ليه محدش قارن التيدا بهوندا السيتى

**SAMEH_FOUAD** · 20-06-2009 05:52 PM

على فكرة انا شوفت الفيديو بتاعة حضرتك ربنا يباركلك فيها ,بس فية بقى حاجة هو تقريبا فية اختلاف مابين 2008 و 2009 انت عندك العربية نقلت على التانى تقريبا عند 61 كيلو فى التيدا اللى عندى بتنقل عند 58 كيلو ,بس كويس قوى انها 1600 اتوماتيك وبتجيب كدة بس خدت وقت كتير لحد ماطلعت لل140 ودة اللى بتكلم فية وكمان تقريبا خدتهم فى 23 ثانية,مش شايف انة كتير جدا على عربية انها توصل ل140 فى 23 ثانية,عموما انا هاثبتلكوا الحاجة بالفيديو وهحاول اشوف حكاية التسارع دية مظبوطة ولا لأ بس متهيالى انها مثلا بتجيب ال100 فى حوالى 11 ثانية وبردة هتاكد
وحكاية صينى دية انا سمعتها من صاحب العربية نفسة بس مش عارف هية ولا كان بيتكلم على الفولكس واجن بولو لانة كان هايشتريها قبل دية ,بس تقريبا كان بيتكلم على البولو ,وانا قولت انا مش متاكد يعنى ماقولتش صينى

**a7m8n** · 26-06-2009 01:04 PM

على فكره انا واقع فى نفس الحيره زيك بالظبط انا كنت حجيب النيو سيراتو ال sx بس لقيت فيه استهبال فى التسليم والوكيل سايب المعارض بتشترى الخليجى وتبيعه بسعر اعلى احب اقول لحضرتكم على حاجه انا شفت السيتى الجديده دى شكلها تحفه اوى والموتور فيه تكنولوجى جديده 1500 بيدى 118 حصان بس انا خايف منها العربيه لسه جديده ومفيش تقييم مشجع اوى ليها فطبعا محتاااار اوى يابريت ياجماعه حد يساعدنا فى الموضوع دة

**ahmed4000** · 29-06-2009 01:31 PM

الحقيقة انا شلت السيراتو بعد اول زيارة ليها لانها معجبتنيش من جوا خالص

اما التيدا والسيتى فلسه محتار برده

كل واحد فيها مميزات وعيوب مش مخليه فى اساس قوى للاختيار

المشاركة الأصلية كتبت بواسطة a7m8n

على فكره انا واقع فى نفس الحيره زيك بالظبط انا كنت حجيب النيو سيراتو ال sx بس لقيت فيه استهبال فى التسليم والوكيل سايب المعارض بتشترى الخليجى وتبيعه بسعر اعلى احب اقول لحضرتكم على حاجه انا شفت السيتى الجديده دى شكلها تحفه اوى والموتور فيه تكنولوجى جديده 1500 بيدى 118 حصان بس انا خايف منها العربيه لسه جديده ومفيش تقييم مشجع اوى ليها فطبعا محتاااار اوى يابريت ياجماعه حد يساعدنا فى الموضوع دة

**dodi2** · 29-06-2009 06:58 PM

السلام عليكم:
انا مش عارفة ايه العمل الحيرة هى هى و ملهاش حل ,بس مع النيو سيراتو كمان و انا مش حاسة ان الخامات تفرق كتير بنها و بين التيدا اللى 119 و الهوندا تكسب فى التقفيل الداخلى ( دا وجهة نظر خاصة )
و انا مسوقتش غير السيراتو و الفرامل بتعتها حلوة و الشكل الخارجى
العفشة ناشفة و التابلوه بلاستك خالص
يووه انا نسيت دى مقارنة بين التيدا و السيتى
على العموم خليك فى المضمون و هيا التيدا

**SAMEH_FOUAD** · 01-07-2009 12:07 PM

قدامك اتنين لائما التيدا لائما السيتى ابعد السيراتو خاماتها وتفقفيلها حرام بجد دية مش خامات عربية حديثة ابدا وتمنها كدة بس التيدا اوسع منهم الاتنين واعلى الشكل للسيتى السرعة للنيو سيراتو زى مابيقولوا على قوة الماتور اللى مكتوبة لكن ماجربتش دة بس اللى هتلاقيها وواثق من تفوقها عليها بجد السيتى 118 حصان يابانى يتفوقوا على 124 حصان كورى والسيتى من جوة افخم من السيراتو والتيدا وشكل تابلوة السيتى جامد فعلا دة اللى انا اعرفة عن السياراتين

**SAMEH_FOUAD** · 01-07-2009 12:14 PM

ممكن كمان اسهل عليك فى بعض الامور :
الشكل :

1:سيتى
2:سيراتو
3:تيدا
الخامات:

1:سيتى
2:تيدا
3:سيراتو

قوة الماتور
1:السيتى
2:السيراتو
3:التيدا

التقفيل
1:السيتى
2:التيدا
3:السيراتو