الموضوع: ما هو التربو - وماهى أنواعه وماهى سلبياته وما هى فوائدة

معلومات قيمه جدا جدا

ياترى في حد في مصر ممكن يعلمني تعديل المحركات بما فيها تركيب التربو ولو دورات تدريبيه بفلوس
لاني من مدمنين السيارات وحابب اشارك في الرالي والدرفت
بس اتمنى اشتغل في تعديل المحركات خصوصا والسياره كلها عموما
ولكم جزيل الشكر

السلام عليكم ورحمة الله وبركاته
اولا متشكر جدا على المجهود الجميييييل ده وربنا يبارك فيكم جميعا
سؤالي هو: هل من الممكن تركيب التربو على البيجو 505 من غير ما اغير الجزء اللي فيه رقم الموتور، ولا لازم اجيب موتور تربو على بعضه ؟
وجزاكم الله خيرا

المشاركة الأصلية كتبت بواسطة noni67

يا جماعه انا اتكلمت فى موضوع التريبوا ده قبل كده وهاتكلم فيه تانى
الكلام اللى باقوله هنا عن تجارب شخصية مش مجرد كلام
التربوا بيتركب فى مصر زى ما اى حد بيركب بوجيهات كده بس المهم مين اللى بيركبوا
انا طبعا مش ناسى فضل حبيبى وصديقى محمد ممدوح اللى حط رجلى على اول الطريق ووصلت انى دلوقتى باجهز عربيات رالى لرالى الفراعنه وانا ممتن ليه جدا وكان نفسى يبقى معايا فى كل حاجه بس هو للاسف اعتزر علشان ظروف شغله
التربو ليه جدول بنقدر منه نعرف المحرك ده يركب عليه تربوا اد ايه يعنى قطرة كام بوصة ونضبط ضغطه على كام علشان المحرك ما يتفرتكش
يعنى الكام مش اعتباطا ده ليه اسس
وفى كامن بعض التربوهات لازم نركب ليها مبرد
والتانيين لأ
لكن فى المجمل التربوا بيعمل حاجات كتير اولها توفير وقود طبعا كلكم هتندهشوا ايوه توفير وقود لنه بيديك عزم شديد على عدد لفات اقل من الطبيعى يبقى انت بتوفر وقود
بالاضافه للعزم الشديد انا فاكر اخر تربو ركب على محرك ديزل بتاع عربية نص نقل دوبل كبين غرز كان محركها 2600 سىسى مش عايز اقلكم انا سوقتها قبل وبعد قبل كانت بتموت لما توصل ال 140 لانها ديزل
بعد التربوا وكان 9 بوصه وصلت معانا ل 185 كيلو وهى مرتاحه لابعد الحدود وممكن تزود اكتر من كده بس احنا خفنا لانى كنت باجربها بالليل على طريق الواحات والطريق ده بالليل وهمى علشان تريلات البترول
المهم التربو بيركب كمان على الموتوسيكلات انا ركبت واحد من حوالى شهرين على موتوسيكل بى ام بتاع صديقى كان 3 بوصة مش عايز اقلكم لام طلعت جربته حسيت انى ماشى فى شاليموه من كتر السرعه جبنا لحد 240 اللى هو اخر عداده ولسه فيه كمان
يعنى الموضوع سهل ولذيذ جدا بس بياخد وقت علشان الضبط وسعره لاى عربية او موتوسيكل 2000 دولار لانى باجيب كيت كامله مش تربو بس واوفق مواسير وحجات لأ انا احب اشتغل صح علشان نحافظ على محركات السيارت
اشكركم

طيب يا باشا الكلام حلو دلوقتي لو موتور لانسر 1600 راكب في اسبرانزا وعايز اركبلة تربو نضيف يعيش في الموتور وميبوظوش ويحافظ علي عمرة يكلفني كام بالظبط

جميل ممكن تركيب تربو للمواتير القديمة

السلام عليكم
الحمد لله انا بشد العربية 127
وكنت بشد المتور
والحمد لله جبت كل حاجة اصلي
من بتاعة الخواجة زي مبيقول الكتاب
المهم عاوز اركب تيربو
عاوز اركب تيربو
فعاوز اعرف ايه المطلوب مش مهم التكلفه انا اصلا صارف كتير اوي عليها
حجمه ونوعه وازاي ومراعاة ان حوض العربية صغير وكمان الريداتير 3 ماسورة
فمفيش مكان للكيت كله هو التيربو وبس والوصلات بس
ولكم جزيل الشكر برجاء الرد في اسرع وقت قبل مسقط الماتور في الحوض