طلب استشارة قانونية : أرضى الدوله هتاخدها وهتبقى منفعه عامه

**RED_OCTOBER_IV** · 24-05-2009 08:43 PM

المشاركة الأصلية كتبت بواسطة michohat

الحمد لله الارض كلها ضاعت الطريق بلع الارض كلها و واخد من الجيران كمان
مقلق ادخل فى سكك محامين التعويضات
هل فيه حل لوقف الطريق

ما ضاع حق ورأه مطالب ... أولاً أوعى تتكاسل فى البحث عن حقك اللى يرضيك ... الساكت عن الحق ........* اخرس

بالنسبه لسؤال حضرتك .. فـ الطريق ده هو عباره عن مشروع من مشروعات الحكومه وطالما بدء يبقى اعتقد مينفعش الرجوع فيه

بس أعتقد إننا لو لجئنا بالتظلم للمراقبين على الحكومه ( مجلس الشعب.. طبعاً) ممكن يتواجد حل يرضي حضرتك ..

الخلاصه : حضرتك تجمع عدد من المتضررين من المشروع ده .. وتطلعو على عضو مجلس شعب تقيل .. تشرحوله الموقف وتتابعه معاه ... وياريت لو كانت طالبتكم معقوله .. يعنى متطالبش بوقف الطريق .. بس تقدر تطالب بقطعة أرض مساويه للي كنت تملكها وبتطل على الطريق ... وأعتقد إنك هتكون كده كسبان .. او مرضى بالنسبه للجهد والوقت إللى هيتكلفه الموقف .. وربنا يوفقك وتطمنا .

**ابو حسين** · 24-05-2009 09:00 PM

قلبي معاك

**Ahmed Samy** · 24-05-2009 09:13 PM

قلبي معاك

بس مش هاتاخد حاجة من المطالبة

نزع الملكية بيكون بقرار جمهوري و ياما اتنزعت ملكيات

ربنا يعوضك خير في حاجة تانية

اللهم أجرني في مصيبتي و اخلفني خيرا منها

و صدقني لو صبرت و احتسبت عند الله هاتلاقي خير كتير

انما الحكومة .....ايدك منها و الأرض

**michohat** · 24-05-2009 10:07 PM

من ضمن الكلام اللى سمعته ان عضو مجلس الشعب هوا اللى متسبب فى تحويل مسار الطريق لانه كان ماشى فى اراضى مملوكه له
و فى ناس ليها معرفة بدكاترة تبع رئاسة الجمهورية و مش نفعوهم بحاجه بيقولوا ده قرار رئاسى
بس نفسى اعرف ازاى يسيبوا حل تانى مش بيسبب ضرر لحد وهوا انهم يغطوا مصرف ويعملوا الطريق فوقة بدل ما يمشوا الطريق فى ارض زراعيه
ناس كتير حصل ليها ضرر كبير من الحكايه دى
ناس خسرت ارضها اللى هيا شغلها
وناس خسرت بيوت ليها
وناس خسرت ارض وبيت ليها مره واحده
وده مش على اصحاب الاراضى وبس
فين هيروح الناس اللى كانت بتزرع
فين هتروح الناس اللى كانت بتأجر الاراضى للزراعه
معرفش بيعملوا كده ليه عاوزين ايه تانى
طريق دولى وبدل ما يمشوه فى منطقة مش تسبب ضرر لحد وبالعكس هتفيد اللى حولها لانهم هيردموا مصرف
يجوا يضيقوها على الفلاح
والله اللى يشوف منظر الارض والطريق ناخر فيها يصعب عليه
فين الدولة اللى بتروح تستصلح اراضى وتدفع كتير وفى الاخر الفلوس تروح لناس كروشها كبيرة
واللى يقف فى وشهم يتاخد و يتحبس
معرفش ليه عاوزين يكرهونا فى مصر بس برضه مش هنكرهها
ولا حول ولا قوه الا بالله , وانا الى ربنا لمنقلبون

