أنا جربت العربية في السفر و تقييمي ليها الآتي :

1- الحمولة كانت 6 أ شخاص و الشنطة مليانة علي أخرها و التكييف شغال.
2- التسارع بتاعها مش مرضي بالنسبة لي + إن ساعات قليلة بسمع تسقيفة.
3- والعربية علي سرعة 100 كم عداد الـrbm بيكون علي 3 (أعتقد المفروض يكون علي 2.5)
4- العربية فيها كتمة فظيعة في السحب وأنا علي الخامس لدرجة إني بجيب أخر الدواسة و مفيش إستجابة نهائي.
5- نفس المشكلة بتاعة الفرقعة اللي بسمعها ساعات لسه موجودة طبعا وأنا شوفت في المنتدي هنا واحد عنده نفس المشكلة تقريبا.
6- حرقت علي الغيار الأول بيجيب حوالي 55كم. والثاني بيجيب 90 كم.الغيار الثالث تقيل معايا في السحب معرفش ليه.
7- في وضع الثبات الrbm بيرقص...يعلي و يوطي.بس مش بيعلي عن ال1

8- الغيارات تقيلة و بحس إن فيها عضة ساعات مع إني مغير زيت الفتيس كله.

-- ده تقييمي اللي مسببلي حالة حزن و حاسس إني إتدبست في العربية و مش عارف أصلحها إزاي.و مستحيل أروح التوكيل لظروف خاصة.

-- أنا طالب من سيادتكم تقولولي هل ممكن الرشاشات عايزة نظافة.هل الديسك و الإسطوانة فيهم حاجة؟ هل يوجد أي حل يخليني أعجب بالعربية من الآخر ...شكرا و آسف جدا علي الإطالة