ليه محدش قارن التيدا بهوندا السيتى

**abou_ruqi** · 18-06-2009 12:36 PM

المشاركة الأصلية كتبت بواسطة semsem kane

التيدا واسعة من جوة وفعلا اوسع من السيتى من جوة ,موضوع الشنطة ضيقة شوية بس كطول لكن كعرض واسعة
بالنسبة للتقفيل التيدا تقفيل التابلوة والخامات فقيرة بس ميزتها حاجة انها فيها مساند سفنج فى الابواب ودة بيريح اللى قاعد ,تانى حاجة العربية على المسافات البعيدة غير مريحة بسبب المطبات وكمان الكراسى ,دة غير انها هتبقى ضيقة بالنسبة للراكب التالت اللى فى الكنبة الخلفية وهيكون مضايق جدا
العربية بالنسبة للسحب بطيئة فى طلعتها لحد الوصول الى 100 كيلو وكمان عشان تعدى سرعة 100 كيلو بتاخد وقت جامد ,الاستابيلتى بتاع العربية ضايع بعد 100 العربية مافيهاش استابيلتى خالص ,انت هاتستغرب لو قولتلك انك لو دخلت شمال او يمين فجاءة على سرعة 60 او 70 هتلاقى العربية اتمرجحت بيك شمال ويمين ,دة غير المنحنيات العادية اللى لازم تاخدها مش اقل من 40
العربية صوتها هادى مش عالى ,التكيف كويس الى حد ما بس بياثر على سحب العربية ,يعنى عشان اجرى لازم اقفل التكيف درجة الاعتمادية بتاعة العربية مش هتبان العربية بقالها 10000 كيلو وغيرت تيل فرامل بس والعربية كاملة فيها 2 ايرباج .وabs بس فراملها مش قوية اوى وتقريبا بسبب الabs
ولو عايز تعرف اى حاجة عنها انا فى الخدمة

حضرتك بتتكلم عن أنهي عربية ؟؟؟

**ahmed4000** · 18-06-2009 03:59 PM

شكرا على ردودكم يا جماعة
بس انا احترت فى كذا نقطة

اولا انا مهتم بالاعتمادية اكتر من الشكل لان لو العجلة نامت معرفش اتصرف معاها وانا حيبقى مشوارى طويل كل يوم 6 اكتوبر
(فده قالقنى شوية من حتى تقفيل تايلاندى)

بالنسبة للشكل فالاتنين كويسين السيتى حاسس انهم حاولوا يعملوها حلو بس باظت منهم فى حاجة
التيدا حلوة وواسعة من جوا بس باين من بره انها صغيرة عكس السيتى اللى بتدي برستيج اكتر

الاتنين من جوا وكويسين لكن الهوندا حاسس انها افخم

الوسع اعتقد التيدا حسيت انها اوسع وخاصة للكنبة بس تظل نقطة الشنطة الرهيبة بتاعة السيتى

بالنسبة للاستاذ semsem kane فعلا حضرتك بتتكلم على انهى عربية لان ده تقييم وحش جدا لاى من العربيتين