**michohat** · 24-05-2009 10:10 PM

روابط ذات صله
http://www.2lex.com/archives/53217

http://www.alwafd.org/details.aspx?nid=18371

واهو عضو مجلس الشعب
http://enshas.com/salhy.htm

**Drift_Lover** · 24-05-2009 10:27 PM

السلام عليكم ورحمه الله وبركاته
عندى استفسار ويا ريت حد يعرف يقولى ايه الاجراءات
من فترة واحنا بنسمع ان الدوله بتعمل طريق جديد دولى بيوصل بين المنصورة والزقازيق وانهم ماشيين بيصادروا الاراضى والبيوت واى حاجه فى وش الطريق
دلوقتى وصلت لى اخبار ان الارض المملوكه لى هيعدى عليها الطريق و الدوله هتاخدها
اعمل ايه دلوقت ايه اللى فى امكانى اعمله
الارض دلوقتى لسه زراعيه لكنها فى كردون المبانى يعنى كانت بتتباع بالمتر و كانت جايبة فلوس كتير
دلوقتى لما الدوله تاخدها وهتدى تعويضات هتبقى ملاليم ( سمعت انهم بيدوا تعويض على الفدان اربعه الاف و القيراط الواحد كان ب 20 الف) فهل فى اجراءات اتشاكل بيها لمنع الاستيلاء على الارض من قبل الدولة

الدوله اختارت الطريق الصعب فبدل ما الطريق الدولى الجديد يمشى على مصرف قديم مفيش حد بيستفاد بيه مشته وسط اراضى الناس والناس الواصله واللى ليها نفوذ اتدخلت و بعدت الطريق بعيد عن ارضها ودفعت فلوس
هل فى طريقة لانقاذ الارض؟

لا حول ولا قوة الا بالله... مش هو ده الطريق اللي حيتعمل علشان يخفف الضغط علي ميزانية ميت فارس.
.
.
.
.
.
.

فعلا ربنا معاك.

**MoToRiZeR** · 24-05-2009 11:01 PM

قلبي معاك بجد
انا لا زلت أتذكر حلقة أحمد مظهر من حديث المدينة تقريباَ و هو بيتكلم عن أرضه اللي إتدمرت
الحلقة دي أثرت فيا جامد وقتها .

**ams** · 25-05-2009 12:11 AM

دى قلة أدب

**aif** · 25-05-2009 11:33 AM

يا جماعة اي طريق بيتعمل لازم ح يكون على حساب اراضي بتاعة ناس
موضوع المصرف احنا مش عارفين خلفياته
اكيد له ابعاد تانية سواء هندسية او اسباب اخري احنا مش على دراية بها ... مش معقول يسيبو المصرف ويجيبو لنفسهم وجع الدماغ مع الناس ... اكيد لهم سبب ... وبعدين لو المصرف ينفع كانو ليه بينزعو ملكيات ويدفعو تعويضات ..... حتى لو تعويضات ضعيفة ... لكنها ح تجمع ملايين
خلينا نكون عقلانيين
لازم الطريق ح يمشي في ارض بتاعت ناس ولازم ح يكون فيه نزع ملكيات
..... النقطة المحورية اللي ممكن يكون فيها كلام هيا التعويضات .... مش اكتر من كدة
دي اللي ممكن تمشي وراها ... وتتظلم منها ... وترفع دعوى انت وباقي المتضررين وممكن تجيب نتيجة وتاخد تعويض اكتر من اللي هما عاوزين يدوه للناس ... مش ح اقولك تعويض مجزي .... لكن اقل ضررا من الحاصل
لكن انك تحاول تلغي الطريق او تحول مساره ..... كان احمد مظهر بعلاقاته ونفوذه عملها قبلك ....
استعوض ربنا خير في الارض واسعى بكل الطرق لرفع قيمة التعويض .... وربنا يخلف عليك خير بكرمه ورحمته

الموضوع: طلب استشارة قانونية : أرضى الدوله هتاخدها وهتبقى منفعه عامه

LinkBack

أدوات الموضوع

عرض

-

-

-

-

-

-

المواضيع المتشابهه

استشارة قانونية

استشارة قانونية

استشارة قانونية

استشارة قانونية ؟

استشارة قانونية ..

الكلمات الدلالية لهذا الموضوع

المفضلات

المفضلات

ضوابط المشاركة