الموضوع: ايه رايكم ..... تويوتا الخليجى افضل ولا الجنوب افريقى ؟؟؟؟

المشاركة الأصلية كتبت بواسطة sa3dawy

اخى الكريم..
الموتور بتاع الجنوب افريقى اقوى بكثير ودا واقع ..مش خلط فى الارقام

الخليجى حوالى 107 حصان
اما الجنوب افريقى 124 حصان

يعنى واضح الفرق...

نيجى للفتيس..
الخليجى فتيس عادى..وقديم...وزى بتاع الياريس...مفيش فيه تحكم فى النقلات ..او ستيبترونك...

على عكس الجنوب افريقى...حيث الفتيس ..مانوال واوتو فى نفس الوقت..وان كان الاساس مانوال زى ما بيقولوا....

استهلاك البنزين فى المصرى افضل نسبيا من الخليجى..ودا ممكن يبان جوه البلد ...او جوه المدينة...وان كان طبعا مش هيبقى فى فرق واضح فى النقطة دى..

الجنوب افريقى..بينزل كله بكاوتش 16 وعرض 205
الخليجى 15 عرضه 195

ودا فرق واضح لمصلحة الجنوب افريقى..وبيعطى ثبات افضل نسبيا.

بس انا مستغرب انك بتقول ان عفشة الخليجى ناشفة...
بالعكس انا شايف انها ناعمة جدا..لدرجة زيادة عن اللزوم...وواحد صاحبى بيشتكى من ثباتها...وانها بتعوم على السرعات العالية...لكنها مريحة طبعا جدا جوه البلد ومع المطبات...

عموما رغم كل هذه الفروقات التى تصب فى مصلحة الجنوب افريقى..

الا اننى اثق فى الخليجى..من ناحية الجودة والتقفيل ...اكثر ...
وخصوصا بعد ما التوكيل نزل سعر الجنوب افريقى حوالى 13 الف..وتحس كده انهم عاوزين يخلصوا منها...فحاجة تشكك بجد...

بصراحه انت بتقول كلام غير منطقى خالص بصراحه
اول مره فى حياتى اسمع حد بيقول على كورولا الجديده بتعوم وبيشتكى من ثباتها
وحد تانى بيقول ناشفه على المطبات
يا جماعه بلاش الكلام اللى ملهوش لازمه ده واللى بيردد كلام بيسمعه وخلاص وقيل وقال
لان ربنا هيحاسبنا على الكلام اللى بنقوله ده وفيه ناس كثير بتقرا الكلام ده
اخيرا احب تاكيد ان الكورولا مش بتشتكى خالص من ثباتها .انا معاك ان اليابانى ثباته اقل ولكن ما توصلش لدرجة التعويم ابدا لان انا احيانا لو فى هواء فى الطريق ممكن احس فيه مثلا لو ماشى على 200 مثلا انما العربيه تعوم دى ممكن الكورولا الشكل القديم وممكن الياريس انما الكورولا الجديده لا والف لا
تحياتى

المشاركة الأصلية كتبت بواسطة yoko

أنا عملت مقارنة بين الإتنين لإني كنت ناوي أنزل خليجي لاكن تراجعت للوقت الحالي بسبب الفلوس
1- الموتور :
الموتور واحد الإتنين dual vvti لكن الفرق إن الخليجي مديك الnet والمصري مديك الgross وهو زي ما حضرتك قولت ١٢٤ مش ١٤٢ زي ما التوكيل بيقول
2- الفروق
الفرق الرئيسي إن الخليجي بدون abs والجنوط ١٥
لكن ميزة الخليجي وهيا عيب في نفس الوقت العافشة رياضية وأنشف و أوطى يعني ثبات عالي لكن في المطبات هتقرفك
3- الضمان
نصيحة إفتري عاليها كام شهر قبل ما تنزلها عشان لو طلع فيها عيب مع إن غالبا الخليجي مفيهاش مشاكل معايا مو٢٠٠٦ خليجي
4- السعر
سألت على الجمارك لقيتها حوالي ٦٨ جنية مصري

ولو عندك أي سؤال إسأل
بالنسبة للبنزين الموتور القديم قبل ٢٠٠٩ بنزبن ٩٠ أما الجديد ٩١

