الموضوع: حوار من القلب للقلب - الجزء الثاني

المشاركة الأصلية كتبت بواسطة ابو سيف

[marq="3;right;3;scroll"]
انا لاقيت الاخبار في شريط الجزيرة ان بسكوته ضيفه الحلقه فقولت مبدهاش بقا
[/marq]

هى الجزيرة برده زاعة الخبر رغم انى قولتلهم بلاش

اولا الف مبروك لنور على الجوء التاني و يا رب مزيد من التألق

ابدا اسأل بقا شويه يا بسكوته لو تسمحي شويه اسئله خفيفه كدة و يا رب تكون خفيفه عليكي

رومانسيه و دموعك قريبه.... ازاي قويه؟؟!!


تصدق معاك حق غريبة اوى الحكاية دى

هههههههههههههههه

وفيها ايه بس يا ابو سيف هو لازم الشخص الرومانسى مرهف الاحساس يكون ضعيف الشخصية؟؟؟؟؟؟؟؟؟؟؟؟

الحب بيقوى القلب وكل ما بتحب الناس الناس بتحبك وتثق فيك وتعتمد عليك فى الوقت

ده لازم تكون دايما اهل لهذه الثقة

وده مش هينبع غير من شخصية قوية واثقة فى نفسها والحمدلله

طبيعة النفس ابشرة انها تجمع كل التناقضات

زى ما جوانا الخير والشر الهدؤ والعصبية

برده جوانا الضعف والقوة

علاقتك بالناس اللى حواليكي ايه؟؟


الحمد لله علاقة حب واحترام متبادل

والدليل ان فى ناس محترمة زى حضرتك بتهتم بمشاركة الحلقة اللى انا ضيفتها وبتهتم انك تعرفنى اكتر

بس ده مايمنعش ان اكيد فى حد مش بيحبنى

انت عارف اعداء النجاح ههههههههههههه

ايه اكتر حاجة ممكن تكسرك؟


الغدر والخيانة اكتر حاجة ممكن تقتلنى مش بس تكسرنى

انى ادى ثقتى لحد ويخونها او اعتمد عليه ويغدربيا

واكون مدياله كل الامان

بجد الصدمة وقتها هى اللى بتكسرنى بس بسرعة بلم اللى اتكسر وارجع تانى لطبيعتى

قوة الشخصية بتقف عقبة قدام التكسير الكامل

بتحسي انهم بيحبوكي في الشغل؟

مع الاسف اة

لانه ده بيزود من اعتمادهم عليا

وقريبا مفيش حاجة فى الشغل بتخلص من غير ما تعدى عليا

ماعدا التعامل مع الضرائب

ايه اكتر حاجة عملتيها و لو رجع بيكي الزمن مش هتعمليها تاني؟؟


مناقصة لسة مخلصاها ومقدمة فيها لو مارسيتش علينا هزعل جدا لان تقييمى للاسعار

مكنش مظبوط

ولو رسيت علينا هزعل برده اوى لان مبلغ التامين فى الحالة دى كبيييييييييييييير

ومش عارفة هنقدر عليه ولا لأ

ايه سر التغيير الرهيب في شخصيتك و نشاطك و ارتباطك بنايل موتورز بين العضويه دي و اللى قبلها؟


ههههههههههههههههههههههه

ايه الاحراج ده بس


هقولك الموضوع يلا انت مابقيتش غريب وعشان الناس كلها تفهم الموضوع

سمعت اصدقاء ليا بيتكلموا عن نايل موتورز كتير فالفضول اخدنى اعرف ايه السر اللى

فى المنتدى ومخليه خاطف قلوب الناس كده

حقيقة مكنش ليا اى انضمام لاى منتدى وتقدر تقول كمان معرفش اصلا يعنى ايه منتدى

فعملت عضوية باسم data_call وطبيعى لعدم معرفتى بقوانين المنتديات خالفت

القوانين مرة واتنين وخدت وقف والموضوع اتطور لطرد

لكن الحمد لله باستعمال الطرق الدبلوماسية والجلوس على طاولة المفاوضات

بمراسلة الادارة وتوضيح الموقف.. لجنة فض المنازعات قدرت الموقف ان الاخطاء

كانت عن جهل وليس عن عمد

وصدر قرار

وتم العفو عنى واعطائى فرصة اخرى لاثبات حسن النوايا

وعودتى للمنتدى وتغير النيك نيم كان لاستخدام نيك نيم واضح يحدد اننا عضوة مش

عضو عشان مايحصلش سؤ تفاهم تانى

وفى المرحلة اللى انتقلت فيها من العضوية الاولى للتانية كنت انا كمان انضميت لمدمنى

