الموضوع: سكودا أوكتافيا a5...سيارة تستحق الاحترام!

مجهود تشكر عليه يا استاذ نادر بس عندى شوية اسئلة عشان بفكر اجيبها قريب : -

هل صحيح العربية و الدريكسيون ناشفين جدا ؟

وا يه حكاية السخونة و تعطل مروحة التبريد و تأكل وش السلندر - و دخول الميه على الزيت ! - فيه عضو كاتب كده النهارده فى المنتدى العام فى موضوع عن السكودا ؟؟ !! .. معقول الكلام ده ؟؟؟؟ !!

و سئوال تانى هل اصلاح اى حاجة ما ينفعش الا فى التوكيل بس - كمبيوتر و سوفت وير زى الميجان - و الا ممكن ميكانيكى شاطر يقوم باللازم ؟؟ و ايه افضل ورش متخصصة فى السكودا غير التوكيل ؟؟؟

و شكرا يا باشا

المشاركة الأصلية كتبت بواسطة NaderNabil

ايه حضرتك اللي بتقوله ده؟؟؟؟؟:):)
مفيش أي حاجة من اللي بتقول عليها موجودة خالص...الكلام ده كان علي الفليشيا القديمة...و هو فعلا مظبوط...لكن ال A5 لا تمت بصلة للكلام ده..

العفشة و الدركسيون مش انعم حاجة لكن ممتازين و عمري ما بحس انها عربية مش ناعمة...بالعكس دي جمعت مابين النعومة و الثبات الوهمي علي السرعات العالية

بالنسبة للإصلاح خارج التوكيل انا معنديش فكرة لأن كل تعاملي كان معاه...بس فعلا أنا مش هودي العربية بره التوكيل لأي حد...الناس دي عارفة شغلها كويس قوي و حافظين العربية بالمللي...و أي عيب ولو صغير و بسيط بيعرفوه علطول من ميجرب العربية حتي...و مش مشكلة كام جنيه زيادة المهم تاخد العربية زي ما كانت:)

توكل على الله و هات العربية صدقني مش هاتخذلك:)

رجعت للموضوع لقيته فعلا عن الفليشيا .. معلهش ساعات السلوك بتتدخل فى بعض !

بالنسبة للاصلاح الموضوع مش بس كام جنيه زياده لكن لما بيحصل عطل جنب البيت او بعيد عن التوكيل تلاقى حد يسعفك ..

انا فعلا عجبانى العربية بشكلها القوى اللى ليه شخصية لكن بجد محتار علشان مفروض اختار عربية مستعجل .. الواد ابنى 4 سنيين
و نص خبير فى العربيات و طول ما احنا ماشيين بيسألنى العربية ده ايه و ديه ايه و هو بسلامته مش عايز اوكتافيا ( بينطقها اوكتايفا ! )
و عاوز عربية تيريوس و لازم تكون حمره !! .. اما المدام فبرضه سمعت ان الاوكتافيا عربية تقيلة و ناشفة - عربية رجالى يعنى ! -
و بتفضل نجيب كورولا الجديدة.. و كمان عاجبنى الفورد ..و فيه فابيا جديدة بنت حلال فى المعرض بموتور 1600 وزنها
اخف و عملية فى الزحمة و الركن لكن شنطتها صغيرة جدا ... ايه رأيك ياباشا .. انت واثق A5 احسن من ده كله ؟؟

يا باشا يعنى حد يكون معاة فلوس الاوكتافيا ويسيبها ويجيب تريوس ولا كرولا حتى طبعا مع احترامى ليهم واحترامى للماركة اليابانية اللى انا بمتلك واحدة منهم وهية السيفيك بس بردك الالمان المانى عربية موتورهها وعفشتها المانى بتاعت باسات بتاعت جولف مش فارق بس الفكرة هية العمر الطويل للعربية غير كدة مفيش الصراحة عربية فى برسيجها مطلقا يمكن السيفيك جميلة بس طبعا مش زيها غير كدة التقل والثبات على الطريق وكمان على فكرة قطع الغيار والصيانة ولا غالية ولا حاجة يا جماعة فى مركز صيانة فى 6 اكتوبر اسمة وهدان وهوة معتمد من سكودا عارفين واحد صاحبى عمل حادثة بعد الشر عنكم ضاع فيها فانوس يمين والاكصدام اتشرخ وكانت الحادثة جامدة بس لما تشوف العربية بعد الحادثة تحس فعلا اد اة كان الصاج ناشف ومتين وكان سعر الفانوس 650 جنية وسعر الاكصدام كلة 690 جنية من غير الشبورة ......دة اكصدام اليارس يا جماعة ب 750 جنية ولو اتلمس يتكسر.......ورقم مركز خدمة وهدان هوة 38324211 واسأل عن كل حاجة........ياريت كان معايا 25 الف زيادة كنت زودت وجبتها

انا ركبت الأوكتافيا A5 وبجد لاتنتمي خالص لشلة الكورلا والسيفيك وخلافه حاجة تانية خالص جامدة فعلا
وشكرا نادر نبيل على التقرير الشامل ومبروك على العربية وعقبال ماتجيبوا الباسات

see this link if u like this car
the makeing of A5
http://www.youtube.com/watch?v=p2O4n...eature=related

يا جماعة بجد العربية دي اللي يركبها عمره ما يسيبها
و احنا عندنا واحدة و بسوقها ثبات مقولكش و نعومة بجد مش عارف مين اللي قالك الكلام ده
اتحدى اي حد يقول ان العربية دي رجالي
ده انا ساعات بتضايق من نعومتها لازيادة لاني بسوق السكودا الفيفوريت
و الانتقال ما بين العربيتين في السواقة بيعمليمشاكل دايما
الفرامل بتاعتها و البنزين بتاعها حساس جدا
اما الدبرياج بقى لو مانيوال حساس جدا جدا جدا لدرجة انك اول ما تسوق العربية دي تبطل منك كذا مرة لغاية ما تعود رجليك على الدبرياج
صدقني بجد جيبها و انتا مش خسران و لو عاوز اي استفسار اسال فورا و انا اجيب حضرتك
وشنطتها اكبر بكتير من الكورولا و التريوس و الميجان
و العربية مش ناشفة خااااالص
بس هو فيه حاجة
التوكي بتاعها قليل الادب شويا يعني احنا كنا مختارين و حاجزين اللون الاسود و فرش بيج
جم قالوا لينا اسفين و مش عارف ايه
طبعا لازم نعمل نفسنا بلطجية و نتخانق هنا في مصر علشان ناخد حقنا و من ساعتها و انا مش بحترمهم
الصيانة بتاعتهم محترمة و حافظين العربية فعلا بس لما تجيبها جيبها من التوكيل اللي في المقطم
و اتاكد قبل ما تستلمها من التكييف و على الموتور وشوف اداء التكييف و الزجاج الكهربي بها بالابواب الاربعة بس
بجد حتحس قد ايه راكب عربية بمعنى الكلمة مع احترامي للكورولا