آفاق جديدة للابداع فى ساحة التخلف العقلى

**El Prince** · 15-06-2009 11:46 AM

علشان كده يا جماعه كان توقيعى:
" مفيش فايده مفيش فايده "

لكن غيرته على سبيل الأمل فى غداً أفضل .. حاسس انه مش ها ييجي ...

**MMamdouh** · 21-06-2009 01:09 PM

الموضوع قديم بس الواحد بواجهة بشكل شبة يومى

مرة و انا مروح البيت كنت ماسك يمين عشان ححود يمين و كان فيه واحد كالعادة واقف على الاسفلت بعيد عن الرصيف... الباشا ندة للتاكسى اللى كان على شمالى و قالة على مكان ما فى ارض المحروسة و تقريبا السواق وافق على انه يوصلة

طبعا الباشا من فرحتة ان فيه سواق تاكسى حيوصلة اندفع عشان يعدى الطريق (لاحظوا ان التاكسى وقف فى تانى حارة من اليمين... يعنى فى نص الشارع) و طبعا دة معناه انه كان حيتحول الى بوستر على كبوت عربيتى.... المهم انى مسكت فرامل و العربية كلبشت قبل اما تاكل الزبون و لما فتح الزجاج و زعقتلة و قولتلة "يعنى عايز تموت نفسك عشان توصيلة تاكسى؟؟؟"... رد عليا بنفس البلاهة اللى ذكرها سبعاوى و قال لى "لامؤاخذة"

ساعتها افتكرت حادثتى لما شيلت الراجل على صلاح سالم... ل ساعتها كنت ممكن انا كمان اضحك ضحكة بلهاء و اقول للناس "لامؤاخذة" و امشى عادى كدة؟؟؟؟

انا بصراحة بتغاظ جدا من الناس دى و بحس فعلا انها بترمى بلاها على خلق الله على الفاضى و المليان مع انهم ميعرفوش ان قانونا ملهمش دية.... من فترة اسبوعين كدة حصلت مشكلة بين زميل فى العمل وواحد بتاع فزبا خبطة فى كتفة... المهم الموضوع وسع و تدخل واحد ضابط عشان يشوف الموضوع ايه و بعد ما سمع كلام صاحبى و كلام بتاع الفزبا اول كلمة طلعت من بق الضابط لصاحبى "قانونا انت لازم تمشى على الرصيف".... فيما معناه "انت غلطان"

MMamdouh

**أحمد كمال** · 21-06-2009 01:30 PM

المشاركة الأصلية كتبت بواسطة chato_eg

ما لو إن صاحب العربية الملاكى ده راجل عربيد يحصد الكثير من الأموال من شقاء البؤساء دون بذل مجهود بل بفرض السطوة على الغلابة....

الحمد لله إن ربنا هو إللى بيحكم يوم القيامة ..مش حد من البشر

على رأي الدكتور احمد خالد توفيق في "قصاصات صالحة للحرق"

"كان كأغلب سائقي الاجرة ... يؤمن بان سائق الملاكي هو وغد زنيم إما ذاهب لارتكاب الفاحشة او عائد منها ..... و قطعا فإن أمه قد اشترتها له"

**OlaOsman** · 21-06-2009 02:22 PM

للأسف احنا ناس منعرفش أدنى معنى أو بنقدر أي قيمة لما يسمى بالأمن و السلامة و هما من آخر أولوياتنا.

**memoo305** · 21-06-2009 02:47 PM

المشكلة ياجماعة أنه لاقدر الله لو الراجل ده حصله حاجة كان الناس أكيد هتغلط العربية . هو ماشي علي رجلية وأنت سايق عربية(أي أن كان نوعها) فلابد أن تكون أنت حرامي ومجرم عتيد الإجرام ومرتشي وسارق فلوس الناس الغلابة....
ومش بعيد كان يتطور الأمر لو كان الموضوع أمام أحد القري وتلاقي القرية خرجت عن بكرة أبيها وأخذت تضرب فيك وتسحلك زي ما بيحصل في جوانتنامو ويكسروا العربية والعربيات المجاوره لها في الطريق ويحرقوهم (الكلام ده مش من خيالي وإنما بيحصل بالفعل على سبيل المثال حادث قرية ميت نما &وغيره....)
المهم نحمد الله على سلامة الأخ سبعاوي ووقنا الله وأيكم شر الناس إلى بدون عقول

**abzoabzo** · 21-06-2009 02:54 PM

عالم غياء فى غباء

**fadynabil** · 21-06-2009 02:57 PM

هههههههههههههه ... بجد موتني من الضحك

المهم حمدالله علي سلامتك

**abo_hosni** · 21-06-2009 05:14 PM

حصل لي مرتين أن أكون ماشي في الطريق و ألاقي مجموعة ناس مرة 2 و مرة 4 أشخاص عايزين يعدوا الشارع و كأنهم مكلفون بمهمة وطنية. ييجي قدام العربية و تلاقيه مرة واحدة راح باصص قدام و معدي الشارع
كان تعليقي عليهم: "مستعجل على إيه ياخويا؟؟ رايح الجنة؟"
و كان الرد: "كل سنة و انت طيب"