الموضوع: لماذا نجحت ماليزيا وفشلت مصر فى تصنيع سياره وطنيه؟ (موضوع منقول )

المشاركة الأصلية كتبت بواسطة jisso82

أنا متفق معاك تماما بس وجهة نظرى إن الأسطورة دى هى البيضة الذهب اللى ما بتخلصش فرق الضرائب اللى حضرتك بتسأل عليه بيردوا إنهم رفعوا الدعم عن البنزين مثلا عشان القمح غلى فيبقى ده راح فى ده يا عينى و هما اللى حلوا الموضوع قبل ما نجوع و يبيعونا فى السوق السودا.

و بالنسبة لشركات القطاع العام هل حضرتك عارف بمناسبة المثال بتاع حديد عز ده إن كان فى زمان شركتين لحديد التسليح فى مصر شركة حديد عز و شركة الدخيلة (الوطنية الحكومية) اللى فلست و فشلت و اشتراها عمو عز بس بتاع الحديد مش بتاع العربيات عشان ما أخبطش فى حد غلط و بقت شركة عز الدخيلة ، عارف بقى مين كان رئيس مجلس الإدارة المعين من قبل الحكومة لشركة الدخيلة أحمد بيك عز تخيل الطبخة رئيس مجلس إدارة شركة حكومية بالتعيين هو صاحب أكبر شركة استثمارية منافسة و البقية تأتى
هو ده النظام اللى بتدار بيه البلد و لا عزاء للى بيحاولوا و اعذرنى على إن ده آخرنا بيحاولوا فقط يفكروا.

فعلا احنا لازم نبيع هدومنا عشان نشترى القمح طب ما نشترى قمح الفلاحين الاول وبعد كده نستورد ولا القمح الفسدان اكسب من السليم الله يرحم بلد كانت فى يوم من الايام اسمها سلة غلال العالم الله يرحمها بقى

عارف ليه

علشان طول عمرنا عايشين على الحلول الوقتية

يعني مثلا ماسورة مجاري ضربت بدل ما يشوف ايه السبب يغطي الخرم وخلاص

أهم حاجة الماية ما تخرجش دلوقتي وبكره يحلها حلال

أوباما جاي ... القاهرة الكبرى تبقى جنة في ظرف اسبوع

في مشكلة في الميزانية خصص شوية شركات وبيعهم

بيع الغاز الطبيعي اللي عندك علشان وزارتك تبقى حققت أكبر دخل في تاريخ الوزارات

قضية شاغلة الرأي العام ... هات لك واحد متخلف عقلي وقول أنه هو اللي قتل وهو وهو وووو

وهكذا ,,,,,,,,,,,,,,,,,,,,,,,,

حيتنا كلها كده

حقن مسكنة

أما إن واحد عنده ضمير يعمل لبكره ما حصلتش

ولو حصلت يتشال من بكره

الموضوع هايل جدا .. و فعلا من اكثر المواضيع افادة في هذا المنتدى ... فهذا الموضوع هو مثال حي و مناقشة موضوعية و بناءة لكيفية النهوض بهذا البلد ... ارجو من الادارة نقله للموضوعات العامة و تثبيته ... و شكرا جزيلا لصاحب الموضوع

المشاركة الأصلية كتبت بواسطة muhammedsoliman

هوه يعنى ايه يا جماعه ضمير بقالى كتير ماسمعتش المصطلح ده تعديل جديد مع فلتر الهوا ؟؟؟؟

ده كائن منقرض كان بيعيش فى مصر لغاية كام سنه فاتو ونظرا لتغير المناخ العام والبيئه فى مصر لم يستطع ان يتاقلم

مع التغييرات الحادثه حيث انه كان يرتع وينتشر فى جميع طبقات المصريين وخاصة طبقه برضه انقرضت كان اسمها

الطبقه الوسطى ومازالت هناك بعض من يحتفظون بهذا الكائن ولكن بفضل جهود الدوله الجباره وتوجيهات الساده

المسئولين سيتم التخلص من اخر واحد عنده ضمير قبل نهاية الدورة البرلمانيه القادمه

وحسبى الله ونعم الوكيل

المشاركة الأصلية كتبت بواسطة mohabsaeed

الف شكر استاذ احمد على الموضوع الرائع .

ممكن الخصلك المشكله .

المشكله فى الاساس مشكله قائد قبل ماتكون مشكله شعب ." و مشكله الشعب بسلبيته على اخطاء القائد "

الى حصل فى ماليزيا من د- مهاتير محمد ..... حصل اضعاف اضعافه من محمد على و فترة حكمه لمصر .

طبعا مع عدم اغفال مسؤليتنا ك شعب عن الفشل الانسانى و الاخلاقى و العلمى و السياسى الى وصلناله ( حنرجع لغياب النظام هو الى ادى لكده ) , بس انا بأكد لحضرتك البلد ديه مش حتقوم الى بقائد يقودها و يقودنا كشعب للنجاح .... العكس مستحيل مستحيل مستــــــــــــــحـــــــ ــــــــــــيل .