**SAMEH_FOUAD** · 19-06-2009 06:04 PM

المشاركة الأصلية كتبت بواسطة abou_ruqi

حضرتك بتتكلم عن أنهي عربية ؟؟؟

انا بتكلم عن نيسان تيدا 2008 اللى تقريبا معايا يوميا ,والله بتكلم بمنتهى الصراحة
ان لسة امبارح راجع من طريق مصر اسكندرية العربية عشان تجيب 140 خدت وقت كتير مقارنة باى عربية ,الثبات مش حلو العربية لو واخد اى ملف على سرعة مثلا 40 بتلاقى الكاوتش بيصفر جامد والعربية بتميل جامد,
العربية واسعة من جوة مقولتش حاجة وبعتبرها من اوسع فئات ال1600 بس عيبها ان لما بتركب تلاتة ورا اللى قاعد فى النص يبقى رجلة باظت,ودة اللى حصل مع واحد صاحبى امبارح مع ان وزنة لايتعدى 60 كيلو بس هو طويل يعنى حوالى 186 ,وعايز اقولك نزل رجلية مش قادر يمشى عليها,ودة عيب التيدا وكل الى بيركب عارف انها اخرها اتنين ورا والتالت زى ماقلت هيبقى مضايق جدا ,العربية ناعمة صوتها هادى,انا اللى معايا اتوماتيك يمكن عشان كدة بحس انها بطئية فى التجميع خاصة انى معايا sir فيمكن اكون متعود على الشد بتاعها,بس انا مجربتهاش مانيوال ,عزل العربية كويس ,من عيوب العربية كمان ان اى مطب بتلاقى التابلوة بيزيق وتحس انة مش مربوط كويس ودة عشان بيتكون من ثلاث قطع دة اللى عرفتة ,العربية عفشتها مش ناشفة اوى ومش ناعمة ,بس كويسة ,المسافات الطويلة للعربية غير مريحة للركاب ودة الل ىاصحابى قالوة مش انا اللى قولتة ,بالنسبة للتكيف حلو بس بياخد فترة لما بيسقع العربية حتى لو مركونة فى الظل ,والجرى مع التكيف بيقلل سحب العربية لو عايز تشد مع حد لازم تقفل التكيف,الاعتمادية بالنسبة للعربية كويسة جدا يعنى تتحمل والعريية بقالها سنة جرى وفحت مقالتش لأ غير بس تيل الفرامل ودة معروفة بالنسبة للاتوماتيك ,الباور جميل وسهل الفرامل حلوة بس مابتخليش العربية تكلبش فى الارض ودة عشان الabs ,امكان التخزين كويسة وكتيرة ,كمان ميزتها عن اى عربية تانية جديدة ان راس الراكب بتبقى بعيدة تماما عن السقف بعكس اى موديل جديد من السيارات من نفس الفئة ودية طبعا ميزة مهمة جدا
لكن بالنسبة للسيتى ماسوقتهاش ركبتها بس ,وخاماتها فقيرة جدا,ضيقة عن التيدا غير كدة ماعرفش عنها حاجة

**abou_ruqi** · 19-06-2009 07:26 PM

المشاركة الأصلية كتبت بواسطة semsem kane

انا بتكلم عن نيسان تيدا 2008 اللى تقريبا معايا يوميا ,والله بتكلم بمنتهى الصراحة
ان لسة امبارح راجع من طريق مصر اسكندرية العربية عشان تجيب 140 خدت وقت كتير مقارنة باى عربية ,الثبات مش حلو العربية لو واخد اى ملف على سرعة مثلا 40 بتلاقى الكاوتش بيصفر جامد والعربية بتميل جامد,
العربية واسعة من جوة مقولتش حاجة وبعتبرها من اوسع فئات ال1600 بس عيبها ان لما بتركب تلاتة ورا اللى قاعد فى النص يبقى رجلة باظت,ودة اللى حصل مع واحد صاحبى امبارح مع ان وزنة لايتعدى 60 كيلو بس هو طويل يعنى حوالى 186 ,وعايز اقولك نزل رجلية مش قادر يمشى عليها,ودة عيب التيدا وكل الى بيركب عارف انها اخرها اتنين ورا والتالت زى ماقلت هيبقى مضايق جدا ,العربية ناعمة صوتها هادى,انا اللى معايا اتوماتيك يمكن عشان كدة بحس انها بطئية فى التجميع خاصة انى معايا sir فيمكن اكون متعود على الشد بتاعها,بس انا مجربتهاش مانيوال ,عزل العربية كويس ,من عيوب العربية كمان ان اى مطب بتلاقى التابلوة بيزيق وتحس انة مش مربوط كويس ودة عشان بيتكون من ثلاث قطع دة اللى عرفتة ,العربية عفشتها مش ناشفة اوى ومش ناعمة ,بس كويسة ,المسافات الطويلة للعربية غير مريحة للركاب ودة الل ىاصحابى قالوة مش انا اللى قولتة ,بالنسبة للتكيف حلو بس بياخد فترة لما بيسقع العربية حتى لو مركونة فى الظل ,والجرى مع التكيف بيقلل سحب العربية لو عايز تشد مع حد لازم تقفل التكيف,الاعتمادية بالنسبة للعربية كويسة جدا يعنى تتحمل والعريية بقالها سنة جرى وفحت مقالتش لأ غير بس تيل الفرامل ودة معروفة بالنسبة للاتوماتيك ,الباور جميل وسهل الفرامل حلوة بس مابتخليش العربية تكلبش فى الارض ودة عشان الabs ,امكان التخزين كويسة وكتيرة ,كمان ميزتها عن اى عربية تانية جديدة ان راس الراكب بتبقى بعيدة تماما عن السقف بعكس اى موديل جديد من السيارات من نفس الفئة ودية طبعا ميزة مهمة جدا
لكن بالنسبة للسيتى ماسوقتهاش ركبتها بس ,وخاماتها فقيرة جدا,ضيقة عن التيدا غير كدة ماعرفش عنها حاجة

