حمل الكراتين في احد المصانع الايطالية افضل بكثير من ان اصبح بطل رياضي في مصر

**elassar2010** · 11-07-2009 01:10 PM

انا شايف ان هما مش غالطنين الناس تعبت وادربت وجابت جوايز لمصر وفى الاخر ماخدوش حاجة !!!!!!!!!!!
هما حرين بقى يدوروا على زقهم علشان يكفوا احتياجتهم المادية لاسرهم وعائلتهم
كدة احسن ولا يمشوا يسبتوا فى الناس ولا يشتغل بودى جارد لرقاصة؟؟؟

**Ahmed Samy** · 11-07-2009 01:26 PM

هو ده الواقع

هي دي الحقيقة

الرجل لا يلام أبدا

بتقولوا انه خان وطنه ...طب ممكن حد يدينا تعريف كلمة وطن ...

وطنه اداله ايه علشان ياخده منه ؟؟؟

اللي مش عايز يشوف ...يغمض

بس لو فتح ..مش هايشوف غير الحقيقة

**AHME** · 11-07-2009 01:53 PM

المشاركة الأصلية كتبت بواسطة n_light

تفتكر حضرتك لو واحد عايش في بيت بيتعامل فيه وحش ومش لاقي احتياجاته الاساسية ومش حاسس بكرامتة كبني ادم اصلا

وساب البيت ده وراح اشتغل بلية او يبيع مناديل او يشحت او انحرف

تلومه ولا تلوم البيت اللي معرفش يعتني بيه ووصله لكده ؟؟

مشكوووووور

**M.Osman** · 11-07-2009 02:29 PM

الفنان محمد صبحي قالها مرة (و عمري ما هنساها)

الواحد بيحب بلده لما بلده بتديله ... بالظبط زي مالأم بتدي لأولادها عشان كدا بيحبوها

...

و لا أعتقد ان ان مصر بتدينا حاجة ...
انا زهقت

**n_light** · 11-07-2009 02:29 PM

المشاركة الأصلية كتبت بواسطة taotao

الظن اللي كان في دماغي واللي كنت فاكره "إثم" ولكني الآن على يقين منه أن هؤلاء "الأبطال" كان يتم استغلالهم من قبل الاتحاد أو المديرين الفنيين ولا يتلقون هذه المكافئات المجزية، يعني الوسط الرياضي في مصرنا المحروسة فاسد ، وده يفسر سبب هروب "كرم جابر" وتمرد "نهلة رمضان" وتمارض "بوجي" وهروب أبطال الملاكمة والأثقال فيما يشبه "الحرق المتعمد" للنجوم النادرين في البلد.

بالظبط هو الكلام كده
البطل هنا بيظهر بالصدفة وبمجهوده الشخصي ومن غير ما يكون هناك نظام يساعده علي النجاح
كل البطولات الفردية هتلاقي الابطال بعد الميدالية بيقولوا ان كل اللي حواليهم متوقعين ليهم الفشل

ويا ريت كده وبس
بعد البطولة فيه 100 واحد عاوز يسترزق من ورا البطل
ويحرقه ويخنقه ويخليه يكره اليوم اللي اخد فيه ميدالية
بدليل ان اغلبهم اعتزل او اختفي بعدها لانه حرم يعملها تاني

**SeiffoZ** · 11-07-2009 04:41 PM

المشاركة الأصلية كتبت بواسطة SuccessCre8or

طب ممكن حضرتك توضح وجهة نظرك اية بالظبط ؟

وجهة نظرى هتزعل ناس كتير .... بس لو قلتها محدش يأخدها على نفسه ...

أتكلم و إنت تحمينى يا باشا ؟

**MoToRiZeR** · 11-07-2009 10:39 PM

لو قولنا إن الكرة الأرضية ببلادها عبارة عن عمارة مصر شقة فيها .
الشقة دي ساكن فيها راجل و إبنه .. إبنه ده عامل اللي عليه و زيادة و متفوق و علي قد ما يقدر بيرفع راس أهله
و مع ذلك أبوه بيديله مصروف في اليوم ربع جنيه يومياَ .. و مبقاش عارف يعيش .. فا هرب .

فا أبوه جه قاله بقي كدة تعملي فضيحة في الحتة !؟

محدش فينا جرب إحساس إن يبقي مفيش في جيبه فلوس و عنده أطفال في البيت محتاجة أكل و رعاية و أدوية .. أساسيات الحياة .. مش هقولك يبقي عايش مبسوط و بيطلع مصيف أسبوع كل سنة ! (ده بيعتبر إنسان مرفه في مصر) فا بلاش أحكام لأن فيه ناس في مصر وضعها صعب جداَ .. خاصة زي دول و هم شايفين قدامهم لاعب الكورة بياخد 30 ألف مكافأة فوز في ماتش واحد محلي و لو كسبوا بطولة بتنزل عليهم ملايين من برة و من جوة البلد .. أكيد عندهم إحساس بقهر كبير .

**SeiffoZ** · 12-07-2009 01:44 AM

المشاركة الأصلية كتبت بواسطة motorizer

. إبنه ده عامل اللي عليه و زيادة و متفوق و علي قد ما يقدر بيرفع راس أهله

معترض إعتراض شديد على الجمله دى ...

**M.almaghraby** · 12-07-2009 01:48 AM

نحكم عقلنا................نهاجر كلنا

**M.almaghraby** · 12-07-2009 01:52 AM

المشاركة الأصلية كتبت بواسطة relentless_mayhem

رأيى يتمنعوا من دخول مصر للأبد ....

إللى زى دول خونة ....

يهربوا من فريق رايح على الاجل يجيب أمجاد للوطن؟؟؟

دى خيانة ..

جزائها إسقاط الجنسية و منع دخول مصر نهائى

انا بصراحة مش فاهم يعني

ردك غريب جدا

يا راجل افهم

مصر بقت مش وطن مقدس بالنسبة لينا.....كل واحد فينا للاسف شافله وطن

و دا مش ذنبنا لا.........ذنب الي ماسكين البلد......هما دول الي خونة مش الغلابة دول

الموضوع: حمل الكراتين في احد المصانع الايطالية افضل بكثير من ان اصبح بطل رياضي في مصر

LinkBack

أدوات الموضوع

عرض

-

-

-

-

-

-

المواضيع المتشابهه

✿✿معدات تويوتا ✿( لاصحاب المصانع ) ✿ موضوع خاص

منتجات المصانع الحربية!

عايز أروح المصانع بتاعة 6 أكتوبر

الخوذ الايطالية

الكلمات الدلالية لهذا الموضوع

المفضلات

المفضلات

ضوابط المشاركة