ومحبى نايل موتورز لانى كنت تصفحت معظم اقسامه ولاحظت الاسلوب

المحترم والحوار الراقى سواء من الادارة او الاعضاء

فيما يخص السيارات او مناقشة القضايا العامة او مشاركة البعض للبعض مشاكلهم

او عقبات الحياة اليومية والموضوعات الطريفة مش عارفة اقول ايه ولا ايه شكلى

هكتب شعر فنايل موتورز
مع هذا الجو العام الجميل الملئ بالحب والود والاحترام

كان لازم اشارك بشكل ايجابى واعرف الناس اكتر

لان كل شخص فى نايل موتورز هو فرد من الاسرة يستحق كل تقدير واحترام

ايه رأيك في المثل اللى بيقول امشي في جنازة و لا تمشيش في جنازة؟

مابلاش احسن

هو فى ناس كتير بتفضله عشان لو حصل مشاكل بعد الجواز هييجى الاتنين يدعوا عليك

ويقولولك انت السبب ومنك لله والكلام ده

بس انا مش منهم

انا امشى فى اى حاجة طالما فى الحلال

يعنى اعرفهم على بعض وكل واحد فيهم ياخد قراره بنفسه ويصلى استخارة وفى النهاية

الجواز قسمة ونصيب وربنا مسبب الاسباب

بتحبي تسوقي؟


كنت لكن فى ظل الطرق وزحمتها والحوادث وكثرتها وسواقين الميكروباصات والتعليق

عالفتايات وتهورتها

افضل انى اقعد عالكنبة ورا اتفرج من الشباك والتكييف شغال واتكلم فى الموبايل

والسواق يصارع مع نفسه

النت عزلك عن المجتمع اللى حواليكي؟؟

لالالالالالالالالالالالا

انا مش من النوع اللى سايب كل حاجة ويفضى نفسه مخصوص عشان النت

النت لما يكون مفيش حاجة تانية اعملها ومفيش ناس

بالعكس انا انتهز اى فرصة اكون فى وسط اجتماعى حقيقى

والنت زود صلتى بناس خارج مصر كنت طبعا فين وفين لما بكلمهم لكن فى وجود النت تقريبا بنقعد

مع بعض اكتر ماكنا بنقعد واحنا هنا فى مصر

بس نايل موتورز عملى ادمان وارتباط بالنت اكتر تقريبا شغال عندى 24 ساعة

حتى لو مش بشارك بس بستمتع بمتابعة موضوعات ومشاركات ومعلومات الاخرين

بتفكري في ايه و انتي بتتمشي بالعربيه على الكورنيش بالليل؟


بفكر فى كل لحظة جميلة عشتها

فى كل احساس حب عيشته

فى كل الناس اللى بتحبنى وتهتم لامرى

بفكر فى امبارح وانهاردة وبكرة

ووقف العربية واشم الهوا واغمض عينيا واحلم

بسكوته في وسط الخواطر اللى قريناها ,,, بتميل للوحدة و لا الوحدة مفروضه عليكي و لا ناس كتير حواليكي بس حاسه بيها؟؟ و ليـــه؟؟

مش بميل للوحدة على العكس تمام بحب اكون وسط اجتماعى وزحمة ودوشة

لكن

الوحدة هى صديقى الدائم مش عارفة مين فينا اللى اختار التانى بس فى ترابط قوى بينى وبينها

على الرغم من انى انسانة اجتماعية جدا الا انها تسكننى بشكل غريب

وممكن احسها وانا وسط ناس كتير بتخطفنى منهم

والسبب حتى الان غير معلوم وجارى البحث بمساعدة جهات امنية اجنبية

خايفه من المستقبل؟و الى اي درجه؟؟

هو مش خوف بالظبط لكن .........



طلع خوف تصدق

خوف من ان حال البلد يبقا اسوأ خوف من انتشار الفساد والانحراف الاخلاقى بشكل

يفوق الحاضر

خوف من الانحدار الاخلاقى اللى بتعززه وسائل الاعلام والفضائيات

خوف من فقد الامل عند الناس وانتشار اليأس واستسلامهم له

خوف على مستقبل وطن لن ينمو الا بايدى ابناؤه

رومانسيه... لكن عمليه؟ و الى اي درجه؟

رومانية جدا لاقصى درجات الرومانسية

وفى المقابل عملية جدا لاقصى درجة

بحيث الكفتين يكونوا متوازنين ومايحصلش خلل فى اتزان القوى عندى

بس احيانا كفة الرومانسية بتضحك عليا وتأثر فيا وتطب

بتحسبي كل خطوة في حياتك؟؟

غالبا بفكر فى كل خطوة قبل ما اعملها وافكر فى نتائجها واقول لو عملت كده هيحصل كده لو اخترت

كده هيحصل كده وفى النهاية لا يصح الا الصحيح والحذر لا يمنع قدر

بتفكري كتير ؟؟ و في ايه بالظبط؟؟؟

جداااااااااااااااااااا


بفكر فى كل حاجة

فى كل كلمة قولتها ياترى كان صح انى اقولها بالشكل ده ولا كان ممكن اقولها بطريقة تانية وياترى

ده كان الوقت المناسب ليها ولا كان افضل اختار وقت تانى

اوكلمة حد قالهالى قالهالى ليه ويقصد بيها ايه

ولو كانت اهانة بقا ولا حد غلط فيا بفتحلى محضر ازاى وليه

قى كل موقف حصل معايا

فى كل كلمة كتبتها فى شغلى وياترى كده كان افضل ماعندى ولا كان ممكن اعمل احسن

من كده

كفاية تفكير بقا احسن امسح الاجابات دى كلها وابدأ من الاول

دي شويه اسئله كدة و لو لسه عندك استعداد نرجع بمجموعه تانيه اتمنى مكنش ازعجتك بيها

الحمد لله

الاسئلة خلصت

بجد استمتعت جدا بالاجابة على اسئلتك

ياريت يكون فى مجموعة تانية جميلة زى دى

فى انتظارك