طلب استشارة قانونية : أرضى الدوله هتاخدها وهتبقى منفعه عامه

**elassar2010** · 25-05-2009 04:06 PM

بص يباشا سيب من موضوع عضو مجلس الشعب والكلام الى مش هيفيدك فى حاجة
الحل الوحيد قدام حضرتك انك تلجا للقضاء وترفع دعوى تعويض على الهيئة او الوزارة الى هتاخد ارضك
ملحوظة القضية هطول فى المحاكم لان هيدخل خبير فى القضية لتقدير قيمة الارض
دة الى انا اعرفة لان متخصص جنائى

**michohat** · 25-05-2009 05:11 PM

الارض خلاص اتاخدت و اتفرد فيها الرمل فهل القضيه دى هتوقف اللى بيحصل
اعتقد لا , وده هيدخلنى تحت رحمه محامين التعويضات لان اللى بيقبل النوعيات دى من القضايا بيكونوا محامين تعويضات
والقضايا فى مصر مصاريفها كتيرة و حبالها اطول وفى الاخر الارض راحت واقبل بالموجود
مفيش حاجه اقدر اعملها غير انى اقول قدر الله وما شاء فعل
فى ناس وقفت قدام البلدزورات ومش لاقينهم دلوقت

**mahmoud_magdy** · 25-05-2009 06:04 PM

كان الله في عونك
مش عارف اقولك ايه والله
اللهم اجرني في مصيبتي واخلفني خيرا منها
اللهم اضرب الظالمين بالظالمين واخرجنا منها سالمين

**elassar2010** · 25-05-2009 06:05 PM

المشاركة الأصلية كتبت بواسطة michohat

الارض خلاص اتاخدت و اتفرد فيها الرمل فهل القضيه دى هتوقف اللى بيحصل
اعتقد لا , وده هيدخلنى تحت رحمه محامين التعويضات لان اللى بيقبل النوعيات دى من القضايا بيكونوا محامين تعويضات
والقضايا فى مصر مصاريفها كتيرة و حبالها اطول وفى الاخر الارض راحت واقبل بالموجود
مفيش حاجه اقدر اعملها غير انى اقول قدر الله وما شاء فعل
فى ناس وقفت قدام البلدزورات ومش لاقينهم دلوقت

موضوع ان حضرتك ترفع قضية علشان توقف اعمال الحفر هتصرف فلوس على الارض لان الى استولى على الارض حكومة ومش هتقدر توقف المشروع
موضوع تحت رحمة المحامين الموضوع كلة ان المحامى هيتفق معاك على نسبة معينة من قيمة التعويض مش اكتر والنسبة بتختلف من محامى لمحامى وغالبا هتكون من 10:15%
هو فعلا موضوع القضية هيطول بس فى الاخر هتاخد تعويض
هو المدنى سكتة مقرفة وقضايا بطول

**نور العمر** · 25-05-2009 11:03 PM

واالله ... حاول تقدم تظلم ... تطلب تعويض اعلى
وبفلوسه ... اشتري ارض رخيصة في مكان آخر .. وليكن مرسى مطروح منطقة عجيبة ... وكام سنة وسعرها حيعدي وحيدخل فيها استثمارات ... وربنا يعوضك عن أرضك الحالية

بس ماتسكوتش
حتى ولو ما خرجتش بنتيجة
وأعمل كل حاجة .. بالذو ق وبالهدوء وبالقانون
عشان ما تقعش في مطبات سياسية أخرى

**michohat** · 31-05-2009 02:33 AM

عاوز اشوركم رحت اسئل فى هيئة المساحه عن الاجراءات اللى مفروض اعملها قالوا لى مفيش حاجه و ورونى ان اسمى مكتوب عندهم ومتسجل و لما سئلت عن التعويضات قالوا لى لما الطريق يخلص خالص و العربيات تمشى عليه هتتشكل لجنه وهتنزل تعاين وهيا اللى تقرر التعويض
فرأيكم ابدأ فى سكه القضايا من دلوقت ولا استنى اللجنه اللى ممكن تطول لغايه ما تتعمل؟