حضرتك إحنا ملاك للعربية مش سمعنا عنها و أحب أقول لحضرتك إن العربية مافيهاش حاجة من اللي قلت عليها دي إلا موضوع إن التابلوه 3 قطع , دي الحاجة الوحيدة اللي ممكن اتفق فيها معاك
إنما واضح إن عربية صاحب فيها مشاكل كبيرة قوي خليه يوديها ال توكيل يكشف على موتورها و عفشتها
التيدا (الاوتوماتيك) بتجمع 100 كيلو في 10 ثواني عاوز منها تجميع أكتر من كده إيه ؟؟
وأدي تجربة عملية
http://www.nilemotors.net/Nile/showthread.php?t=73513

تقفيل و خامات التيدا حضرتك بتقول عليها فقيرة وأنا عندي العربية جلد في جلد , التابلوه جلد و الابواب جلد في قماش مخملي و كذلك الكراسي والمخادع جلد و مساند جلد , عاوز خامات أحسن من كده إيه ؟؟؟

أما ثبات أعربية أه ممكن تكون أقل من الأوروبي إنما أحسن من أي حاجة أسيوي سواء كان كوري أو ياباني , وفي التيدا الراكب ما يحسش هي ماشية على 100 وألا 180 لإن اتزان العربية واحد و صوت الموتور واحد

التكييف بتاعها فريزر وصعب قوي حد يكون قاعد قدام و موجه فتحة التهوية إلى وشه , مش حيستحمل 5 دقائق

فراملها فيها كل أنواع التكنولوجيا المتوفرة علشان الآمان Ebd Abs Ba والمسافة اللي بتقف فيها العربية من سرعة 100 مذهلة ودي أنا مجربها في كل العربيات اللي ركبتها

بصراحة أنت جاي على لاعربية قوي , مش بكذبك في عربية صحبك بس أكيد عربيته فيها مشاكل والله أعلم

**M.Osman** · 19-06-2009 08:34 PM

بصراحة مش عارف اية الكلام الغريب اوي عن التيدا دا..
العربية روعة روعة يا جماعة مريحة جدا و واسعة جداً بطريقة غريبة ( هي مش عندي بس عند واحد صاحبي هاتشباك ) ..دا يا راجل إحنا مرة قعدنا فيها 4 في الكنبة ورا :):)
التيدا انا بفضلها عن اليارس و السيتي ( اقوي و أوسع من اليارس و إقتصادية عن السيتي )

**Hondawy_2008** · 19-06-2009 08:57 PM

بصراحة التيدا هاتش باك بحس انها أفخم من السيدان ولا ايه رأيكم؟

**abou_ruqi** · 20-06-2009 12:41 AM

حاجة بس صغيرة لكل اللي مهتم بالتيدا
موضوع التابلوه اللي في ناس شايفاه أنه عيب أنه متقسم لقطع , فايدته عظيمة -ولا يقدر الله أن أي حد يشوف فادته-
فايدته إنه في الحوادث لو الأير باج فتحت ما تضطرش إنك تغير التابلوه كله , بس حتغير الجزء اللي فيه الإير باج
كمان ليه فايده لو الحادثه أكبر شوية -لا قدر الله- حيتقسم على بعضه مش حيبقى جزع صلب ماشي بصورة أفقية يكتسح الركاب

اقسم بالله أنا مش بدافع عنها علشان هي عندي , إنما في الحقيقة العربية بحس إنها مدروسة كويس مش إنتاج زايه زي أي إنتاج لأي شركة ومفهوش لمسة التصميم و الارجونوميكس المدروس

