الموضوع: ما هو التربو - وماهى أنواعه وماهى سلبياته وما هى فوائدة

المشاركة الأصلية كتبت بواسطة dice

وظيفتة : عند فتح بوابة الهواء يكون ضغط الهواء القادم من التربو (الضغط ده مواجة للبيستم بتاع البلو اوف) مساوى لضغط الهواء فى الفاكيوم تيوب و دى تيوب بتبقى مواجه للسوستة .

عند اغلاق بوابة الهواء يكون ضغط الهواء القادم من التربو اكثر بكثير من ضغط الهواء فى الفاكيوم تيوب و بالتالى المخرج الوحيد لة هو ضغط البيستم و الخروج للهواء خارج السيارة

دى طريقة عملة

الوظيفة هى تفريغ الضغط داخل مواسير التغذية عند اغلاق البوابة (لما السواق يشيل رجلة من على دواسة البنزين) منعا لتلف ريش الكومبريسور

MMamdouh

المشاركة الأصلية كتبت بواسطة Ahmed_SpY

ثالثا: التحكم فى الضغط:
من المميزات الاساسية للتربو اننا نستطيع التحكم فى فتحه و غلقه و ذلك بعكس ال Super charger
لانه ببساطه يعمل متوازيا مع المحرك فعندما تزيد عدد دورات المحرك فتلقائيا تزيد عدد دورات التربو بصورة اكبر و بنتج عن ذلك ضغط الهواء الى المحرك الذى تنتج عنه القوة الحصانية و نستطيع ايضا عن طريق جهاز يركب للتربو يسمى Boost controller من التحكم فى فتح و غلق التربو بطريقة افضل فنستطيع مثلا ان نبرمجه بان لا يفتح التربو الا عندما تصل عدد دورات المحرك الى 4000 دورة فى الدقيقة او 5000 دورة فى الدقيقة و هذه سيوفر جهدا كبيرا على المحرك فتسبيط ان تستخدم السيارة بصورة يومية و عملية بدون اى اجهاد على المحرك لانك ستسير بهدوء و لن تجعل محركك يصل الى عدد الدورات التى عندها سيفتح التربو
و بهذه الطريقة ستوفر جهد و ضغط كبير على محركك عن استخدامه بهذه الصورة.

الحتة دى غلط يا جماعة

مفيش حاجة اسمها "تتحكم فى فتح و غلق التربو" لانة شغال على طول طالما فيه عادم خارج من المكنة... صحيح مش فى كل الاوقات حيبقى التربو بيولد ضغط عالى لكن حيكون شغال و بيلف

و البوست كونترولر مش شغلتة "فتح و قفل" التربو و انما التحكم فى الضغط الاقصى اللى بيولدة التربو... بمعنى اخر ان مع البوست كونترولر حيفضل التربو يشتغل عادى برضة و حيولد ضغط عادى برضة ولاكن مع البوست كونترولر حقدر ازود الضغط اللى بيولدة التربو... و نلاحظ ان انا اقدر ازود الضغط فقط مقدرش اقللة

الRPM اللى بيبداء فيه التربو يولد ضغط محسوس اقدر اقيسة بيعتمد على حجم التربو و حجم المكنة... كل ما التربو بقى كبير كل ما بداء الضغط يبان عند لفات عالية... و كل ما حجم المكنة كبر كل ما ظهر تاثير التربو على لفات اقل.... و دة السبب ان لازم قبل ما الواحد يركب تربو يعرف الاول هو محتاج تربو حجمة قد ايه بالنسبة لحجم موتورة و طريقة استخدامة للعربية لان هنا الموضوع مش ماشى بنظام "الاكبر افضل"

MMamdouh