تمبرا مو 91 مفيهاش عزم خالص 1400cc

**reemnabel** · 09-07-2009 04:02 PM

المشاركة الأصلية كتبت بواسطة galilio_mad

يبقى مفيش اى مشكلة , حضرتك بس كنتى خايفة من صوت الموتور العالى و بتنقلى بدرى

سيبك من عداد السرعة , انقلى لما العربية تكون عايزة نقلة , لو حاسه انها بطيئة خليكى دايسه بنزين شوية كمان

و اهم حاجة , القرص بيزود استهلاك البنزين عشان ما تفتكريش ان فى مشكلة تانية فى العربية :)

الف شكر والله بجد جزاك الله خيرا
بس انا هتعبك معايه وهصور المتور عشان تبص لى عليه
وعايزه اخد رائى حضرتك فى حاجه
العربيه بحسها واطيه فى المطبات لو عليتها ده يا اثر على العفشه ولا لا ؟
ولو عايزه اجيب كوتشات جديده اجيب ايه احسن حاجه ويعمل كام لو امكن
ونفسى من فتره اروش العربيه بس كل ما افكر اعمل عليها لوجو او حاجه اخاف
لو عندك اقتراح لحاجه كويسه بس مش منتشره ومتجبشى الكلام عشان كان نفسى احط رسمه قطه بس
اخويه اعترض وقالى مش هتخلصى من التعليقات
فكرت اعمل لوجو رياضى لقيته منتشر جدا
مش عارفه ايه رئى حضرتك ولا اسبها كده وخلاص
هى لونها زيتى فاتح

**galilio_mad** · 10-07-2009 02:47 PM

موضوع الاستيكرز ده زوق شخصى , و غير كده ساعات بيعمل مشاكل مع المرور

موضوع المطبات , لو اخدتى المطب براحه العربية بتحك من النص و لا من ورا ؟؟؟
لو من النص يبقى تغيير سوست , لو من ورا بس تغيير مساعدين خلفى

الكاوتش , فى حاجات كتير كويسه , كومهو , رودستون , فولدا , دول انا شخصيا مجربهم لمسافات طويله
فى حاجات تانية كويسه , و الموضوع يعتمد على مقدار المشى بالعربية و السرعات اللى حضرتك بتجيبيها
يعنى فى حاجات حرارة عالية و معامل احتكاك عالى بتبقى غاليه بس مالهاش لازمة لو بامشى على 60-70 و باسافر 100

الترويش , جنوط 14 او 15 طالما كده كده فى تغيير كاوتش , رأيى ان التمبرا / تيبو مش محتاجين غير كده
لو 14 يبقى الكاوتش 185/60 , لو 15 يبقى الكاوتش 195/50

**galilio_mad** · 21-07-2009 10:28 PM

هانى باشا ,
دى بيانات العربية من كتالوج قطع الغيار بتاع فيات , احب اتأكد ان رقم الموتور صحيح و معلمة بالاحمر

لو مطابق للرخصة , يبقى مفيش Digiplex و بالتالى الاسبراتير اللى عندك مضبوط
القصة كده حتبقى منحصرة فى البوبينة او الاسبراتير/المشط

و قوللى ايه الاخبار :)

**hany121** · 22-07-2009 11:32 AM

يا جماعه. انا امبارح قابلت Galilio واتشرفت بمعرفته وبجد مش عارف اشكره ازاي علي زوقه وتعبه معايا.. راجل محترم جدا وفاهم جدا وبصراحه استفدت منه كتير ..

الراجل تعب نفسه واشتغل بايده وظبتلي GAP البوجيهات اللي فرقت معايا كتير.. انا متشكر جدا يا استاذ احمد..

بخصوص رقم الموتور هو فعلا مطابق للرخصه. كده يبقي هغير المشط قريب انشاء الله..

النهارده اول لما دورت الصبح لقيت اللمبه اللي جنب لمبة فرامل اليد في التابلوه نورت واوقات تطفي او ترعش كانها ملمسه واوقات تطفي لما احرك عصاية الفتيس يمين وشمال.. مكنتش عارف ده لمبة ايه ولما شيكت في الكتالوج لقيتها Brake pad wear warning مع اني لسه مغير التيل امامي وخلفي مكملوش 500 كيلومتر.. مش عارف ده معناه ايه؟؟

**ZALABANY** · 22-07-2009 11:46 AM

بالنسبه للمبه اللي حضرتك بتقول عليها دي المفروض ان في سلكه تلاقيها نازله ناحية العجله اليسرى السلكه دي المفروض انها بتتوصل على نوع معين من تيل الفرامل عشان لما يتاكل اللمبه تنور في الغالب التيل اللي عندك مافيهوش ده لأني لما سالت عليه قالولي ما عادش موجود كده يبقى السلكه دي مكشوفه وبتلمس في اي حديد من البودي بتاع العربية اكسر العجل شمال على الاخر وبص على السلكه دي هاتلاقيها ورا التيل غطيها كويس بشيكرتون وان شاء الله اللمبه هاتطفي

**hany121** · 22-07-2009 01:08 PM

متشكر يا ابو انس علي الاهتمام وسرعة الرد.. هجرب واقولك عملت ايه

**galilio_mad** · 22-07-2009 02:26 PM

ايه يا باشا الكلام الكبير قوى ده , انا معملتش غير الواجب

شيك على فيشة التيل و اتأكد انها راكبة كويس , و ممكن ما تلاقيش اصلا
شوف مستوى زيت الباكم , لو نقص بيدى نفس التحذير جوه

و الحمد لله ان العربية بقت احسن و ما تنساش تشوف موضوع الميه و تربط الوش و الهيد

**hany121** · 22-07-2009 02:45 PM

متشكر يا رجاله علي المتابعه والارشادات الغاليه.. الحمد لله اللمبه اطفت. كان فيه سلكه ملمسه في الفتيس وعزلتها..

انا سألت علي المشط لقيته بحوالي 100 جنيه تفتكرو الاسبراتير الاستيراد ممكن يكون سعره ازيد بحاجه بسيطه فاجيب اسبراتير كامل وللا اجيب مشط جديد وخلاص

**galilio_mad** · 22-07-2009 04:09 PM

الاستيراد حسب ما انا فاكر كان ب 150-200 بالكتير قوى , و تاخده على التجربة لاطول فترة ممكنة
يعنى لو اتفقت مع التاجر على اسبوع او حتى 3-4 ايام يبقى زى الفل

الجديد حيبقى مضروب , صينى او تركى , الاستيراد مضمون انه اصلى و بيتجرب قبل ما تدفع عشان تقدر حالته

**hany121** · 22-07-2009 04:28 PM

يعني اجيب اسبراتير استيراد افضل بدل مشط جديد

الموضوع: تمبرا مو 91 مفيهاش عزم خالص 1400cc

LinkBack

أدوات الموضوع

عرض

-

-

-

-

المواضيع المتشابهه

استفسار صغنطوط خالص خالص

العربية مفيهاش مرشدير

هيه النوبيرا مفيهاش اريال ؟!!!!!

الزجاج تقل خالص خالص وقرب يوصل لدرجة التوقف التام

التخشيبة مفيهاش ركنة

الكلمات الدلالية لهذا الموضوع

المفضلات

المفضلات

ضوابط المشاركة