الموضوع: ليه استهلاك البنزين زاد

المشاركة الأصلية كتبت بواسطة mohamed ismail

يا ريت تقول لنا مجموعة الدبرياش اتكلفت كام؟

والله يا باشمهندس انا اشتريت قطع الغيار ب 285 جنيه( ماركة valeo ) و المصنعية 150 جنيه

سؤال لاهل الخبرة بالمنتدي انا غيرت الرشاشات بالنوع بتاع الهيونداي و انا ملاحظ ان الدخان بدأيقل بس الميكانيكي قال ان ده هياخد شوية وقت لان العلب مليانة كربون المهم انا قبل ما اغير الرشاشات كانت لمبة الcheck بتنور و انا ماشي و بعد لما غيرت لقيت برضه ان اللمبة لسه بتنور و الميكانيكي بيقوللي لازم افصل كابل البطارية من بالليل للصبح لمدة يومين تلاتة عشان الكمبيوتر يبرمج نفسه و يظبط نفسه هل الكلام ده صح و لا لأ ارجو الافادة لاني محتار و قلقان من موضوع ان اللمبة تنور و انا ماشي و فيه حاجة كمان وهو ان لما ابطل العربية و ادورها تاني علي طول اللمبة بتطفي بس بترجع تنور بعد مدة بسيطة من المشي يا ريت الاقي الحل عند اهل الخبرة بالمنتدي و خصوصا استاذ ممدوح و البشمهندس سمير عياد و شكرا للجميع

يا ريت يا جماعة سؤال كمان لاهل الخبرة بالمنتدي انا لما بمشي بالعربية بحس انها متلجمة اوي و مخنوقة و فيها رجة و تنتيش خفيف لكن اللي سايق العربية يلاحظه المهم الموضوع ده يفضل موجود لحد لمبة ال check لما تنور الاقي العربية في ساعتها بقت تمام و السحب ممتاز و الرجرجة راحت و جربت الحكاية دي كذا مرة طول لما اللمبة مش منورة العربية متكتفة و تبقي تمام اول لما اللمبة تنور يا ريت يا جماعة حد يفيدني ضروري لان حاسس ان الميكانيكية هيدوخوني في الموضوع ده و ربنا يستر لاني خايف يطلع المضوع كبير و عموما هو الدخان الاسود تقريبا اختفي و لسه ان شاء الله هجرب استهلاك البنزين اخباره ايه . ارجو الافادة عشان عاوز اطمن ان شاء الله

ربنا معاك
و معانا

المشكله في حكايت الميكانيكيه مش كتر انعدام الضمير ديه حاجه عديه في البلد كلها المشكله في الفهلوه و انه يبقي مش فاهم مين بيعمل ايه بس لازم يديك الجملتين التمام "حساس الكربون في خرم البيئه عملين افله مع بعد" و "البريبئ مفنشط"

ايه يا جماعة فين الردود و الحل ايه؟ انا محتار في العربية خصوصا اني جربت استهلاك البنزين لقيته لسه عالي( ال 100 كيلو استهلكت فيهم اكتر من 14 لتر ) و فيه حاجة كمان بالنسبة للبرجلة في العربية لا تظهر الا عندما مؤشر الحرارة يبدأ يتحرك يعني اول ما بطلع بيها و هي باردة بتكون زي الفل و اول لما مؤشر الحرارة يتحرك تبتدي تتلخبط و لما المؤشر يوصل للطبيعي بتاعة تتبرجل العربية تماما و تتخنق و تتلجم و تحس ان مفيهاش عزم خالص خصوصا في مطالع الكباري و انا فعلا مش عارف ايه السبب يا ريت حد يوصلني لتفسير منطقي ممكن نوصل منه للحل ان شاء الله و شكرا للجميع

انا قبل ما اغير الرشاشات كانت لمبة الcheck بتنور و انا ماشي و بعد لما غيرت لقيت برضه ان اللمبة لسه بتنور و الميكانيكي بيقوللي لازم افصل كابل البطارية من بالليل للصبح لمدة يومين تلاتة عشان الكمبيوتر يبرمج نفسه و يظبط نفسه هل الكلام ده صح و لا لأ ارجو الافادة لاني محتار و قلقان من موضوع ان اللمبة تنور و انا ماشي

كده فيه عندك عيب فى عملية التحكم تانى .........وقد يكون فصل فى فيشة حساس الtps أو فيشة حساس الماب أو خرطوم الماب مش راكب كويس .........وده يعملك برجله فى السحب

و فيه حاجة كمان وهو ان لما ابطل العربية و ادورها تاني علي طول اللمبة بتطفي بس بترجع تنور بعد مدة بسيطة من المشي يا ريت الاقي الحل

فعلا فى الغالب زى ماقولت فى تعليقى السابق ...........ياعيب من الtps أو الماب

يا ريت يا جماعة سؤال كمان لاهل الخبرة بالمنتدي انا لما بمشي بالعربية بحس انها متلجمة اوي و مخنوقة و فيها رجة و تنتيش خفيف لكن اللي سايق العربية يلاحظه

كده حنروح ناحية الtps ....لأن ده ليها دخل كبير باالنتشه مع الأكسراتير

المهم الموضوع ده يفضل موجود لحد لمبة ال check لما تنور الاقي العربية في ساعتها بقت تمام و السحب ممتاز و الرجرجة راحت و جربت الحكاية دي كذا مرة طول لما اللمبة مش منورة العربية متكتفة و تبقي تمام اول لما اللمبة تنور يا ريت يا جماعة حد يفيدني ضروري

تقريبا كده فيه عندك مشكله فى حساس الtps ..............وياريت تعمل أسكانر تانى .....وتعرف أكواد الأعطال المختزنه داخل وحدة التحكم ..............ولو تعرف تنظف الفيشه بتاعة الtps والماب وتأمن خرطوم الماب وتجرب بعد ماتقفل كويس ......فتوكل على الله وجرب

انا محتار في العربية خصوصا اني جربت استهلاك البنزين لقيته لسه عالي( ال 100 كيلو استهلكت فيهم اكتر من 14 لتر )

أنا عاوزك تجرب الأستهلاك أعتمادا على تفويلتين وليس مؤشر البنزين .....لأن الانوس من سبتمبر 2000 وفيها مشكله فى كارتة حساس مستوى البنزين ....فيجب أن لانعتمد على المؤشر فى تقييمك الأستهلاك

و فيه حاجة كمان بالنسبة للبرجلة في العربية لا تظهر الا عندما مؤشر الحرارة يبدأ يتحرك يعني اول ما بطلع بيها و هي باردة بتكون زي الفل و اول لما مؤشر الحرارة يتحرك تبتدي تتلخبط و لما المؤشر يوصل للطبيعي بتاعة تتبرجل العربية تماما و تتخنق و تتلجم و تحس ان مفيهاش عزم خالص خصوصا في مطالع الكباري و انا فعلا مش عارف ايه السبب يا ريت حد يوصلني لتفسير منطقي ممكن نوصل منه للحل ان شاء الله و شكرا للجميع

أنت كده وديتنا ناحية حساس حرارة مية التبريد .................فأعمل أسكانر أفضل .........وشوف كود العطل .........وحيبان العيب منين