, فتيس السيراتو gates bs
2-في فرق في الموتور رغم انه نفس الفئة, لكن فرق في التيونينج بتاعه (cam timing, w valve timing w el headers)
3-فرامل السيراتو abs-ebd و الفرامل ورا ديسكات من اول sx إللي هي 116,000
4-الeps إللي هو الباور الكهرباء في الإلنترا فيه مشكلة انه مالوش speed sensor, يعني مش بيفصل مع التسارع, و بالتالي فوق ال120 هتبقي ماسك الدركسيون بإيديك و سنانك
5- الوكيل المحترم غبور غني عن التعريف
6-ميزة الإلنترا الوحيدة هي السعر الأقل من السيراتو

بحب الناس الي عارفه بتتكلم عن ايه وزود عليهم ان الالنترا واطيه جدا جدا
مع اني بحبها بس الحق يتقال فعلا:b4_592:

**dasboot** · 22-05-2009 12:59 PM

المشاركة الأصلية كتبت بواسطة Ahmed Samy

اسمحلي اقول انطباعي عن مشاركة حضرتك ...

حضرتك بتحاول تقنع شخص ما (يا احنا ,يا نفسك) بإن السيراتو مش أحسن من الإلانترا فقط

لكن مافيش اي حاجة من اللي حضرتك قولتها بتقول ان الالنترا أحسن من السيراتو ..

- المكنة غير ....و دي حقيقة مش كلام ... موضوع الهورس باور على اللفات العالية اللي حضرتك ذكرته معناه برضه ان الموتور أقوى و لا يعني أي ميزة للإلانترا

- الفتيس غير زي ما dsaboot قال و حضرتك وضحت انه أحسن من بتاع الالانترا وبدون تعليق .

- الفرامل في السيراتو ديسكات ورا .. وحتى لو مش ديسكات ...حضرتك بتقول انها بتفرق "جامد" لأ هي مش جامد ولا حاجة الا في وجود أنظمة الثبات زي EBD و ESC أو ESP لأنها بتحسن أداء النظام ..و يمكن النظام ده ما يكونش موجود أساسا فب الالانترا المانيوال ..

في الفرملة العادية في خط مستقيم ..وزن العربية بيندفع للأمام بسبب القصور الذاتي ..يعنى الحمل بيزيد على العجل الأمامي و بيخف على العجل الخلفي و الفرامل اللي بتشيل أكتر هيا الأمامية علشان كده في غير وجود انظمة الثبات الاليكترونية يبقى وجود الديسكات الخلفية ذو تأثير أقل فعالية (بس هيا موجودة في السيراتو برضه).

أما موضوع معروفة من زمان و السيراتو ماحدش يعرف عنها حاجة فده الي حسسنس ان حضرتك بتحاول تقنع نفسك بيها لأنك لسه قايل بنفسك (مكنة واحدة و فتيس واحد) و كنت فاكرهم زي بعض ...يبقى خايف منها ليه ؟؟؟

موضوع الصالون الداخلي ...انا الحقيقة ماركبتش الالانترا غير مرتين و مش فاكر خاماتها ايه ...بس السيراتو خاماتها مش قد كده و دي حقيقة

و كمان مهندس و سيكاترست :)

ماشاء الله يا مان

و ضيف علي دول حاجه صغيره كده لسه مكتشفها امبارح بليل, و هي ان السيراتو كمان سنتين هتبقي SuperCharged 2.4L و ده موتور Hyundai Tibrun و برضو كيا هتعدله, و هو رسميا حتي الأن المحرك جه 170HP و التوقعات بتقول انه بعد التعديل و الSuperCharging ممكن يوصل ل 300HP~350HP
و هيركب علي النيو سيراتو عادي علشان نفس الشاسيه :)

انا هابدأ احوشله من دلوقتي

**Ahmed Samy** · 22-05-2009 02:29 PM

المشاركة الأصلية كتبت بواسطة dasboot

و كمان مهندس و سيكاترست :)

ماشاء الله يا مان

و ضيف علي دول حاجه صغيره كده لسه مكتشفها امبارح بليل, و هي ان السيراتو كمان سنتين هتبقي supercharged 2.4l و ده موتور hyundai tibrun و برضو كيا هتعدله, و هو رسميا حتي الأن المحرك جه 170hp و التوقعات بتقول انه بعد التعديل و الsupercharging ممكن يوصل ل 300hp~350hp
و هيركب علي النيو سيراتو عادي علشان نفس الشاسيه :)

انا هابدأ احوشله من دلوقتي

انت تحوش للـــkoupe بقى

نازلة اخر الصيف

**dasboot** · 22-05-2009 02:40 PM

المشاركة الأصلية كتبت بواسطة Ahmed Samy

انت تحوش للـــkoupe بقى

نازلة اخر الصيف

ما هو ده موتور الCoupe و هو قصاد الTibrun بس انا هاستفيد من مزايا السيدان و مميزات الكوبيه :)
و ممكن اشوف واحده هاي لاين عامله حادثه ادخلها قطع غيار و اقلبها هاي لاين لأ و كمان بتاعه بره البلوتوث و ESC مادام سلموني SX زي ال.......
و اعمله سوبرتشارج بالكيت بتاعه الTIBRUN

و بعدها والدتي هاتدخل تصحيني علشان انزل الكيلة

**Haitham10** · 22-05-2009 03:47 PM

كفايه انتو الاتنين عقدتوني الناس بتتخانق هنا علي 20 حصان فرق
كفاااااايه

**amrnader** · 22-05-2009 04:24 PM

المشاركة الأصلية كتبت بواسطة dasboot

معلش يا سيدي الفاضل ليا كام تعليق كده:
4-الEPS إللي هو الباور الكهرباء في الإلنترا فيه مشكلة انه مالوش SPEED SENSOR, يعني مش بيفصل مع التسارع, و بالتالي فوق ال120 هتبقي ماسك الدركسيون بإيديك و سنانك

الكلام ده جبته منين؟! انا معايا العربية و الكلام ده مش مظبوط، الدريكسيون بيتقل جامد جدا على السرعات العالية و بيدى احساس بالثقة لدرجة انك ممكن حتى تسيب الدريكسيون.

