الموضوع: ليه محدش قارن التيدا بهوندا السيتى

المشاركة الأصلية كتبت بواسطة night_whisper

التيدا حضرتك أفضل من السيتى كتير جدآ

العربية من برة جميلة مش وحشة و هتدى لحضرتك وضع كويس لو حضرتك يهمك فى المقام الأول المظهر
من الداخل و دة مملكة حضرتك فيها كل اللى ممكن تتمناة فى عربية خصوصآ لو حضرتك اشتريت الهاى لاين
العربية تبان صغيرة من برة بس هى فعلآ واسعة جدآ من الداخل فوق ما تتخيل ( لازم حضرتك تركبها و تشوف بنفسك ) و دة كان هدف صناع العربية أنهم يعملوا عربية تبان صغيرة و تكون واسعة من الداخل لان ترخيص العربية فى اليابان مرتبطة تكلفتة بالمساحة اللى بتأخذها العربية
و دة من ملامح عبقرية صناع نيسان
الشنطة واسعة جدآ و بالأضافة أنها واسعة الشنطة ليها عمق كبير و دة ميزة حلوة جدآ
كل عوامل الأمان موجودة فى العربية
كل عوامل الرفاهية موجودة حتى بلوتوث الموبيل
فى كمبيوتر فى العربية كل 20 مرة تشغيل يراجع على كل حاجة فى العربية و يتأكد ان كل حاجة شغالة تمام
العربية مصنعة بالكامل فى اليابان
توكيل نيسان فعلآ توكيل محترم جدآ جدآ جدآ و هتلاقية دايمآ متابع حضرتك
و فى الأخر لازم تشوف الأثنين و تشوف حضرتك مرتاح لأية أكتر
على فكرة تيدا ليها test drive
ممكن حضرتك تجربها

و ربنا يوفق حضرتك فى الأختيار

التيدا حلوة محدش قال حاجة والعربية انا مجربها كتير جاد ولمسافات طويلة بس هاعلق على كلامك فى بعض الحاجات
التيدا شنطتها واسعة كعرض لكن كطول لأ ومتاكد من دة كويس قوى
فية حاجة غريبة حصلت كان التيل متاكل جامد واللمبة منورتش بتاعة تاكل التيل وغيرناة وعلى فكرة تانى تيل يتغير من اول السنة لحد دلوقتى,
السيارة واسعة جدا بس فى المسافة مابين رجل الراكب الخلفى والكرسى الامامى ,و المساحة مابين الراس والسقف ,ماشوفتهمش غير فى عربية جيب ,لكن عيبها انها كعرض لاتنين فقط فى الكنبة الخلفية والراكب التالت هيبقى تعبان اوى وهو قاعد ,جربتها بنفسى والله ,
السيارة كانت ماشية على 140 بس وصلتلها بعد مدة كبيرة ,العربية فى الطريق المستقيم كويسة لكن هاتغرز والحوار دة لازم تهدى شوية اة تكون محمل العربية ,لكن هية كمجمل كويسة طبعا مقدرش اقول حاجة عليها والتصميم بيبقى ازواق ,وكمان صوت العربية هادى اوى حتى لو بتشد وقارص على الماتور ,بس عيبها انك مش هاتحس انك راكب عربية 110 حصان هية اقل من كدة هية حوالى 92 حصان دة اخرها
دية ملاحظتى على العربية لاكثر من 7 شهور هية موديل 4/2008