ترشيح زيت على الموتور

**samirayad** · 23-06-2009 11:38 AM

و اعتقد ان وظيفتة هو و الماسورة هى ارجاع الزيت من وش السلندر الى الكارتيرة

طيب أيه رأيك أنه ممكن بيفيد فى حالة زيادة الأبخره مع السخونه فى منطقة حوض التاكيهات ........بحيث أنه يعمل أعادة تدوير لأبخرة الزيوت بين الحوض والكرتير ....على أساس مايبقاش فيه فقد كبير من أبخرة الزيوت الى خط الفائظ ومجمع الهواء .....وبالذات مع زيادة الأبخره ...................بحيث مع تدوير الأبخره ممكن نستفيد من أحداث تكثيف للأبخره وبالطريقه دى بنحافظ على مسنتوى الزيت الى حد ما...........ومنخسرهاش كلها فى عمليات الحرق لما تكون بتروح بس لمجمع الهواء من خلال خط الفائظ لو كان هو بس اللى موجود فى تصميم المحرك

**MMamdouh** · 23-06-2009 11:50 AM

لا معتقدش لسبب... الابخرة الموجودة داخل بلوك الموتور مصدرها الاساسى هى الغازات اللى هربت من شنابر البساتم... بالتالى اتجاة تيار الغازات دى حيبقى من خلال الشنابر الى الكارتير ثم صعودا من الماسورة المعدن الى الخرطوم الكاوتش للمساحة بين وش السلندر و غطاء التاكيهات و بعد كدة تتسحب الى منافول السحب تحت تاثير الفراغ اللى بيعملة الموتور و هو داير عن طريق خرطوم البخار

اذا اتجاة الغازات دايما بيبقى من الكارتيرة الى وش السلندر و علية ابخرة الزيت مش حتعرف تنزل الى الكارتير نتيجة التيار المذكور

MMamdouh

**samirayad** · 23-06-2009 12:04 PM

طيب أيه رأيك فى أبخرة الغازات المختلطه بالزيوت اللى بتكون متحوشه جوه حوض التاكيهات نفسه ...........والطرطشه اللى بتكون موجوده عند الكامات لما بنفتح طبة تزويد الزيت ( الغمامه الكبيره دى من أبخرة الزيوت ) .....مش برضه ممكن تنزل من الخرطوم ده للكرتير .....وبالتالى تخفيض الضغط بتاع الغازات والأقلال من الأبخره جوه حوض التاكيهات نفسه ................أظن كده حلو الكلام ...........

**MMamdouh** · 23-06-2009 12:16 PM

مهو مصدر الضغط اساسا من تحت ناحية الكارتير بالتالى ازاى الابخرة اللى فوق (منطقة الضغط المنخفض) حتروح فى اتجاة تحت للكارتير (منطقة الضغط العالى)؟

انت لو فكيت الخرطوم الL حتلاقى البخار طالع من الماسورة الحديد مش الوش... كمان من اعراض تشقق و تلف الخرطوم هو ان بيبقى فيه اثار طرطشة زيت على الكابوت من جوة... دليل على ان مصدر الطرطشة جاى من تحت الى فوق

لو البخار بيمشى العكس كانت الطرطشة تبقى على صدر العربية

اللى ممكن ينزل معلش هو الزيت المتكثف... لكن طالما الزيت فى صورة بخار حيمشى مع التيار

MMamdouh

**samirayad** · 23-06-2009 12:27 PM

طيب أستنانى بقه فى الحته دى يا أبو يوسف ............لأن أنا لاحظت أن خرطوم الفائظ بيكون طالع من حوض التاكيهات ...........والفائظ فايدته التخلص من أبخرة الكرتير فى أى مكنه ........طيب أيه اللى حيسلم أبخرة الكرتير لخط الفائظ .....أعتقد هو الخرطوم التانى ده اللى جاى من الكرتير ( حيجيب أبخرة الكرتير ويعبى بيها حوض التاكيهات ....وبعد كده خرطوم الفائظ حيأخد الأبخره ويوديها لمجمع الهواء ) ................أيه رأيك فى الكلام الجديد ده

**MMamdouh** · 23-06-2009 04:07 PM

المشاركة الأصلية كتبت بواسطة samirayad

طيب أستنانى بقه فى الحته دى يا أبو يوسف ............لأن أنا لاحظت أن خرطوم الفائظ بيكون طالع من حوض التاكيهات ...........والفائظ فايدته التخلص من أبخرة الكرتير فى أى مكنه ........طيب أيه اللى حيسلم أبخرة الكرتير لخط الفائظ .....أعتقد هو الخرطوم التانى ده اللى جاى من الكرتير ( حيجيب أبخرة الكرتير ويعبى بيها حوض التاكيهات ....وبعد كده خرطوم الفائظ حيأخد الأبخره ويوديها لمجمع الهواء ) ................أيه رأيك فى الكلام الجديد ده

بالضبط كدة يا هندسة

MMamdouh