الموضوع: أغيثوني يا وحوش في مصيبتي في التكييف

المشاركة الأصلية كتبت بواسطة hegazio

شكرا يا جميل .. طب تعرف حد بتاع تكيف يعرف يفك تابوه الميجان بدون مشاكل نتقابل عنده و نلحم زي ما بتقول؟
أنا ساكن في مدينة نصر علي فكرة يا وحوش

لا اعرف احد لان اى مشكلة فى التكييف عندى انا اللى بحلها لانها نفس طبيعة عملى وبالنسبة للحام انا اللى هلحم بنفسى عندى فىالشركة اللى بعمل فيها ماكينات لحام على مستوى عالى بتلحم اى معدن

ربنا يكون في عونك ، هي مشكلة كبيرة فعلاً بس إن شاء الله تعدي على خير
نصيحتي متحولش تضيع مجهود و فلوس على موضوع لحام الكويل القديم لأن المشكلة إنه بيكون معمول من طبقات رقيقة جداً و مش من السهل أي حد ينفع يلحم فيه ، و هتسمع كلام كتير من صنايعية يقولك هنلحمه بالأنتمونية و هنلحمه بمش عارف إيه ، كل دة غالباً مش بينفع . خصوصاً إن الكويل فيه ضغط فريون ، و لو إشتغل شوية هيفتح تاني من مكان اللحام أو حواليه .
أنا حصل معايا نفس الكلام قبل كدة بس مش في الميجان و فكيته و حاولت الحمه عند كذا حد و كل الناس قالت حيضرب تاني ، و في الأخر اشتريت واحد إستيراد على التجربة و ركبته و إشتغل تمام و فضل شغال بعديها أكتر من خمس سنين .

أنا رأي تجيب واحد استراد و تدفع مصنعية حد نضيف يركبه و يجربه ، و إن شاء الله يمشي تمام ، و ربنا يعوض عليك .