زيادة القوة للسيارة بتغيير البوجيهات

**IAbdou** · 11-10-2007 11:43 PM

هو انا عربيتى فيرنا 1500 وعملة 30 ألف
ولو ركبت فلتر K&N معاة فهل دة هيفرك ولا مصريف على الفاضى

بس أنا شوفت سلوك سبيلت فير بيؤلو توصيلها أفضل ؟؟

**Adham** · 11-10-2007 11:49 PM

الفلتر السبور حايفرق في سحب العربية
بس ممكن يقلل من السرعه القصوى لو كان بيسحب هواء سخن من داخل حجرة الموتور
لذا بيفضل تركيبة خارجها, يعني يبقى في الكارتيرة امام العجلة الامامية
بس ساعتها حايحتاج يتنظف كتير علشان التراب و المياة و الطين من الشارع بالذات في الشتاء

ومش لازم تجيب نوع غالي زي ال K&N فية انواع صيني رخيصة قوي من 60 جنية و 150 جنية و طالع

و فية نوع بيركب جوة الصندوق بتاع الفلتر الاصلي (بيركب زي الاصلي بالضبط) بيزود سحب العربية و مايسحبش هواء سخن بس مش بيعمل الصوت القوي بتاع سحب الموتور

**Adham** · 12-10-2007 12:02 AM

بص يا أستاذ إبراهيم

من الواضح انك عاوز الفيرنا تجري و بالتالي عاوز تعمل شوية تعديلات بسيطة من غير ما تلعب في الموتور نفسة

بص تركب فلتر سبور في الكارتيرة

و تركب بوجيهات 3 شمعه بوش

و تشيل فرن الشكمان و تعمل هيدرز خارج من وش السلندر يجمع العادم على ماسورتين و منهم على ماسورة واحدة( روح الحرفيين و أسأل عن مربع بتاع الشكمانات في البلوك اللي ورا المطراوي اسمة "مربع" و قولة انك من طرف أدهم و عاوز تعمل هيدر زي اللي عملناة في عربية أدهم الهوندا الرصاصي زمان)

و حايشيللك فلتر البيئة و تركب علبة شكمان كبيرة و مصافيها واسعه

بس خللي بالك انت كدة بتقصر من عمر الموتور, و خللي بالك كمان ان الفيرنا فيها عيب ان موتورها بينشع زيت
فلازم تتابع مستوى الزيت بتاع الموتور أول بأول

**KOLIU2002** · 15-10-2007 12:16 PM

طيب يا ادهم باشا لو انا حبيت اعمل هيدر وششكمان استنلس استيل للعربيه عندى متعرفش يتكلف حوالى كام ؟

**PRO-DRIVE** · 15-10-2007 01:50 PM

المشاركة الأصلية كتبت بواسطة Adham

و تشيل فرن الشكمان و تعمل هيدرز خارج من وش السلندر يجمع العادم على ماسورتين و منهم على ماسورة واحدة( روح الحرفيين و أسأل عن مربع بتاع الشكمانات في البلوك اللي ورا المطراوي اسمة "مربع" و قولة انك من طرف أدهم و عاوز تعمل هيدر زي اللي عملناة في عربية أدهم الهوندا الرصاصي زمان)

و حايشيللك فلتر البيئة و تركب علبة شكمان كبيرة و مصافيها واسعه

بس خللي بالك انت كدة بتقصر من عمر الموتور, و خللي بالك كمان ان الفيرنا فيها عيب ان موتورها بينشع زيت
فلازم تتابع مستوى الزيت بتاع الموتور أول بأول

بيقصر عمر المتور ليه ؟؟

**Abdallah** · 15-10-2007 03:47 PM

بوجيهات السبليت فاير بيبقى ليها طقم سلوك ايضا سبليت فاير ودة بيكون احسن واوقوى فى توصيل الكهرباء ولكن دوول هيفرقوا معاك لو انت مركب تيربو مثلا او موتور عربيتك كبير انما موتور 1600 هيبقوا فلوس على الفاضى.

**Adham** · 16-10-2007 11:45 AM

المشاركة الأصلية كتبت بواسطة KOLIU2002

طيب يا ادهم باشا لو انا حبيت اعمل هيدر وششكمان استنلس استيل للعربيه عندى متعرفش يتكلف حوالى كام ؟

عدي على مربع في الحرفيين و اسألة وهوة حايفيدك

بس اعتقد في حدود ال 1500 جنية

و بيختلف حسب شكمان العربية و اتساع المواسير و طولها, يعني بيختلف حسب العربية و حسب الشغل اللي انت عاوز تعملة غير طبعا حسب الصنايعي اللي شغال

**NFS7** · 14-12-2007 05:33 AM

انا بقى تجربتي كانت مع مع البوجيهات الاريديم بتاعت تويوتا وفرقت كتير معايا في السحب وكمان الفلتر السبور بيفرق جامد ونوع ال K & N نوح محترم ويعيش كتير وبينقي الهوا كويس مش زي الصيني الي بيعد تراب وبيتقطع مع اول غسله لا مؤاخزه يا ادهم معضم كلامك مش صحيح
البوجيهات دي بتفرق جامد جدا مع العربيات الانجكشن وباذات البوجيه تويوتا اريديم اتالاقيه في مجلات عرفه جابر في شارع دمشق ومحل الوطنيه الي في الاتوستراد مدينه نصر شيراتون وكمان عندهم فلاتر سبور حلوه