عربيتين قصدي وحشين:

**Ahmed Samy** · 08-06-2009 03:23 AM

المشاركة الأصلية كتبت بواسطة semsem kane

نصيحة ابعد عن شيفرولية كروز عربية سيئة جداااااااااااا هى شكل بس
يمكن السيراتو احلى منها لكن متقاربين جدا فى الخامات

الكروز مش سيئة أبدا ...

ياريت حضرتك توضح وجهة نظرك لمساعدة صاحب الموضوع ....

يعني زي ما شفت دلوقتي في عضو جايب مقتطفات من شكاوى مالكي سيراتو في استراليا مثلا

انما نقول على عربية سيئة كده و خلاص ...يبقى كلام مرسل و ما يساعدش

**Bossy_Fadl** · 08-06-2009 05:44 AM

العربيتين قريبين من بعض فعلا

و حضرتك مش اول واحد تحتار بينهم

و كل واحدة بتتفوق عن التانية في شوية اشيا

مع تفوق تام للسيراتو من ناحية السعر

شوف حضرتك شو اولوياتك و اختار علي هاالاساس

انا شخصيا بختار السيراتو لانه اعجاب شخصي بالعربية بغض النظر عن اي مقومات

**M.ABDEEN** · 08-06-2009 08:24 AM

الاتنين قريبين من بعض ولكن السيراتو يميزها التوكيل المحترم ولك حرية الاختيار وبالنسبة للاخوة اللي بيقولو هوندا سيتي بصراحة دي تايلندي وكمان الشكل القديم منجحش منها وبعدين هوندا عاملها للتتسويق لاسمهل علشان السيفيك غالية هي والاكوورد لكن برده هوندا شركة محترمة

**SAMEH_FOUAD** · 11-06-2009 01:22 PM

المشاركة الأصلية كتبت بواسطة ahmed samy

الكروز مش سيئة أبدا ...

ياريت حضرتك توضح وجهة نظرك لمساعدة صاحب الموضوع ....

يعني زي ما شفت دلوقتي في عضو جايب مقتطفات من شكاوى مالكي سيراتو في استراليا مثلا

انما نقول على عربية سيئة كده و خلاص ...يبقى كلام مرسل و ما يساعدش

ياباشا انا ركبت العربية ,بجد خسارة فيها اى مبلغ يدفع فيها اخرها معايا 70 الف جنية ماتساويش اكتر من كدة ,انا ماسوقتهاش ,بس ركبتها وشوفت خاماتها ,شوف هى كمنظر جامد واشد من السيراتو بكتير تحسسك انك راكب عربية كبيرة,لكن ادخل جوة العربية هيجيلك صدمة بجد من سوء الخامات,وضعية الجلوس فى العربية سواء فى كرسى السائق ,او الكنبة الخلفية ,دة غير ان تصميم الدركسيون بيخلى رجليك معدية الدركسيون يعنى بكل الاحوال لو هاتفكر تجيبها مانيوال يبقى ماتقعدش حد وراك,دة غير ان قعدتها واطية جدا جدا كانك فعلا قاعد فى الارض بجد ,وعلى فكرة كل الجمهور اللى ركبوا العربية استاءوا منها جدا ومعجبتش حد خالص بسبب فقر خاماتها ,وصالونها المبنى بطريقة غبية جدا ,يعنى انا ركبت الاوبترا والله احسن منها فى القعدة ,وشوف كدة حد راح المعرض وركب العربية شوف رأية اية

**Hosam_Optrawy** · 11-06-2009 02:33 PM

المشاركة الأصلية كتبت بواسطة semsem kane

ياباشا انا ركبت العربية ,بجد خسارة فيها اى مبلغ يدفع فيها اخرها معايا 70 الف جنية ماتساويش اكتر من كدة ,انا ماسوقتهاش ,بس ركبتها وشوفت خاماتها ,شوف هى كمنظر جامد واشد من السيراتو بكتير تحسسك انك راكب عربية كبيرة,لكن ادخل جوة العربية هيجيلك صدمة بجد من سوء الخامات,وضعية الجلوس فى العربية سواء فى كرسى السائق ,او الكنبة الخلفية ,دة غير ان تصميم الدركسيون بيخلى رجليك معدية الدركسيون يعنى بكل الاحوال لو هاتفكر تجيبها مانيوال يبقى ماتقعدش حد وراك,دة غير ان قعدتها واطية جدا جدا كانك فعلا قاعد فى الارض بجد ,وعلى فكرة كل الجمهور اللى ركبوا العربية استاءوا منها جدا ومعجبتش حد خالص بسبب فقر خاماتها ,وصالونها المبنى بطريقة غبية جدا ,يعنى انا ركبت الاوبترا والله احسن منها فى القعدة ,وشوف كدة حد راح المعرض وركب العربية شوف رأية اية

ماتستاهلش اكتر من 70 ؟

انا عارف سعرها مبالغ فيه بس مش لدرجة 70

دى الاوبترا المانيوال ب 89 الف