الموضوع: تفاصيل تهمك بالصور والفيديو عن الصينية byd== f3

المشاركة الأصلية كتبت بواسطة mimo4019

على فكرة ده الاختبار الروسي مش بتاع euroncap بس معمول بنفس سرعة euroncap اي 64 كم/س

أنا مش بعترف إلى بال euroncap .... إنما الاختبار الصيني الأسترلي واللي طلعلنا جديد الروسي مليش فيه .... وهو علشان أنا عجباني العربية أروح ادور على أي اختبار والسلام....

المشاركة الأصلية كتبت بواسطة alf2boshra

العزيز الأستاذ / sv065 باشكرك من قلبي على محبتك وردك الكريم وانا منتظر - لو امكن ان تعرفني موضوع طي الكنبة الخلفيه - هل متاحه هذه الخاصية بالانتاج المحلي لأن الأمر ده يهمني خاصة وأنني صاحب مكتبة وقد احتاج لوضع بضائع بها وقد يستدعي ذلك طي الكنبة الخلفي - علما بأن موضوع كونها قابله للطي من عدمه لن يؤثر على قرار الشراء .

عفوا يافندم لا شكر علي واجب
الحقيقة إتصلت بالتوكيل لأستعلم عن موضوع الكنبة وكان ردهم للأسف أنها ثابتة لا تنطوي
لكن أحب أضيف لحضرتك إذا لم تكن عاينت السيارة علي الطبيعة عاينها وإفتح شنطتها وشوف بنفسك الوسع الملفت للنظر لأني قارنتها بسيارات تانية كتيرة ولاحظت الفرق...
وأتمني أن توفق لسيارة تكون مريحة وغير مكلفة لحضرتك

المشاركة الأصلية كتبت بواسطة alf2boshra

يوجد أحد الأعضاء الكرام بنايل موتورز إتكلم عن العربية وقال هى بصراحة عربية ممتازة جدا والموتور فعلا ميتسوبيشى
ولكن انا عندى عربية تانيةرينو وبخبها جدا وعشان كدة مش بمشى كتير بالصينىيا دوبك عملت بيها 7300كم وبحالتها بالكامل يعنى للى يحب يشترى يتصل بيا
==========================
وهو ذاكر رقم موبايله ( لم أكرره ربما في ذلك إزعاج له
عموما المشاركه بتاعته قلقتني هو ليه عاوز يبيعها وهي لسه ما عملتش معاه حاجه ومكتبت له اسأل ولم أتلقى رد فهل لديك تعقيب
ألفي بشرى 9/3/2010

أستاذنا الفاضل /ألفي بشرى
الصراحة بحثت ووجدت المشاركة اللي حضرتك أشرت إليها ووجدتها قديمة جدا من حوالي ما يقرب من سنتين كاملتين يعني مدة كبيرة جدا وبدون أي تعقيبات بعدها

وأعتقد انه زي ما بيقول فعلا إنه بيحب الرينو أكثر ومش محتاج يستعمل عربيتين خصوصا إن السيارة وقتها كانت منتشرة برضه ولكن غير دلوقت وأصبح ليها مصنع بمصر أو ربما يخاف من كلمة صيني لمجرد الكلمة زي ناس كتير أنا كنت واحد منهم وما زلت في بعض الأنواع الصيني التي لا أعتبرها بالمستوي المطلوب ولذا أعتبر السيارة byd متميزة جدا ومختلفة عن جميع الصيني بعد نتيجة البحث بآراء الكثيرين ممن ركبوا الصيني بالمنتدي

المشاركة الأصلية كتبت بواسطة alf2boshra

العزيز الاستاذ sv065 باشكرك على ذوقك صدقني وبأمانه انا محتار جدا بعد ما كنت فضلت البروتون الساجا لأني حسيت ان ممكن يكون كفاءة موتورها أحسن من الإف ثري وكمان سألت بالتليفون على سعرها في التوكيل بس من البروتوناوية هنا ناس بتشكي من عدم توافر بعض قطع الغيار والتسويف في تصليع بعض العيوب تحديدا الاصوات اللي بتطلع من دركسيون العربية فلا زلت قلق ومتحير بين الاتنين الساجا ولا الاف ثري ، وانا عارف ان الاتنين شبه بعض في السعر بس لكن لسه متردد . باستأذنك بما ان عندك 1600 سي سي هي الرسوم او الضريبه السنوية عليها كام وبالمرة ولو اني بايخ كدا اقدر اعرف الـ 1300 سي سي بتدفع كام . والاف ثري كامله سمعت انها لسه بتتجمع هل ده صح ووصلت كام بعد الزياده .. تقلت عليك .. باتشكرك مقدما

أبدا أبدا العفو تحت أمرك دائما في أي إستفسار

في مثل بيقول لو عاوز تحيره ... خيّره.
علشان كده كثرة الخيارات بتزيد الحيرة
بس انا مش عاوزك تحتار بالشكل ده خصوصا إن فيه إختلافات واضحة في الإمكانيات طبعا مش علشان أنا عندي byd عاوز كل الناس تركب زيها لكن عاوز من حضرتك تحاول تحصر متطلباتك في أمور محددة علشان ما تصعبش الموضوع علي نفسك ويكفيك إنك تعرف إن في كلا الحالتين هناك مميزات وصعب تطلع عيوب فقط

-وبخصوص الضريبة علي byd أتذكر أني دفعت 3 سنوات حوالي 700 جنيه وسمعت إنها إتخفضت ده غير طبعا النماذج والتأمين الإجباري والطفاية والـ 1300 لا أتذكر ضريبتها كام ولكن الفرق مش كبير ومش سبب يدخل كمقارنة ولكن أسمح لي أوضح شيء حيث أني كنت أركب لانسر 2008 محرك 1300 مانيوال قبل الـ byd وكان الإستهلاك أعلي في البنزين.. !!
وبخصوص التجميع المحلي حتي الآن التوكيل يقول أنه غير متوفر سوي موديل g-i طبعا لأنهم عاوزين يبيعو كل الإنتاج قبل إعادة الإنتاج من جديد..... طبعا نظرية فاشلة

كرولا اووووى