موضوع الفصال في اسعار العربيات الزيرو

**ows212** · 20-06-2008 11:08 AM

المشاركة الأصلية كتبت بواسطة tutankhamoun

أنا نزلت في عربية 23 ألف جنيه بسبب ركود العربية و موديل قديم سنة كاملة
و كان مستعد ينزل أكتر لو أنا أظهرت جدية أكتر

الكلام ده كان لعربية مافيش منها غير اتنين فى مصر وماتباعتش خالص ده ماشى لكن يكون فى تخفيض لعربية ماشى حالها زى ال اوكتافيا ب 30 الف جنيه امل هما بيكسبوا كام فيها

**tutankhamoun** · 20-06-2008 03:14 PM

المشاركة الأصلية كتبت بواسطة ows212

الكلام ده كان لعربية مافيش منها غير اتنين فى مصر وماتباعتش خالص ده ماشى لكن يكون فى تخفيض لعربية ماشى حالها زى ال اوكتافيا ب 30 الف جنيه امل هما بيكسبوا كام فيها

أيه ده .......... هو حضرتك كنت معايا ؟؟؟؟؟؟؟؟؟؟؟؟؟؟؟

----------------------------------------------------

طيب أيه هي دي العربية .......؟ و ماركتها أيه ؟؟؟؟

**Ahmed Samy** · 20-06-2008 04:51 PM

المشاركة الأصلية كتبت بواسطة ows212

الكلام ده كان لعربية مافيش منها غير اتنين فى مصر وماتباعتش خالص ده ماشى لكن يكون فى تخفيض لعربية ماشى حالها زى ال اوكتافيا ب 30 الف جنيه امل هما بيكسبوا كام فيها

المشاركة الأصلية كتبت بواسطة tutankhamoun

أيه ده .......... هو حضرتك كنت معايا ؟؟؟؟؟؟؟؟؟؟؟؟؟؟؟

----------------------------------------------------

طيب أيه هي دي العربية .......؟ و ماركتها أيه ؟؟؟؟

لأ كده أنا كمان عايز اعرف :arghh:

**som3aa** · 20-06-2008 05:25 PM

للآسف أنا بكره الفصال جدا ........... و ليه التاجر يحط مبلغ زيادة على ثمن العربية تحسبا للفصال ؟؟؟
طيب ما يحط السعر الرسمي ............ و خلاص و يبقى سعر واحد لكل الناس
مفيش حاجة مظبوطة في البلد دي
ثقافة البيع و الشراء كلها غش في غش و كدب و نصابين
البياع يعملك البحر طحينة علشان يبيع و ملوش دعوة أنت تعبت في الفلوس دي أد أيه
التاجر عايز يكسب أكبر مكسب ممكن بغض النظر عن المبالغة في السعر
تاجر تاني يستورد عربيات من غير ضمان و أصحابها بيلوصوا بعد كدا
عميل يخرب حاجة في العربية و يبقى عارف و متأكد مليون % إن المشكلة بسببه و يوقولك خليك ناصح ...... لبسها للتوكيل
و في الآخر لا يوجد مصداقية ما بين الوكيل و العملاء
و الكل بيغش الكل
و مفيش أخلاق ............ و مفيش أمانة
الله يرحم أيام الأخلاق و الأمانة و الذمة

بصراحة تقديرى و احترامى لحضرتك بيزيد كل يوم. :)
اصل دا رايى فى كل حاجة , انا اكتر حاجة بكرها الفصال!!!!
و فى موضوع كان بيسال على سمير ريان شوف ردى , كنت روحت مع واحد صاحبى كان بيسال على عربية!!!
الراجل كل كلمة يقول بس ممكن نزل شوية , الكلام دا وقت الفلوس متيجى بيتغير , الله طيب متسعر العربية و حط هامش ربح مقبول و بيع , بس راجل بيفاصل مع نفسه؟؟؟؟؟ يعنى تقوله العربية بكام يقوم يقولك سعر و يفاصل مع نفسه؟؟؟
بعدين الكلام دا فى كل حاجة , ناقص الواحد يروح مطعم ولا يدفع فاتورة موبايل يقول كتير نزلولى شوية!!!!!!