**SAMEH_FOUAD** · 20-06-2009 02:40 AM

شوفوا ياجماعة انا مسئول عن كل كلمة بقولها لان دة انا مجربة اكتر من مرة ,وانا قولت اللى معايا تيدا 2008 ودة انا مجربها ,والاخ اللى بيقول انة كان قاعد 4 ورا ,انا عايز اقولك ان اصحابى كانوا اتنين ورا مستريحين ,اول لما التالت ركب قعد فى النص مابقاش قادر ,ولا فية مساحة يحرك فيها رجلية ,دة غير ان كمان مافيش مساحة عيل صغير يقعد جنبيهم على الكنبة,
وحكاية التسارع دية انا محسبتهاش بس فعلا بطيئة ,وبعدين هية العربية مش بتاعتى ,بس بتبقى معايا فى الاسبوع حوالى اربع مرات,وكمان صاحبى صاحب العربية معترف بكل اللى انا بقولة لان دية اراء كل اللى بيركب العربية ,والعربية جديدة بقالها حوالى 12000 كيلو بس او 10000 حاجة زى كدة ,وعايز اقولك بيتحرق بيها حلو يعنى العربية مش مكتومة ولا حاجة ,وانا مقدرش احكم على سرعة العربية زى ماقولتلك لانى معايا sir فمتعود على انى اجيب سرعات عالية فى زمن قليل ,بس فعلا احنا كنا ماشيين فى طريق مصر اسكندرية امبارح والعربية فى الوقت اللى جابت فية 140 انا كنت زمانى عديت 230 بالعربية بتاعتى ودة اللى خلانى اكرهها فى كدة
بس العربية انا مقولتش وحشة بالعكس حلوة بالنسبة للناس اللى مش غاوية سرعة والحاجات دية لكن بالنسبة كعائلة ومشى بالعقل ولما تحب تجرى بردة تجرى هتبقى فعلا مناسبة جدا,
وبعدين حضرتك بتقول ان خاماتها كلها جلد ,انا ممكن اصورلك دة بنفسى كل حاجة عن العربية وزى ماقولتلك اللى جلد بس الابواب ومساند الابواب واليد يعنى تقدر تقول التابلوة بس هو اللى بلاسيتك ومتاكد منها 100*100,ووالله ركبتها انهاردة عشان اتاكد من دة ولقيتة فعلا بلاستيك,يعنى انا عندى فى العربية التابلوة من اولة لاخرة من الجلد وتحت الجلد دة فية اسفنج مضغوط وكذلك الابواب والمخادع,
وبعدين الثبات دة انا مختلف معاك,انا اول مرة اصحابى ركبوا العربية دية كانوا قلقانين من حكاية ان العربية خفيفة دة اللى قالوة ولما جربتها فعلا حسيت بكدة ,بس مش للدرجة لان زى ماقولتلك انا لو قولتلك المدة اللى خدتها العربية عشان تجيب 160 هاتستغرب بس قعدت وقت طوبل جدا لدرجة ان واحد صاحبى قال هية مالها بطيئة كدة لية صاحب العربية هو اللى اتكلم مش انا قال هى كدة بطيئة فى التجميع مع ان الاوفر درايف كان شغال

وبعدين انا فية حاجة بس مش متاكد منها العربية دية تجميع صينى صح ولا اية ياريت حد بس ياكدلى المعلومة دية لانها غالبا كدة فعلا

على فكرة التيدا مش وحشة عربية حلوة بس كل واحد ولية نمط قيادة معين انا عشان يمكن اتعودت على العربية عندى فحسيت بالحاجات دية كلها,بس فعلا لو حد عايز يشترى عربية كعائلة يشترى التيدا مش هيندم فعلا ,انا من وجة نظرى احسن من اللانسر ومن كل الكورى ,ومتهيالى احسن من السيتى بس شكل السيتى اشد بس تحس انة فية حاجة غلط
واسف على كلامى على السيارة بس دة اللى قدامى ولو عايزين دلائل سهل جدا بس حد يقولى ارفع الفيديو ازاى او الصور