الموضوع: حل لمشكلتى مع اللانوس

المشاركة الأصلية كتبت بواسطة aramzy

العربيه لسه فى الضمان و لما رحت أخر مرة و ذكرت لهم هذة المشكلة قالوا لى ان هذا عادى و ان العربية بتفقد 20% من قدرتها لما بنشغل التكييف و إذا اضافنا المطلع الصعب تكون النتيجة كما يحدث لى و لبعض الوقت صدقتهم خاصة انى لا أجد صعوبة حينما اكون على الطريق بسرعة طبيعية 80 كلم أو أكثر

الكلام مضبوط بس مش 20%... اقل من كدة

الكومبريسور بيحمل على موتور العربية و يقال انة بياخد بتاع 8 الى 10 حصان... لكن 20% دى واسعة لان معنى كدة التكييف بيحتاج 200 حصان فى العربية الفيرون مع ان فى النهاية احنا بنتكلم فى كومبريسور تكييف

حتى ركبت عربية زميل لى قديمة اول سنة فى لانوس 2 وجدت ان السير بها طبيعى جدا

طبيعى جدا بمعنى انك اخدت عربيه صاحبك و ركبت نفس الاشخاص اللى بيبقوا معاك فى عربيتك وشغالت التكييف و طلعت مطلع المقطم فى نفس الجو الحر بنتاع كل يوم بتسوق عربيتك و لقيت عربية صاحبك فايقة عن عربيتك؟؟؟

لو اى ظرف من الظروف دى اتغير عن مشوارك اليومى يبقى تجربتك متنفعش خالص

رجعت كلمتهم تانى فكان الرد ان هذا الموديل القديم كان موتوره المانى !!

دة هجس من الاخر.... مواتير الدايو lمبتتعملش فى المانيا... المواتير كورى و يقال ان بعضها رومانى و ان كنت مش مقتنع بالكلام دة برضة... اللى اعرفة اكيد 100% هو ان مواتير كل الدايو كووووورى... عموما الموضوع مش سر و ممكن من كود الموتور تعرف بلد المنشاء

فى النهاية يئست و بدأت التفكير فى حلول أخرى فوجدت السايت الجميل دا فكتبت هذا التوبك
و للعلم العربية لم تمد فيها يد بإستثناء الصيانة بتعتها فى العباسية ناحية تاكى

و احنا فى الخدمة دايما... بس خللينى اسالك سؤال: انت لينت العربية دى ازاى؟؟

اما عن كيفية طلوعى المطلع فدا و الله سؤال صعب الاجابة عليه لانه مرتبط بعدد الافراد فى العربية فكل ما كان ماعيا اسرتى كان الصعود على التانى اغلب الوقت و لما بكون لوحدى بتكون قيادتى اسرع فبكون على التالت معظم الوقت اما لو ماشى ببط فالاول بالعافيه

القصة مرتبطة بعدد لفات الموتور مش النقلة... ما انت ممكن على التالت تبقى ماشى 30 او 130.. خلليك دايما فى حدود ال 3000 الى 4000 و انت طالع المطلع و محمل عشان تبقى فى حدود العزم الاقصى للموتور و انت طالع بغض النظر عن النقلة اللى انت عليها

اما تاريخ حياتها فمفيش سوى الصيانه كما قلت من قبل لانها لسه موديل 2007 و عملت بيها كلم 45000 و طريقى هو المقطم 6 اكتوبر و فى الاجازة الساحل او راس سدر

هل انت بتشتكى من القصة دى من ساعت ما جبت العربية ولا بعد صيانة ال40 الف؟؟
هل الموضوع بيختلف لو الجو حر جدا فى عز الضهر مثلا مقارنة ببليل و الجو احسن؟ (بس تكون مشغل التكييف برضة و نفس عدد الناس فى العربية)

اما اذا كانت كدا من الاول فأنا اشتريتها فى فبراير 2007 يعنى فى الشتا و بدأت استخدام التكييف فى شهر مايو من نفس العام

يعنى هل حسيت بنفس الموضوع فى صيف 2007 و 2008؟؟؟

مش عارف يمكن اكون مبالغ بس انا احب العربية تستجيب لى و ليس العكس

كلنا بنحب كدة بس راعى ان العربية فيه حدود لامكانياتها مش حتقدر تتعداها... و راعى كمان انك بتحطها فى اختبار صعب (الطريق + الجو + عدد الافراد + تشغيل التكييف) فا اكيد الاختبار دة حيدفع العربية لاقصى حدودها و حتتوقف عندها و مش حتقدر تديك اكتر من كدة... المهم نعرف الحدود اللى وصلتلها عربيتك هى الحدود الطبيعية للانوس ولا انت عربيتك فيه حاجة ماثرة على ادائها

و على فكرة انا سواقتى مش وحشة يعنى بجرى لما الطريق يكون معقول و لا أتجاوز 140 لأنى بحس ان العربية بتكون خفيفة و اتفادى المطبات على قد ما أقدر يعنى مسالم

المشى الطوالى له اسلوب مختلف عن المطالع... اهم حاجة فى المطالع الحفاظ على عزم قوى طول الوقت

MMamdouh