الموضوع: رأي الأعضاء في معرض أوتوماك 2009

الله يطمنكم

المعرض اداريا وفنيا بشكل خاص كان دون المستوى والاهتمام بالحفل فى يوم الافتتاح كان اكتر بكتير من الاهتمام بالمعرض ذات نفسه اللى كان اساس السبب فى اقامه الحفل

المعرض قبل فتحه للمدعوين ب 10 دقائق ( يوم الاربعاء ) كان فى لسه شركات بتشتغل فى الاجنحه بتاعتها وبعد الافتتاح بنص ساعه كان لسه فى شركات بتنصب الالوميتال وبتفرش السجاد تحس انك رايح التوحيد والنور بدرى شويه

الشركات معظمها كان واضح جدا جدا سياسه تقليل التكاليف فى الديكورات والمعروضات وعلى الجانب الاخر كان فى شركات متالقه ديكوريا وضعيفه جدا فى فريق العمل وشركات قويه جدا فى فريق العمل بتكاليف بناء محدوده وشركات تفوقت على نفسها عرضا وعملا

اذكر من الشركات اللى وفرت طاقم عمل ممتاز دارس معروضاته كويس قوى ولبق فى تعامله مع بناء جناح يليق بمعرض عالمى جاجوار وشكرا

شركات كان ليها طقم عمل ممتاز وعلى معرفه بكل شئ فى المعروضات فورد و رينو ونيسان و BMW وبرليانيس وماهيندرا

وشركات تانيه كانت اسوء ما يكون فى خيالات متحركه فى الجناح معندهاش اى فكره عن اى حاجه فالحين بس فى الضحك ساعه التصوير دايهاتسو و كيا و سوبارو

وشركات تانيه اعتمدت على الابهار فى الشكل دون النظر للمضمون منهم هيونداى ومينى وعلى راسهم تويوتا واللى اعتمدت على اغراء كل الحضور بكونسبت مريضه انتجت عام 2003 وفشلت فى دخول حيز التطوير حتى وبالمناسبه Fine-S يا جماعه اللى اتعرضت دى لا تتعدى كونها ProtoType بدى بس فارغ من جوا

وبلا منازع شركتين اخدو لقب انهم دخلو المعرض غلط او ان اساسا مكانوش نازلين وحد اتصل بيهم يوم المعرض العصر قالهم معلش تعالو المعرض ساعتين وروحو

جناح بيجو اللى كان قافلين كل العربيات ومعندهومش اى معلومات ومفيش عندهم بروشورات ومحدش موجود اساسا فى الجناح وعلشان اوصل لمعلومات عن عربيتين بعت جبت مدير المبيعات وخدت منه بروشورات بالواسطه علشان كان مخبيهم :)

وجناح هوندا اللى كان الناس مش فاضيه فيه لاى حد وتحس انهم 5 دقايق وهيقفلو الجناح ويروحو

وجناح سكودا اللى كانو باعتين اتنين رجاله لابسين قمصان وقاعدين عادى جدا فى جنب ومش معاهم اى مفاتيح للعربيات او اى معلومات برغم ان ده يوم الصحفيين :( حاجه تغيظ

بأختصار المعرض ميستاهلش الزياره ولو كان ب 10 جنيه

واضح من راى كل اللى حضر ان المعرض دون المستوى

مش قد كدة السنة اللى فاتت احسن بكتير . مع ملاحظة الاحتلال الصينى للمعرض