من اسبوعين تقريبا روحت اعمل صيانة العشرة الف كم

وكان عند كام شكوى بسيطة من تزيق خفيف فى الكرسى الامامى

والعجل بيصرخ عند الانحراف او الفرملة الخفيفة و بتحدف يمين (تفسيرى انا زوايا)

والفوج اليمين كان مهزوز (عاوزيتربط) ... اجمالا حاجات خفيفة

حجزت موعد 9 صباحا ... مهندسة استقبال قامت بكتابة ملحوظاتى وقالت فى خلال 3 ساعات

الجديد انهم حطين كام شاشة LCD عليها جدول فيه اسم العميل - نوع العربية - رقمها - زمن وصولها

- وقت التسليم المحدد - الحالة (انتظار - عمل - انتهاء) وكل حاجة من التلاتة دول بلون مختلف الانتهاء

بيبقى باللون الاخضر ...




شكل الشاشة اللى قولتلكم عليها


بعد ساعتين ونصف من الملل لقيت العلامة اللى امام عربيتى اخضرت ... رحت طالع من الاستراحة
قبل ما يندهو عليا من خلال الاذاعة الداخلية لقيت العربية واقفة برة والمقتاح فيها رحت

دفعت الحساب 355 جنيه (زيت 10000 - فلتر- ومصنعية تغير الزيت والفلتر - ومصنعية ربط الفوج - وضريبة مبيعات)

مصنعية ربط الفوج (15 ج.م + الضريبة)

دورت على مهندسة الاستقبال لحد مالقيتها وسئلتها على ايه اللى تم راحت جابت الاوردر بتاع الورشة

وقالت صرخة العجل مش زواية ده ضبط هواء فى العجل ومافيش مشكلة ..شكرتها ومشيت

شيكت على غطاء الزيت (اللى اتلسع من الشوربة ينفخ فى الزبادى)

العجل بطل يصرخ اثناء الفرامل والانحراف والعربية اتغسلت اى كلام

تانى يوم وانا رايح الشغل لاقيت العربية بتعوم منى ...مشيت بالراحة لحد ماوصلت الشغل

واحد صاحبى قالى ما تعدمتش على التوكيل فى ضبط الزوايا لانهم مابيعرفوش - رحت

اقيس ضغط الهواء لقيته فى العجل الامامى 25 بدلا من30 (يعنى كل اللى عملوه انهم ريحو

العجل علشان مايعملش صوت الصرخة ) والزبون يروح وخلاص... شغل ورش

زودت الهواء لوضعه الطبيعى ورجعت العربية لسابق عهدها العجل بيصرخ ....

روحت لبريدجستون عمارات العبور (عندهم اجهزة حديثة وخدمتهم سريعة)عملت زواية والعربية اتظبطت الحمد لله















صور اثناء ضبط الزويا عند بيردجستون








صوراثناء غسيل العربية بعد الخروج من التوكيل وغسيلهم الاى كلام