ملي ( حشو ) علبة البيئه ...ايه رايكوا ؟؟

**heha** · 15-06-2009 11:50 AM

بما أنى لانوساوى من عشر سنين وبالطبع عدت عليه مشكلة العلبه دى كذا مره قدامك حل من 3

1- تشترى علبه بيئه جديده من مصنع صقر بتاع الهيئه العربيه للتصنيع ودى كويسه بس تمنها حوالى 400 جم وهتلاقيها فى معرض مصنع صقر بشارع الطيران فى مدينة نصر أمام فندق سونستا

2- تركب علبة شكمان عاديه جديده بتبقه بنفس الحجم بتاع علبة البيئه ودى بتوطى صوت العربيه من عند أبواليزيد وهوه عاملها بنفس أبعاد علبة البيئه (أنا عاملها من 4 سنين وماشيه ذى الفل لغاية دلوقتى) أنا شايف أن ده أحسن حل

3-تركب ماسوره وده حل كويس بس صوت العربيه بيبقه أعلى سنه من الحل السابق

**MMamdouh** · 15-06-2009 12:17 PM

انا مركب الماسوورة قبل كدة و صوت العربية مش عالى.... و اصلا اللانوس الهاف بتنزل من غير علبة بيئة... يبقى المفروض حسب الكلام دة ان اللانوس الهاف صوتها اعلى من اللانوس الفول اوبشن

اللى جربتة و كان صوتة زبالة هو علبة البيئة المفرغة

MMamdouh

**ahmedhilmy** · 15-06-2009 09:10 PM

المشاركة الأصلية كتبت بواسطة mmamdouh

خلطة ايه بس و هلس ايه... هما المصريين مش حيبطلوا اشغالات و يراعوا ربنا؟؟

اولا علبة البيئة المستعملة ب 200 جنية فا اذا كان حياخد منك المبلغ ددة يبقى اقل واجب يكون مركبلك علبة بيئة اصلية مستعملة بس بحالة ممتازة و متكونش مسدودة... غبر كدة يبقى (مع احترامى الشديد لكونة معرفة) بينصب عليك لان مفيش حاجة اسمها "الخلطة بتاعتنا"... لو كان الموضوع بجد كان قالك هو حيعمل يه بالضبط لكن عشان هو بيعمل حوارات فا اخترع قصة الخلطة بتاعت طاقية الاخفا دى عشان يحسسك انه بيعمل حاجة

زى ما قلتلك العلبة النضيفة الاصلية بتتباع ب 200 جنية... دخل علبتك فى علبتة لو هى [overline]علبة اصلية[/overline][overline][/overline] و ادفع فرق 30 الى 50 جنية بالكتير... انما ياخد منك 200 جنية فى علبة محشية خلطة... دا اسمة نصب

mmamdouh

النهارده قررت انفذ كلام ممدوح و رحت بتاع الشكمانات اللي في الدقي و قلتله يشيلي العلبة اللي ركبهالي اللي كان عايز يحاسبني عليها ب 200 جنيه و محمد قال كلام فارغ المهم مقدرش اقول لكم كم الغيظ اللي كان في الراجل لدرجة بساله عايز كام نظير الفك و التركيب قللي مش عايز اشوفك تاني نرفزني قلتلله علي اساس انت بتاع الشكمانات الوحيد في البلد المهم رحت لبتاع شكمانات تاني في صقر قريش و اخيرا شلت العلبة تماما و ركبت ماسورة لتكون هذه الحلقة الاخيرة مع علبة البيئة و احب افيد و اقر لجميع المشاهدي و المستمعين ان صوت العربية للامانة لم يتغير و لا زاد و لا يحزنون و علي عايز يتاكد و ناوي يعمل الموضوع ده و متردد يقابلني في اي حته و يسمع صوت العربية عامل ازا ي و باي باي يا علبة البيئة

**moudy88** · 17-06-2009 07:11 AM

المشاركة الأصلية كتبت بواسطة mmamdouh

انا مركب الماسوورة قبل كدة و صوت العربية مش عالى.... و اصلا اللانوس الهاف بتنزل من غير علبة بيئة... يبقى المفروض حسب الكلام دة ان اللانوس الهاف صوتها اعلى من اللانوس الفول اوبشن

اللى جربتة و كان صوتة زبالة هو علبة البيئة المفرغة

mmamdouh

متعرفش واحد بتاع شكمانات كويس وعنده ضمير

**MMamdouh** · 17-06-2009 11:09 AM

خالد فى شارع المحطة بالجيزة

محمد حسين بالقلعة (ممتاز بس غالى شوية)

MMamdouh

**MMamdouh** · 17-06-2009 01:11 PM

ماسورة نفس قطر مواسير الشكمان بتاعك بفلانشتين تركب بدل علبة البيئة... لا اكتر ولا اقل

MMamdouh

**samirayad** · 17-06-2009 04:09 PM

علما بأنى معايا لانوس 2008 وعايز أشيل علبى البيئة فتنصحونى بايه ؟؟ علشان أنا سمعت ان لما أشبلها سحب العربية بيزيد

طيب ماتسيب الشكمان دلوقتى ......علشان العربيه لسه جديده والشكمان لسه برضه جديد .....وتراجع التوكيل برضه فى موضوع السحب ( فلتر بنزين - فلتر هواء - بوجيهات وهكذا ) لأن أنا برضه مش عارف أنت عامل كام كيلو لحد دلوقتى .........وأكيد العلبه لسه بحالتها ( على فكره دى مجرد نصيحه مش أكتر ........والرأى لك طبعا )