حمل الكراتين في احد المصانع الايطالية افضل بكثير من ان اصبح بطل رياضي في مصر

**pro_samir** · 10-07-2009 11:19 AM

المشاركة الأصلية كتبت بواسطة relentless_mayhem

رأيى يتمنعوا من دخول مصر للأبد ....

إللى زى دول خونة ....

يهربوا من فريق رايح على الاجل يجيب أمجاد للوطن؟؟؟

دى خيانة ..

جزائها إسقاط الجنسية و منع خول مصر نهائى

على فكرة هما هربو بعد ما خلصو لعب وخدو ميداليات كمان

**Targetted** · 10-07-2009 12:41 PM

ربنا يبارك ليهم ويقدرهم ويقدر كل واحد نفسه يعيش بالحلال
هم دول الرجاله

**Ghamrawy** · 10-07-2009 07:14 PM

المشاركة الأصلية كتبت بواسطة relentless_mayhem

رأيى يتمنعوا من دخول مصر للأبد ....

جزائها إسقاط الجنسية و منع دخول مصر نهائى

هو فيه احسن من كده ؟؟؟

ده أفضل تقدير البلد ممكن تقدمهلهم

**SOBKY** · 10-07-2009 07:34 PM

معاهم الف حق ...
ما احنا سايبين بلدنا و متغربين علشان مش واخدين حقنا فيها ....
و متعلمين و معانا شهادات عليا ... بل وفي تخصصات شبه نادرة.
و برده بلدنا ما اخدتناش في حضنها .. دي شاطتنا برجلها.
يبقى معاهم حق طبعا...
و هما استسهلوها لانهم هناك بالفعل ... فايه الداعي من حوارات و سفر غير شرعي و بحر و عوم و غرق و بتاع.
من جوه جوه و يمشي الحال ... و ربنا يسترها عليهم و يرجعولنا بالسلامة.

**SOBKY** · 10-07-2009 07:40 PM

بس انا عندي سؤال رفيع ...
هل بعد الموضوع ده الحكومة سالت نفسها عن سبب هروبهم ..( و هما اصلا عارفين ايه السبب )؟؟؟؟
و هل الحكومة حاولت لمجرد المحاولة رفع المستوى المادي للابطال الرياضيين او تعديله لتفادي حدوث ذلك مرة اخرى ..؟؟
الرد على السؤالين دول هيريحونا اوي..

**Abo_Lina** · 10-07-2009 09:05 PM

و حتى لو رفعوا المستوى المادي مش كفاية و هايفضل برضه فيه ناس عاوزة تخرج من البلد المقرفة و تشوف الدنيا و الحياة الي بجد ..

أنا كل ما بمشي في شارع و أشوف زبالة حواليا في كل حتة بتأكد اكتر و اكتر إن الرجوع من السعودية كان أكبر غلطة..

**M.Osman** · 11-07-2009 12:27 AM

بجد فى فمصر ثقافه سيئه جدا مضمونها ان الناس بتتكسف تشتغل !
الشباب فى اوربا من وهما عندهم 16 سنه واقل كمان بيشتغلوا اى حاجه
بيوزعوا جرايد على البيوت مثلا
بيشتغلوا فى المطاعم وايترز
يمكن المحافظه الوحيده اللى كل الناس فيها بتشتغل هى دمياط العيال من وهى عندهم 9 سني واقفين فى الورش بتاعه الموبيليا و محلات الفول والطعميه(شفتها بعينى كتيييييييير)و فى نفس الوقت بيتعلموا _________________

لو مصر كلها زي دمياط كان هيبقى وضعنا مختلف...
بصراحة بتكسف من الشباب زمايلي في الكلية اللي من دمياط اللي تلاقيه كان بيشتغل في الصيف .. بيجيب مصاريفه و كدا..(ربنا يوفقهم)
و إحنا في الصيف ما بين كلام فاضي (ياللا ..اهي فترة و عدت )

**adelgeb** · 11-07-2009 12:55 AM

هل أنت مصرى وتعيش بمصر

**Ahmed Anwer** · 11-07-2009 01:01 AM

معلهش يا جماعة ،،،، خمسمائة جنية أيه ،، اللي دخلهم في مصر اللي بيقولوه ده

ماشي بقية الرياضات مش زي الكورة

بس مش للدرجة دي

و ايا بطل رياضي بينجح في مصر بتفتحله ابواب كتير

و أكيد كلكم مطلعين و عارفين

و بيتم تعيينهم في وظائف صورية و الرحلات و البطولات بتكون ببدلات و مكافات مش قليلة اطلاقا بالنسبة لبقية مستوي الدخول في مصر

اعتقد الموضوع جهل اكثر منه فقر