الموضوع: ملي ( حشو ) علبة البيئه ...ايه رايكوا ؟؟

اوك ياكبير
بسم الله الرحمن الرحيم
1-نوبيرا 1 موديل 97
2-عاملة 124 الف وكسور
3-موقف استهلاك الزيت (طبيعى ومفيش تزويد وبستعمل موبيل 5000 وبغيرة كل 300كيلو)
4-شكل العادم عادى
5-استهلاك البنزين الحمد لله مظبوط
6-موقف البوجيهات والسلوك تمام ولسة عامل اختبار شرارة من شهرين كدة وتم تغير سلك من الاربعة بسبب تقطيع فى التجميع وتم التخلص من التقطيع تماما مع تغير السلك
7-موقف الفلاتر 0فلتر الهواء مغيرتهوش من ساعة ما اخد العربية وكانت عاملة 120000 كيلو وكان شكلة جديد ابيض شمع--فلتر البنزين تم تغيرة من حوالى 3شهور-- فلتر الزيت بغيرة بين كل مرة اغير فيها زيت والتانية يعنى لسة مغير زيت اول الاسبوع ومغيرتش فلتر والمرة الجاية هغيرة يعنى مرة ومرة مع غيار الزيت
8-موقف الشكمان علبة البيئة مش مظبوطة وبتعمل صوت شخللة مع الطالعة الاولى وبتعلى صوت العربية على ار بى ام 3 وفية تنفيس بسد الجكمان بأيدى بسمع صوت تنفيس بسيط جدا
9-موقف الفرامل كويسة بس فية رجرجة فى الطارة مع الفرامل
10-السيور اول لما جبت العربية غيرت السيور بتاعتها
11-موقف البطارية والدينامو تمام والدوارة من اول لمسة
12-مفيش اصوات حاليا بس قبل كدة مغير فى بلوف التكيهات
13-موقف اخر صيانة تغير كارتة العربية

ملحوظة العربية بعد ما استلمتها عملت ليها بعض الصيانات بتاعت اى عربية مستعملة وعملت جوان التكيهات بالمرة

طيب انا اعتبر استقريت على الماسور جابت ناتيجة كويسة خلاص هسيبها مجبتش يبقى مؤقتا لحد ما اجيب علبة نظيفة
بس سؤال مهم جدا جدا بالزات للأستاذ رمحمد ممدوح موضوع الماسورة دة اتجرب طبعا فى لانوس ومفيش فية فرق طيب بالنسبة للنوبيرا هتبقى زى اللانوس ولا اية الكلام خصوصا الرد الى قبلى فية نتيجة عكسية للماسورة للصوت
على فكرة انا قررت على الماسورة عشان كل ما بسئل حد بيقولى ركب ماسورة ومفيش غير بتوع الجكمانات بس هما الى بيقولوا علبة اكيد عشان يبيع العلبة والربح فيها اكبر من الماسورة بكتير وبالزات اول رد فى للمستشار محمد ممدوح حرام تدفع 400 جنية ركب ماسورة احسلك بجد الكلمة دى كل شوية ترن فى دماغى ومقتنع بيها جدا فعلا حرام ال400 جنيية فى حاجة مش اساسية مش استخسار لكن ممكن اعمل بيها حاجة تانية العربية محتاجاها خصوصا انى داخل على سمكرة ورش فرن وبتاع

ادعولى بقى المشاوير دى كلها تخلص على خير ويطلع البودى مظبوط زى ما فى دماغى بعد زيادات الفيبر والكلام دة

مركز خدمة ابو اليزيد فى المنيل
علبة البيئة حشو فيبر 200 جم و مش بيلخد القديمة

المعلومة دي جديدة بردهمحدش قللنا انها عند ابو زيد ب 200 جنيه يبقي مايكل اللي دفع 240 جنيه غلطان و انا اللي كان عايز ياخد مني 200 جنيه ده نصاب و محمد خدمني لما قال لأ سيبك منه بس فين المركز ده فالمنيل بالظبط
بس بعد ايه ركبت الماسورة خلاص و لكن للمستقبل

المشكلة مفيش فى الاسكندرية ابواليزيد
وبصراحة مفيش ورشة روحتها اسئل ارتحتلها كلة عايز يدفعك اكتر مبلغ يقدر عالية وخلاص
بالنسبة لصوت النعرة فامش مضايقنى بس علبة البيئة معلية النعرة وعاملة زنة محسوسة مش مسموعة تحت رجلى مكان العلبة بالظبت واى حد راكب العربية مش بيحس بالزنة بالزات الكنبة الى ورا
طلب بقى من الاسكندرانية ممكن حد يوصفلى ورشة جكمانات محترمة ومش بتاعت افلام وحوارات