سؤال بسيط، انت بتتكلم عن تجربة و لا كلام سمعته و خلاص؟

انا اسف جدا، بس الكلام ده "فتى" و انا واثق انك مجربتش قبل ما تتكلم. و انا مدين لك بالاعتذار لو كنت فعلا جربت الانترا و جريت بيها و اضطريت تمسك الدريكسيون بايدك و سنانك.

**osman hisham** · 22-05-2009 07:17 PM

الدريكسيون بيتقل جامد جدا على السرعات العالية و بيدى احساس بالثقة لدرجة انك ممكن حتى تسيب الدريكسيون طبعا , مش عارف أنتم بتجيبوا الكلام ده منين ,
ده لو ما بيفصلش كنت ولا حتى تمسك الدركسيون بأيدك و رجليك ينفع .
وبعدين مين قال أن صيانة غبور وحشه دى معقوله جدا و الناس فى أبو رواش هايلين .

**dasboot** · 22-05-2009 07:17 PM

إللي انا بأقوله ده بناء علي تجربتي لعربية جوز خالتي و انا بقارن بينها و بين السيراتو قبل ما اختار السيراتو.
‏و فعلا اخدتها منه و طلعت بيها علي الدولي، و بغض النظر عن تقييمي الكامل لأداء العربيه‏(و ه‏و اداء كويس علي فكره‏)‏ لكن تحديدا نقطه جهاز التوجيه، علي السرعات المنخفضه و في الركن ممتع جدا، لكن علي السرعات العاليه يادوب كنت باهز الدركسيون بلاقي العربيه طارت بحركة حادة جدا لجانب الطريق بشكل مزعج، و هو ده دور السنسور إللي انا ذكرته و هو انه بيعدل نسب تدوير مجموعة تروس التوجيه مع السرعة لتلافي حدة الحركة، لكن اكيد لو سبت ايدك مش هيحصل حاجة، علشان موضوع استقامة السير ده متعلق بالزوايا مش التوجيه

**EslaM_NagY** · 22-05-2009 08:42 PM

المشاركة الأصلية كتبت بواسطة dasboot

إللي انا بأقوله ده بناء علي تجربتي لعربية جوز خالتي و انا بقارن بينها و بين السيراتو قبل ما اختار السيراتو.
‏و فعلا اخدتها منه و طلعت بيها علي الدولي، و بغض النظر عن تقييمي الكامل لأداء العربيه‏(و ه‏و اداء كويس علي فكره‏)‏ لكن تحديدا نقطه جهاز التوجيه، علي السرعات المنخفضه و في الركن ممتع جدا، لكن علي السرعات العاليه يادوب كنت باهز الدركسيون بلاقي العربيه طارت بحركة حادة جدا لجانب الطريق بشكل مزعج، و هو ده دور السنسور إللي انا ذكرته و هو انه بيعدل نسب تدوير مجموعة تروس التوجيه مع السرعة لتلافي حدة الحركة، لكن اكيد لو سبت ايدك مش هيحصل حاجة، علشان موضوع استقامة السير ده متعلق بالزوايا مش التوجيه

اديك قولتها بلسانك عربيه جوز خالتك يعنى مش عربيتك

لما تكون عربيتك حتاخد عليها ويبقى الطبيعى انك بتلف براحه على السراعات العليا.

وعلى كلامك دا يبقى المفروض اصحى الصبح الاقى كل الالنترا طلعا فوق الرصيف عشان العربية لفت زيادة .

المسئلة مسئلة تعود لا اكثر ولا اقل.

**amrnader** · 22-05-2009 09:04 PM

انا بصيت فى الكتالوج و جبتلك الرد القاطع اللى بيثبت ان ال EPS متغير مع السرعة ( و ده شىء بديهى جدا بس عشان الاثبات يبقى موثق، فى الكتالوج صفحة 26 فى الباب الرابع)

[justify]The motor-driven power steering is controlled by power steering control unit which sense the steering wheel torque, steering wheel position and vehicle speed to command the motor.

The steering wheel becomes heavier as the vehicle's speed increases and becomes lighter as the vehicle's speed decreases for the better control of the steering wheel.
[/justify]

الباور الكهرباء في الإلنترا فيه مشكلة انه مالوش SPEED SENSOR

اظن ان الكلام واضح و مبين ان فى حساس للسرعة و كل حاجة، ارجو تحرى الدقة بعد كدة فى الكلام اللى بيتقال.

الموضوع: لية الالنترا احسن من النيو سيراتو؟

LinkBack

أدوات الموضوع

عرض

-

-

-

-

المواضيع المتشابهه

هديه لوحوش النيو الالنترا (كتاب الصيانه فيه كل مايخص الالنترا)

تقييم النيو سيراتو والمقارنه مع الالنترا

النيو النترا ولا النيو سيراتو

ممكن حد يعمل مقارنة بأمانة بين النيو سيراتو و الالنترا و الياريس

مالكى النيو سيراتو وحاجزى النيو سيراتو

الكلمات الدلالية لهذا الموضوع

المفضلات

المفضلات

ضوابط المشاركة