موضوع خطير اذا ثبتت صحتة-فضيحة شركة هيونداى الكورية

**M.ABDEEN** · 30-06-2009 11:33 AM

لو الكلام ده صح مكنتش فعلا هيونداي وكيا حققت نتائج ايجابية عالمية على محركاتها وكمان كان هيبان ده في اداء محركاتها اللي بصراحة اداء كويس وبعزم شديد وقوة بخلاف فرق الجودة عن الاوروبي ...........
انا مش بدافع علشان انا معاي كيا بس بصراحة الالنترا والسيراتو اداء مواتيرهم معبر عن قوتهم ممكن اه بيحسبوا النت ومبيحسبوش الجرووس وبرده الله اعلم !!!!!!!!!!!!!!!!!!!!!!!!!!!!!

**MohabSaeed** · 30-06-2009 02:15 PM

المشاركة الأصلية كتبت بواسطة the_fox_arab

كوريا دولة بلا ديانة سماوية ... اذن فهي دولة بلا قيم او اخلاق .. و ان ظهروا بالاخلاق فهي ليست لوجه الله

اسمحلى اختلف مع حضرتك فى وجهة النظر , المفروض الضمير و الامانه و حب النجاح مصدرهم الصفه الانسانيه بعيد عن الدين .
و حنروح بعيد ليه اليابان اكبر مثل . اكتر منتجات العالم كلو بيثق فيها هى المنتجات اليابانى , و انا شخصيا بالرغم من كرهى الشديد للسيارات اليابانيه بس مقتنع تماما ان اغلبها ذو جوده عاليه و مصنوعه بضمير للاسف مش متوافر عندنا احنا كدوله اسلاميه 2 % من ضميرهم و تفانيهم و حبهم للنجاح .

انا معنديش مشكله انى اصدق الخبر لانه نزل من زمان جدا .... و هيونداى زمان كانت بتعمل سيارات سيئه و محركات اسوا لكن حاليا هيونادى اتطورت جدا جدا و محركاتها من الافضل على مستوى العالم فى قئتها.

**osman hisham** · 30-06-2009 02:29 PM

الخبر ده لا أعتقد أنه صحيح لأن العربيات أقل حاجه فى مكوناتها هو الموتور بمعنى أن كل العربيات الصينى مواتيرها متسوبيشى هل ده معناه أنها تقارن بلانسر ..... طبعا لأ .

**Karim_Monir** · 30-06-2009 03:11 PM

الموضوع ده قديم جدا من اكتر من 4 سنين بينتشر على النت
وسبق مناقشتة اكتر من مرة

**Ahmed73** · 30-06-2009 05:19 PM

دى تانى مرة أقرأ هذا الموضع المرة الأولى كانت منذ عدة شهور ، واعتقد لو الموضوع ده صحيح كانت وسائل الاعلام عملت بيه شغل ممتاز مع انى ما أفضلش السيارات الكورية عموما ، ولكن الخبر ما اعتقدش أنه صحيح