مش عارف ايه حكايه ال gross وال netاللى الناس عماله ترددها فى المنتدى اليومين دووول
على فكره لو الكلام ده مظبوط يبقى الشركه بتكتب الاتنين مع بعض زى السيفيك فى الكتالوج مكتوب الgross 138 حصان وال net 125 حصان
الكورولا التوكيل فى الاول كان بيقول 142 حصان وده ال gross وكان واضح جدا لانه كان جايب صورة الموتور لوحده انما ال net هو 124 حصان وشوف ويكبديا كده
http://en.wikipedia.org/wiki/Toyota_Auris
بالنسبه للموتوريين مختلفين 1000% لان الكود بتاعهم مختلف وشكل الموتور مختلف خالص ده غير القوه والعزم مختلفين خالص مش عارف حضرتك جبت المعلومه الغريبه دى منين ان الموتوريين واحد

2- اليابانى اعلى فئه فيه جنوط 16 و abs ,ebd وفيها طاره مالتى وفتحة سقف وسبويلر ودى ثمنها 165 الف بدون ضمان
مش عارف المعلومه الغريبه جدا بتاعة العفشه الناشفه دى جبتها منين
تويوتا مش بتعمل عربيه ناشفه ابدا والجنوب افريقى رغم نعومته الا ان اليابانى احن خصوصا اللا راكب فيه جنوط 15
معلومه اخيره ماتور الكورولا الخليجى هو هو نفس موتور الكورولا الشيب القديم وممكن تتاكد من الاكواد بنفسكطبعا انا بتكلم على ال 1600 لان مفيش 1300 خليجى
تحياتى

بالنسبه لصاحب الموضوع انا ارشح الجنوب افريقى وفيه فئتين الاتنين اوتوماتيك عادى وليس mmt والموتور طبعا مختلف عن الخليجى وهو قوته 124 حصان والخليجى 107 حصان واكيد الجنوب افريقى اقوى بكثير
1- بروفيشنال ودى سعرها 145 الف وميزتها انها موديل 2010 وفيه جنوط 16 طاسات وتاره مالتى وabs وفوج لايت وكمان بتحسب معدل استهلاك البنزين والبنزين الفاضل فى التانك يمشيك كام كيلو ودرجة الحراره وكاسيت cd يدعم mp3 التكييف بكر و 2 ايرباجز وتاره مغطاه بالجلد الطبيعى ودى حضرتك ممكن تشتريها لو عاوز توفر 15 الف ومش فارقه معاك الكماليات اللى هقولها دلوقتى

- ادفانسيد ودى سعرها 160 الف موديل 2010 وفيها
-1 جنوط سبور 16
2- زينون
3- بخاخات لغسل الفوانيس الاماميه
4- تاره مالتى
5- 9 ايرباجز
6- abs
7- مثبت سرعه
8- عدادات اوبتيريون بشاشه معلومات للاعطال
9- تكييف تاتش
10- مراه حساسه للضوء
11- مفتاح بصمه keyless
12- كاسيت 6 cds يدعم mp3
13- 6 سماعات

تحياتى

ياراجل ؟

ازاي تجيب الخليجي الفاضية دي و الموتور القديم

و عندك الأدفانسد الجنوب أفريقي ....

الجودة واحدة (Made in Toyota) مع فرق امكانيات و ضمان وموتور

الجنوب أفريقي طبعا طبعا طبعا

فرق السعر و الضمان لصالح الجنوب أفريقي
ده غير أنك هاتركبها في مصر زيرو ......... و من غير دوشة الجمارك و الأجراءات ووجع الدماغ .


بمناسبة قوة المواتير .
أي شركة في الدنيا بتعلن عن قوة المحرك فقط
مفيش شركة بتعلن عن قوة العربية لأن قوة العربية هاتختلف من ظروف لأخرى .

قوة العربية بعد تركيب المحرك ببنقص منها من 10 إلى 15 % تبعا لأختلاف الظروف .
جو بارد غير جو ساخن .
طبيعة الطريق .. أسفلت ناعم .....أسفلت خشن .
نوعية البنزين المستخدم و مطابقتها لمواصفات الصانع .
كفاءة الات الجر الخاصة بالسيارة .
كفاءة فلتر الهوا و طقم الاشعال .
قوة الهواء المعاكس .

-------------------

الكلام ده بينطبق على كل شركات العالم ..... و التوكيل في مصر أغلبهم كدابين في اعلان القوة الحصانية . خصوصا توكيل تويوتا ....... توكيل محترم في الخدمة و لكن اعلانتهم فيه خداع كتير .