لان محدش عنده ادنى ايمان ان فى نظام سائد حيديله حقه و ياخد حق الناس منه .... ازاى حنتكلم عن النجاح و انتا مش حاسس ان فى نظام ثابت بيطبق على الكل بيكافئك و يجازيك ؟

يبقى حضرتك كده عرفت اجابة الاسئله اللى انا كتبتها فى تعليقى على الموضوع لو عرفنا ان العظماء دول تقاعدوا

بعد انجازاتاهم التاريخيه ومتبتوش فيها وسابوا مكانهم لناس تانيه جايه بافكار جديده ودم جديد دفع بلادهم للامام

هو ده السبب اللى خلى البلاد دى تطلع فوق

موضوع ممتاز و مقارنة موضوعية و في مكانها الصحيح .
لأن مينفعش مثلا نقارن مصر بكوريا ...
علشان كوريا و اليابان بعد الحرب العالمية التانية و هم من أهم حلفاء الولايات المتحدة الصهيونية في منطقة الشرق الأقصى .... و بالتالي تم فتح أسواق الصهاينة على مصراعيها أمام منتجات اليابان و كوريا مما ساعد على نهوض تلك الدولتين و جعلهم في مصاف الأمم الأكثر تقدما في العالم بل و الأكثر تقدما من أمريكا نفسها .

أنا قلت الكلمتين اللي فوق قبل ما أخوض في مناقشة ماليزيا و مصر ..... لأن الأثنين ظروفهم تكاد تكون متشابة .

تكمن المشكلة الأساسية زي ما الأخوة قبلي قالوا في عدم حل المشكلة من جذورها .
و هذا راجع لعدم وجود نظام سليم نبني عليه .
فلما تبني على أساس مخوخ ...... و مش مظبوط ...
المبنى هايعيش شوية ....... و يقع ..... أو يحتاج ترميمات كتيرة .

هي دي مصر بعد الثورة المبجلة الناصرية و سرقة الشركات و توزيع الثروات .
تضائلت فرص وجود رجال أعمال حقيقييين بالاضافة أن أصلا مكنش فيه حلم سياسي و لا أقتصادي للحكومة قبل و بعد الأنقلاب العسكري الناصري .

الموضوع مش موضوع شركة النصر بس .
لأن شركة النصر دي من النتائج التابة لفساد النظام .

ترك النظام الرأسمالي ...... و تبني النظام الأشتراكي الفاشل ........ اللي كل الدول اللي تبنته فشلت .
هو كان نقطة البداية لأنهيار شامل .

ماليزيا على العكس ...... دولة متفتحة على العالم و أسواقها مفتوحة و رأسمالية ....
تبنت الأسباب و المحرك الأساسي لأقتصاد البلاد بالاضافة لوجود حلم و تم تحقيقه في النهوض بهذا البلد الصغير و تغيير شامل في أقتصادها من أعتماد كامل على الزراعة فقط ....
إلى تنوع عام في عوامل الأقتصاد
فأصبحت ماليزيا من أكبر مُصنعي الألكترونيات في العالم مع اليابان و الولايات المتحدة الصهيونية و كوريا و فرنسا و بريطانيا .

و دخلت مجال السيارات ....... و لأن دخولهم مجال السيارات كان صحيحا بالتركيز على حاجة وحيدة و هي سيارات الركوب .
مش أول ما تشطح ......تنطح و تفتح مصنع يعمل جرارات زراعية و سيارات ركوب و أتوبيسات و لوريات .

لو كان التركيز على شئ واحد ...... كان يمكن زمانهم عملوا حاجة .

بس فيه عامل تاني لازم نوضعه في الأعتبار .
و هو العدو الصهيوني على الحدود الشرقية و الحروب التي دخلنها بغباء سياسي و حروب أخرى كنا مضطرين ندخلها .

حتى أصبح حال مصركما يلي :

-صناعة ضعيفة لغياب البحث العلمي .
-تبدد الأراضي الزراعية تحت ضغط الكثافة السكانية العالية و الازدياد السكاني العالي .
-أصبحت القاهرة من أكبر المدن العالم عشوائية بعد أن كانت في فترة الثلاثينيات و الأربعينيات من أجمل مدن العالم و حتى قدوم عبد الناصر .
-انخفاض الانتاج الزراعي بسبب عدم الحفاظ على الأراضي الزراعية الخصبة الموجودة و بسبب الزيادة السكانية التي لا يلاحقها أي انتاج زراعي .



----------------------------------


بالنسبة لموضوع الدعم :
الدعم ده كان برضه من نتائج الأنقلاب السياسي و العسكري الناصري .
و ده طبعا أدى لكوارث في البلد .
الناس أصبحت لا تعلم القيمة الحقيقية للسلع و بالتالي أصبح الدعم كحق لكل مواطن .
مع أنه حق يراد به باطل ....... و كفاية كدا في النقطة دي .

بالنسبة لأسعار البنزين .
يا جماعة على فكرة البنزين مش متشال عنه الدعم الكلي .
اللي حصل أنهم قللوا الدعم و لم يزيلوه
لو تم ازالة الدعم عن البترول سيكون سعر لتر البنزين مش أقل من 5 جنيه .