بالنسبة بس للاوكتافيا
متنزلش 35 الف ابدا, العربية بتتباع زى الرز!!!!
و لا تنزل فى التوكيل 2000-3000 حتى!!!
انا اعرف حد عنده واسطة جامدة فى التوكيل نزلولو 2000 جنيه بس.

**ows212** · 20-06-2008 07:39 PM

المشاركة الأصلية كتبت بواسطة tutankhamoun

أيه ده .......... هو حضرتك كنت معايا ؟؟؟؟؟؟؟؟؟؟؟؟؟؟؟

----------------------------------------------------

طيب أيه هي دي العربية .......؟ و ماركتها أيه ؟؟؟؟

ايه يا عم انت نسيت انك اتكلمت عن العربية دى قبل كده تقريبا اسمها سافى

**MaaG** · 21-06-2008 07:08 AM

أنا مشكلتي الأزليه إني كبعرفش أفاصل ، و ده مش في العربيات و بس دا في أي حاجة اشترتها في حياتي ، عشان كده بحاول أتعامل مع التوكيلات في أي سلعة بشتريها ، و لما يبقى التوكيل كمان معندهوش ضمير يبقى أروح فين أنا ، الواحد اتخنق و معدش عنده ثقة في أي حاجة خالص .

**tutankhamoun** · 21-06-2008 07:26 AM

المشاركة الأصلية كتبت بواسطة ows212

ايه يا عم انت نسيت انك اتكلمت عن العربية دى قبل كده تقريبا اسمها سافى

سافي .............. نزل فيها مبلغ أقل من كدا بكتير
يعني هي كانت ب 70 ألف ..........
و مش نازل منها في الجمهورية كلها غير عربيتين للعرض
فطبعا عموا عز العرب كان عايز يبيعها بأي ثمن

بس أنا بتكلم على عربية تانية خالص

**tutankhamoun** · 21-06-2008 07:28 AM

بصراحة تقديرى و احترامى لحضرتك بيزيد كل يوم. :)
اصل دا رايى فى كل حاجة , انا اكتر حاجة بكرها الفصال!!!!

الله يكرمك يا باشا ..........

العقول الكبيرة تفكر مثل بعضها

**aif** · 21-06-2008 03:07 PM

لو موزع نزللي 33000 في تمن عربية زيرو .... انا ح اخاف اشتري منه اي عربية ....يبقى اكيد فيه حاجة مش مظبوطة ..... ممكن تكون الفرش بتاعها مثلا جلد حمير من بتوع الجيزة .... ماهم اكيد لما بيدبحوهم مش بيرمو الجلد ...:):):)
التنزيل يبقى 1000 او 2000 بالكتير ....وده لو من موزع ( طبعا في الظروف العادية مش زي عربية توت اللي فيه منها 2 بس )
انما لو وكيل بيبقى اقل من كده
انا عربيتي من منصور ... وبمعرفة وتوصيه من فلان وعلان ونزلولي 1000 جنيه بالعافية عن السعر الاساسي لكن خدموني في الاستلام بدل شهر فما فوق استلمت في 8 ايام تقريبا

-

مشاهدة نتائج الإستطلاع: تفاصل في تمن العربيه الزيرو و انتا بتشتري؟

الموضوع: موضوع الفصال في اسعار العربيات الزيرو

LinkBack

أدوات الموضوع

عرض

-

-

-

-

-

المواضيع المتشابهه

هتبقى ايه اسعار العربيات المستعمله بعد ارتفاع اسعار البنزين

ادخل شوف اسعار العربيات الزيرو كانت ايه من سنتين والنهارده ايه ؟؟؟

العربيات الزيرو غليت يا شعب

حتى في العربيات الزيرو

الكلمات الدلالية لهذا الموضوع

المفضلات

المفضلات

ضوابط المشاركة