الكاوتش

**tamertamer** · 20-07-2009 02:41 PM

بص ياباشا بالنسبة لتعريض الكوتش هو حلو ووحش فى نفس الوقت
الاصلى بتاع العربية 185/65 او 70 14
التعريض دة بيبوظ نعومة العفشة خالص وبيتعب فى المقام الاول المسعدين والسوست اوى اوى غير طبعا انك بتحس بحجات كتير فى الارض نتيجة العرض الذياد غير كمان ان الكوتش دة بيبقا حمل كبير على العربية الكوتشات دية عريضة وطويلة عشان كدة ثقيلة بالنسبة للثبات هى العربية ثبات لوحدها مش عيزة ثقل اكتر من كدة
والفففففففففففففففففففففف ففففففف مبروكككككككككككككككك على الفرح
بالنسبة للكوتش انزل شارع ذكى هتلقى اسعار كتير نقى السعر الكويس وجيبة ومبروك مرة تنية اديك هتاكل علينا الملبس

**Beeso** · 20-07-2009 02:52 PM

هاهاهاهاها الله يبرك فيك يا تامر باشا وبرد مش عرف أؤل عؤبلك ولا تدعي عليا إنت كمان :)
أنا بصراحة مرتاح أكتر فالعربية بال-205 وبني وبنك هو أحسن بنسبلي معان بيتعب العفشة شوية بس حاجة بسيطة يعني فنفسي أجيب تاني لو لاتو مش غالي أوي يعني إن شاء الله
أما باءة بنسبة لموضوع الملبس دة فياسيدي أنا في مصر إجديدة ون شاء الله حنإل في شئتي فالتجمع بعد الفرح تنورني في أي وأت تاخد وجبك :)
ولو فعلن حيبقى في أي مؤبلة ياريت تقللي
متشكر بجد وعقبال الجميج وربنا يتمم بخير يااارب

**tananybasha** · 21-07-2009 12:54 AM

طيب فى الكتالوج 195/60/14 استاندر بتاع الفيكترا اللى معايا من التوكيل و مختوم من التوكيل المقاس ده استاندر العربية و اللى انا حاطه على كلامهم يعد مقاس خطأ

**tananybasha** · 21-07-2009 12:57 AM

تهنئة واجبة الف مبروك يا باشا beeso

**yshawky** · 02-08-2009 03:38 PM

انا عربيتي استرا 2007 و لسه مغير فردتين من يومين : المقاس عندي 205/55/16 والاصلي اللي فيها كان بريدجستون.
لقيت الياباني في المعادي ب 775 الفردة . و طبعا غالي قوي و في الاخر جبت كونتينننال ب 600 الفردة .
مش عارف ليه الاسعار عالية كده.