النوبيرا والزيت

**mmahermf** · 28-07-2009 12:56 PM

المشاركة الأصلية كتبت بواسطة maka

التفاصيل ببساطة صاحبى مشى شوية ( مش كتيير ) على الزيت التخليقى وبعد كده نزله وحط شل الاصفر والحمد الله منقصش خالص

وتقبل تحياتى

شكرا لسرعة ردك يابشمهندس ولو ممكن اعرف مشي قد ايه بالشيل الأصفر لحد دلوقت لأني بالزيت التخليقي موبيل 1 النقص ظهر بعد 500 كم وزودت نص كيلو ومشيت لحد النهاده 750 كم ومنقص تاني لحد دلوقت والموضوع غايظني جدا وخايف افتح على نفسي فتحه يبقي ملاهاش لزمه

**MMamdouh** · 28-07-2009 01:29 PM

المشاركة الأصلية كتبت بواسطة maka

التفاصيل ببساطة صاحبى مشى شوية ( مش كتيير ) على الزيت التخليقى وبعد كده نزله وحط شل الاصفر والحمد الله منقصش خالص

وتقبل تحياتى

انت كدة محلتش المشكلة... انت كدة اخفيت العرض بانك استعملت زيت اتقل عشان الزيت الاخف بيطير

حيفضل نفس السؤال موجود: الزيت التخليقى كان بيروح فين؟؟؟؟

MMamdouh

**samirayad** · 28-07-2009 07:14 PM

المشاركة الأصلية كتبت بواسطة maka

بما ان الموضوع اتفتح تانى .الحمد الله تم حل المشكلة طبقا لتوجيهات بشمهندس سمير عياد وشكر خاص له ولكل اعضاء قسم الدايو اللى ساعدونى

الله يخليك يا أبو حميد .....وألف مبروك لصديقك ....وأنا اللى بأشكرك على صداقتك الوفيه لصديقك وأهتمامك بموضوعه .....فأنت نعم الصديق

**samirayad** · 28-07-2009 07:22 PM

طب يا بشمهندس سمير هو لما اجى اشترى العربية اعرف منين اذا كان الشمبر بتاعها كويس و لا بيفوت

صلى على النبى ....(ص) .....فيه طريقه كويسه .....ضحى بغيار زيت ....وغير أنت الزيت على حسابك ....وجرب المكنه .....وأعمل شوية أمبليهات جامده والعربيه واقفه مثلا ....للأطمئنان على كفاءة الشنبر لو لقيت الشكمان بيطلع دخنه كتير سوداء مائل للأزرق....تبقى المكنه مفوته .........لأن ممكن يكون البائع حاطط زيت شنبر مثلا علشان يمشى العربيه .......ومتعرفش ضمائر الناس برضه ....وفى نفس الوقت جرب سحب العربيه للأطمئنان على المكنه والدبرياش والكبالن والتوجيه وكل حاجه ....علشان تقييمك لتمن العربيه يبقى صح بقدر الأمكان

و ياريت لو فى طريقة تانية غير اختبار الكبس دة عشان انامعرفش دة يتعمل ازاى

اللى فات ده ....طريقه تقريبيه لأختيار كفاءة المكنه .....أنما أختبار الكبس أدق طبعا ....وفيه زملاء كتير عملو أختبار الكبس ده وعرفوا حالة المكنه بتاعة عربياتهم

**samirayad** · 28-07-2009 07:30 PM

والموضوع غايظني جدا وخايف افتح على نفسي فتحه يبقي ملاهاش لزمه

يابشمهندس : محمد .....أبقى غير للشيل الأصفر .....وشوف الوضع اللى حيستقر ويثبت عنده مقاس الزيت بين العلامتين وظبط نفسك عليه ......لأن دى مشكلة شنبر زيت بنسبة 99 %.....والحل التعايش مع الحال ده ....طالما كفاءة المكنه تمام ....والمقاس فى الحدود الآمنه

**kiroo** · 29-07-2009 03:22 AM

انا متشكر جدا و انا عارف انى باتعبك معايا يا بشمهندس/ سمير
بس معلش اخر سؤال هو ا اختبار الكبس دة بيبقى ازاى؟؟

قصدى يعنى بيتعمل ازاى؟

**samirayad** · 29-07-2009 07:08 AM

http://www.nilemotors.net/Nile/showthread.php?t=65410

**mmahermf** · 29-07-2009 08:52 AM

المشاركة الأصلية كتبت بواسطة samirayad

يابشمهندس : محمد .....أبقى غير للشيل الأصفر .....وشوف الوضع اللى حيستقر ويثبت عنده مقاس الزيت بين العلامتين وظبط نفسك عليه ......لأن دى مشكلة شنبر زيت بنسبة 99 %.....والحل التعايش مع الحال ده ....طالما كفاءة المكنه تمام ....والمقاس فى الحدود الآمنه

حضرتك نصحتني بكده فعلا يابشمهندس سمير وأنا بأثق في حضرتك جدا كمهندس ميكانيكا متخصص وأنا مطبق النصيحة ومستني امشي شوية كمان على موبيل 1 لأنه عامل 1300 كم بس فقلت لنفسي خليه كمان الف حتى لحد مافلوسه تبرد شوية وبعدين احط شيل الأصفر.

بس بما اني قسم حاسبات ومعلوماتي عن الميكانيكا نقطه في بحر دراستك وخبرتك ممكن اعرف تفاصيل عن موضوع شنبر الزيت ده. ولو ربنا كرمني بقرشين اخش على الموضوع ده وساعتها ايه اللى حيتعمل؟ وهل التعايش مع الموضوع ده ميعملش مضاعفات؟

جعلك الله عونا لنا جميعا.

**mmahermf** · 29-07-2009 09:12 AM

أنا لسه قاري موضوع اخونا zocor742 بعنوان "المكنة بتاكل زيت ودخنة زرقا" وشفت رد حضرتك يابشمهندس سمير وفهمت شنبر الزيت بس رد حضرتك له بالتعجيل وعدم حركة العربية لأن الشنمبر توقعتوا انه مكسور وعندي حضرتك قلت "تعايش" دليل أن فكرة احتمال شبنر الزيت المكسور مفكرتش فيها.
ياتري علشان أنا معنديش دخنة زرقا والعادم ملوش لون؟ طيب أمال النص كيلو زيت دول راحو فين بعد 500 كم بس والحاجة اللى تجنن ان زودت الزيت وماشي لحد النهارده 835 كيلو بعد التزويد (باجمالي قدره 500+835=1335كم) والمقاس منقص عن الماكس

المكنة دي حتجنني والحل علشان نافوخي ميضربش اني نفسي اديها الطرشة بس مش عارف ابطل تفكير في مجرد معرفة السبب العلمي لكده بس علشان استريح.

الموضوع: النوبيرا والزيت

LinkBack

أدوات الموضوع

عرض

-

-

-

-

-

المواضيع المتشابهه

البوجيهات والزيت

التراب والزيت

سكودا فليشيا او فيفوريت تقيمك لبنزيمات من حيث البنزين و الزيت

استفسار بخصوص البنزين والزيت

الميه ميه والزيت زيت

الكلمات الدلالية لهذا الموضوع

المفضلات

المفضلات

ضوابط المشاركة