ترك السياره لمده اسبوع

**ahmedsamir79** · 05-07-2009 11:53 AM

سيبها و توكل علي الله
أسبوع مش مده طويله

**mmedali1978** · 05-07-2009 03:29 PM

حمدالله على السلامه بشمهندس سمير والف شكر للاهتمام

**samirayad** · 05-07-2009 04:08 PM

المشاركة الأصلية كتبت بواسطة mmedali1978

حمدالله على السلامه بشمهندس سمير والف شكر للاهتمام

الله يخليك يا أخى .......وتروح تقضى أجازتك فى المصيف وترجع بألف سلامه أن شاء الله .....................

**elrasy** · 06-07-2009 01:52 AM

المشاركة الأصلية كتبت بواسطة samirayad

الأيدل ليرن يا أستاذ: أحمد .............الهدف منه أعادة تنشيط ذاكرة وحدة التحكم ....لبداية دورات سلانسيه مظبوطه ( وده بيتم بعد ماتفصل فيوز وحدة التحكم أو الوحده نفسها أو تغير البطاريه ).......وأدى طريقته بس على فكره لو معندكش مشاكل فى دورة السلانسيه ( وبالذات مع تحميل التكييف وقت السلانسيه ى) فسيب الأمور ماشيه .....طالما مفيش حاجه ملحوظه على الآداء

اولا انا بشكرك جدا على اهتمامك وردك
بالنسبة لتشغل المحرك على السلانسية ,مممكن توضحى اكتر ؟؟ اساسا اية هوة السلانسية
واعتذر اذا كان سؤال ساذج

**samirayad** · 06-07-2009 09:17 AM

اولا انا بشكرك جدا على اهتمامك وردك

ياباشا .........الله يخليك

بالنسبة لتشغل المحرك على السلانسية ,مممكن توضحى اكتر ؟؟ اساسا اية هوة السلانسية

السلانسيه يعنى سرعة الحمل الخالى للمحرك ( وحمل خالى ....يعنى مانعرفش نأخد قدره وعزم كويس من المحرك عند السرعه دى ).......

علشان كده بنسميها فى لغة الهندسه .....سرعة الحمل الخالى ....idle speed

السرعه دى بنحصل عليه وأحنا لسه مدورين المكنه والعربيه لسه واقفه فى مكانها .....وبتكون فى حدود من 650 الى 850 لفه / ق للسرعه المستقره للمكنه الكويسه بدون رعشه أو رجه ..........عملية أستقرار ..........

والدليل على كده .....لو دورت العربيه وأنت واقف ( وبالذات العربيات الكربوراتير ) اللى يادوب السلانسيه بتاعها هادى .......وحبيت تطلع بالعربيه من وضع الوقوف ....وعشقت الأول .....وحبيت تطلع بدون تشعيرة البنزين ....العربيه ممكن تبطل منك لو لم تتحكم بالدبرياش وتلحق نفسك ......علشان مفيش حمل كويس خارج من المكنه ممكن يشيل دفع العربيه فى اللحظه دى .........وده السبب اللى خلانا نسميها سرعة الحمل الخالى .............

واعتذر اذا كان سؤال ساذج

.

.....لا لا سؤال ساذج ولا حاجه ....وفعلا أن مهتمناش بالصغائر مش حنقدر نعرف الكبائر .......وأرجو أن تكون الأمور واضحه بالنسبه للجزئيه دى

**elrasy** · 09-07-2009 12:12 AM

المشاركة الأصلية كتبت بواسطة samirayad

ياباشا .........الله يخليك السلانسيه يعنى سرعة الحمل الخالى للمحرك ( وحمل خالى ....يعنى مانعرفش نأخد قدره وعزم كويس من المحرك عند السرعه دى ).......

علشان كده بنسميها فى لغة الهندسه .....سرعة الحمل الخالى ....idle speed

السرعه دى بنحصل عليه وأحنا لسه مدورين المكنه والعربيه لسه واقفه فى مكانها .....وبتكون فى حدود من 650 الى 850 لفه / ق للسرعه المستقره للمكنه الكويسه بدون رعشه أو رجه ..........عملية أستقرار ..........

والدليل على كده .....لو دورت العربيه وأنت واقف ( وبالذات العربيات الكربوراتير ) اللى يادوب السلانسيه بتاعها هادى .......وحبيت تطلع بالعربيه من وضع الوقوف ....وعشقت الأول .....وحبيت تطلع بدون تشعيرة البنزين ....العربيه ممكن تبطل منك لو لم تتحكم بالدبرياش وتلحق نفسك ......علشان مفيش حمل كويس خارج من المكنه ممكن يشيل دفع العربيه فى اللحظه دى .........وده السبب اللى خلانا نسميها سرعة الحمل الخالى ..............

.....لا لا سؤال ساذج ولا حاجه ....وفعلا أن مهتمناش بالصغائر مش حنقدر نعرف الكبائر .......وأرجو أن تكون الأمور واضحه بالنسبه للجزئيه دى

يعنى بالبلدى كدة سرعة السلانسية هية سرعة العربية وهية على الاول ومنغير ما ادوس بنزين؟؟؟؟

شاكر جدااااا لاهتمامك

**samirayad** · 09-07-2009 12:20 AM

يعنى بالبلدى كدة سرعة السلانسية هية سرعة العربية وهية على الاول ومنغير ما ادوس بنزين؟؟؟؟

شوفت البلدى يوكل أزاى .........هى دى الخلاصه فعلا ......هههههههههههه............بس خللى بالك حتة الأول دى مش مظبوطه ....لأنها بتبقى واقفه لا أول ولا غيره ......وضع الحياد أو المور ( والفتيس متمور )

**elrasy** · 14-07-2009 12:53 AM

المشاركة الأصلية كتبت بواسطة samirayad

شوفت البلدى يوكل أزاى .........هى دى الخلاصه فعلا ......هههههههههههه............بس خللى بالك حتة الأول دى مش مظبوطه ....لأنها بتبقى واقفه لا أول ولا غيره ......وضع الحياد أو المور ( والفتيس متمور )

الف شكر للتوضيح يا سمير بية

**elrasy** · 14-07-2009 12:56 AM

معلش بقى سؤال كمان بمناسبة الموضوع دة
ازاى اقدر احكم على سرعة السلانسية اذا كانت عالية او واطية؟
وازاى اقدر اعدل وضعها للوضع الصحيح؟

**samirayad** · 14-07-2009 01:16 AM

طالما تحت الشرطه الأولى يبقى السرعه تمام .....وطبعا المكنه تبقى مستقره وشده حيلها وأنت واقف مكانك

وازاى اقدر اعدل وضعها للوضع الصحيح؟

لا هى بتعدل نفسها .....لما بنظف بلف الأيدل ونعمل أيدل ليرننج ( وبتكون مظبوطه فى المصنع .....وعلى مسمار البلف طبه بلاستيك ....لعدم اللعب من قبل الميكانيكيه فى ظبطة البلف )......وتقريبا بتتراوح من 650 الى 850 لفه /ق وبتتفاوت من مكنه لمكنه ........حسب برمجة وحدة التحكم والوضع العام لكفاءة عملية التحكم من جهة السلانسيه ......