الكاوتش

**lancerevolution** · 05-07-2009 04:41 PM

ميا مسا على الناس الكويسة
دلوقتى أنا مش عارف مش مطمن لمنظر الكاوتش عندى مشقق شقوق قصيرة و كتيرة الكاوتش تيوبلس دول الجوز الى قدام بس الى ورا شكلهم مريح شوية أنا لسة مغيرتهمش من ساعت ما جيبت العربية بس معرفش بقالهم قد إيه فى العربية و الواد بتاع الكاوتش إنهارده قلتله الكاوتشات دى ظروفها إيه قالى غيرهم قالى ممكن يمشوا شهر فا أسمع كلامه و لا أستنى شوية عليهم عشان انا مسافر جمصة الأسبوع الى جاى ده إحتمال بالعربية
و لو هغير تنصحوا بنوع إيه أنا كنت بقول ميشلان أو بريجيستون زى الى راكب دلوقتى
العربية فكترا 2001 1600 سى سى مانيوال
و شكرا مقدما للعصابة

**tamertamer** · 05-07-2009 05:21 PM

بص انا راكب عندى فى العربية مشلن بصراحة كوتشة محترمة ونعمة وممتازة جدا مشيت فى العربية نحو 100 الف كيلو وكمان بعتهم بعد مغيرت متسقلنيش اذاى انا معرفش انا مشيو معاية نحو 40 الف ومع الراجل قلى قبلى نحو 60 وشوية مع العلم انى كنت بمشى بيها بعد 200 وهى كدة فين الصناعة دية دلوقتى بس المشكلة ان قلى موجود فى السوق مش فرنساوى بص هات حاجة اندونيس كويسة انا جبت gt الاندونيسى كوتشة نعمة وحنينة وممتازة اصراحة وفى الهنكوك كويسة بردة والكمهو كوية لان كلهم هيعيشو نحو 70 الف كيلو بس الاداء هنا يفرق
منصحكش بالكوتشة الصينى او التركى او البردجستون القديم لان فى فسوق بردجستون بس ناشف وحش وكمان ابعد عن الرجنتينى سمعت عنة حجات مش ظريفة نصيحة منى غيرة وخلص نفسك ومشى مطمن افضل بكتير راحة ما بعدها راحة ارجو ان اكون افتك

**rabbat5** · 05-07-2009 05:53 PM

الكونتننتال حلو و الميشلن الفرنساوي كان موجود عند أمين فهمي درويش جنب شارع شامبليون و ال جود يير الأندونيسي راكب عندي عمل 30 الف كم و شغال كويس .

**lancerevolution** · 05-07-2009 07:18 PM

المشاركة الأصلية كتبت بواسطة tamertamer

بص انا راكب عندى فى العربية مشلن بصراحة كوتشة محترمة ونعمة وممتازة جدا مشيت فى العربية نحو 100 الف كيلو وكمان بعتهم بعد مغيرت متسقلنيش اذاى انا معرفش انا مشيو معاية نحو 40 الف ومع الراجل قلى قبلى نحو 60 وشوية مع العلم انى كنت بمشى بيها بعد 200 وهى كدة فين الصناعة دية دلوقتى بس المشكلة ان قلى موجود فى السوق مش فرنساوى بص هات حاجة اندونيس كويسة انا جبت gt الاندونيسى كوتشة نعمة وحنينة وممتازة اصراحة وفى الهنكوك كويسة بردة والكمهو كوية لان كلهم هيعيشو نحو 70 الف كيلو بس الاداء هنا يفرق
منصحكش بالكوتشة الصينى او التركى او البردجستون القديم لان فى فسوق بردجستون بس ناشف وحش وكمان ابعد عن الرجنتينى سمعت عنة حجات مش ظريفة نصيحة منى غيرة وخلص نفسك ومشى مطمن افضل بكتير راحة ما بعدها راحة ارجو ان اكون افتك

طيب ال Gt دا يعمل كام كدا تقريبا للأربعة و الكاوتش القديم دا بيتباع إزاى

**فادى محمد** · 05-07-2009 10:45 PM

السلام عليكم ....لو عايز تستنيشويه عالكاوتش هات اللي ورا قدام واللي قدام ورا مع تغيير اليمين شمال والشمال يمين هتحس بتغيير للاحسن ولما تيجي تغير الكاوتش انصحك ب gtالاندونيسي ممتاز معايا وسعره حوالي 225 ج الفرده بس ده من فتره انت عارف السوق قلاب وربنا يوفقك

**فادى محمد** · 05-07-2009 10:48 PM

نسيت اقوللك ان الكاوتش القديم بيتباع لبتوع الكاوتش اللي بيبيعوه للكارو ... خلي بالك هو هيبخسه وانت وشطارتك انا بعت الجوز اللي غيرتهم ب 60ج

**BrainStorm** · 06-07-2009 03:25 AM

أنا كنت جايب الكوتش من عند ممدوح مبروك فالهرم علشان ده موزع معتمد

**lancerevolution** · 06-07-2009 12:19 PM

انا غالبا هعمل زى ما فادى قال دلوقتى لحد لما أرجع من المصيف و بعدين أغيرهم

-

الموضوع: الكاوتش

LinkBack

أدوات الموضوع

عرض

الكاوتش - انشر الموضوع فى :

-

-

-

-

-

-

المواضيع المتشابهه

الفرق بين الكاوتش التيوبلس و الكاوتش الداخلى و ايهم افضل

الكاوتش انفجر مباشره بعد لحام الكاوتش .. الاسباب ؟؟

ايه الفرق بين الكاوتش الناشف و الكاوتش الطرى و انهى احسن للعربية؟

ايه الفرق بين الكاوتش الناشف و الكاوتش الطرى و انهى احسن للعربية؟

محل الكاوتش اللى فى شارع السودان بيخرم الكاوتش

الكلمات الدلالية لهذا الموضوع

المفضلات

المفضلات

ضوابط المشاركة