حمل الكراتين في احد المصانع الايطالية افضل بكثير من ان اصبح بطل رياضي في مصر

**n_light** · 09-07-2009 04:15 AM

قال جابر فرحان الرباع المصري الذي هرب اثناء دورة العاب البحر الابيض المتوسط والتي اقيمت مؤخرا في مدينة بيسكارا الايطالية، انه هو وزميله حسونة السيد الذي فر معه ايضا اثناء البطولة يعملان حاليا في حمل الكراتين في احد المصانع الايطالية.

وقال فرحان في اتصال هاتفي بقناة "الحياة" مساء الأربعاء " اعمل في احد المصانع الإيطالية حيث احمل الكراتين مقابل اجر يومي يبلغ 70 يورو (إي 2100 يورو في الشهر بما يعادل حوالي 15 ألأف جنيه شهرياً)."

واضاف " دخلي اليومي الذي احصل عليه في ايطاليا الان يساوي مرتبي الشهري عندما كنت لاعبا في مصر."

واكمل " لست نادما علي الهروب من بعثة الفريق المصري اثناء البطولة، العمل في اوروبا افضل بكثير من ان اصبح بطل رياضي في مصر."

واوضح بعصبية "ما فائدة ان احصل علي ميدالية في مصر ولا يتحسن مستواي المعيشي مثل لاعب كرة القدم مثلا. ما الاستفادة التي ستعود علي عائلتي عندما ادخل عليهم بميدالية دون ان يترجم ذلك الي فائدة مادية؟"

واستطرد "تعرضت انا وزميلي حسونة الي كافة انواع القهر عندما كنا نلعب في المنتخب ولم ينصفنا أي فرد في اتحاد رفع الاثقال حيث لم يتم تقدرينا كما يجب كما ان حقوقنا كاملة كانت مهدرة."
وواصل "نحن سعداء بالعمل إيطاليا حيث إنها دولة أوروبية تحترم ادمية الشخص بعيدا عن كونه رياضي او غير رياضي."

ايه رأيكم ؟؟

**SeiffoZ** · 09-07-2009 04:20 AM

رأيى يتمنعوا من دخول مصر للأبد ....

إللى زى دول خونة ....

يهربوا من فريق رايح على الاجل يجيب أمجاد للوطن؟؟؟

دى خيانة ..

جزائها إسقاط الجنسية و منع دخول مصر نهائى

**n_light** · 09-07-2009 04:25 AM

تفتكر حضرتك لو واحد عايش في بيت بيتعامل فيه وحش ومش لاقي احتياجاته الاساسية ومش حاسس بكرامتة كبني ادم اصلا

وساب البيت ده وراح اشتغل بلية او يبيع مناديل او يشحت او انحرف

تلومه ولا تلوم البيت اللي معرفش يعتني بيه ووصله لكده ؟؟

**bmw323** · 09-07-2009 04:54 AM

المشاركة الأصلية كتبت بواسطة n_light

تفتكر حضرتك لو واحد عايش في بيت بيتعامل فيه وحش ومش لاقي احتياجاته الاساسية ومش حاسس بكرامتة كبني ادم اصلا

وساب البيت ده وراح اشتغل بلية او يبيع مناديل او يشحت او انحرف

تلومه ولا تلوم البيت اللي معرفش يعتني بيه ووصله لكده ؟؟

+11111111111111111111

**ahmedkoko** · 09-07-2009 05:00 AM

المشاركة الأصلية كتبت بواسطة n_light

تفتكر حضرتك لو واحد عايش في بيت بيتعامل فيه وحش ومش لاقي احتياجاته الاساسية ومش حاسس بكرامتة كبني ادم اصلا

وساب البيت ده وراح اشتغل بلية او يبيع مناديل او يشحت او انحرف

تلومه ولا تلوم البيت اللي معرفش يعتني بيه ووصله لكده ؟؟

+1111111111111111111111111111111111111111111111111 11

**tutankhamoun** · 09-07-2009 08:12 AM

بالنسبة لللاعبين الهاربين مش عارف أقول أيه ؟؟؟
أكيد ظروفهم المادية ......و الأغراءات المادية في أوروبا في العمل و الأجر العالي هناك و ظروفهم المعيشية هنا ....... هي اللي جعلتهم يعملوا كدا
فقبل الحكم على الناس لازم نعرف ايه اللي خلاهم يعملوا كدا ؟؟؟

علشان مصر تبقى زي أوروبا أقتصاديا لازم نعمل زيهم .......
هانقعد نجادل لسنين و سنين و سنين ....... و في الأخر هانفضل متخلفين علشان متمسكين بعادات و تقاليد لا تمت للدين بصلة .......... و منها عادات أقتصادية بحتة تؤثر على الحياة مباشرة و جودتها لدى الأسر المصرية .

أيطاليا و أوروبا عموما عندهم نظام أقتصادي صارم ....
و عندهم حكومة معنية بالشعب و لكن بالقوانين و القواعد الموضوعة ......
و عندهم شعب ملتزم ....... بيفهم ......... و بيساعد الحكومة تنفذ القوانين و القواعد بسهولة بعكس المتمردين اللي هنا .

المنظومة هناك سليمة ........... هنا خربانة ............

علشان كدا اللاعبين دول هربوا و زيهم شباب كثير بيجازف بحياته في عرض البحر في مراكب مش أمان حتى تمشي في نهر النيل ..... ما بالك بالبحر المتوسط و الأمواج العاتية .

لازم الناس تعرف الأسباب اللي بتخلي الناس تتقدم و تعمل بها و إلا هانقعد نجادل في بعض لبضع مئات السنين ....... حتى نتعب من الجدال ........ و يأتي من يحتلنا مرة أخرى و تدور الدائرة للأستقلال مرة أخرى و لن نتقدم أبدا .

يجب أن نتخلص من العادات و التقاليد الغبية .
يجب أن نتخلص من النظام الاداري المصري الحالي و تبني نظام اداري محترم ( أوروبي )
يجب توعية الشعب و الناس بأهمية اتباع القوانين .

و كل ده هايفرز في الأخر حكومة ديمقراطية حقيقية يختارها الشعب لإدارة البلاد و شئونها .لأن الحكومة بتيجي من الشعب و ليس العكس ...

و حتى ذلك الحين لن تكون هذه أخر واقعة هروب ..........

**micromoud** · 09-07-2009 08:21 AM

يعنى ايه 15000 جنيه فى مصر وهو بطل ماكانوش مكفيينه؟؟؟!!

**tutankhamoun** · 09-07-2009 08:29 AM

المشاركة الأصلية كتبت بواسطة micromoud

يعنى ايه 15000 جنيه فى مصر وهو بطل ماكانوش مكفيينه؟؟؟!!

هو مكنش بيأخد في مصر 15 ألف جنيه ......
15 ألف مرتبه في الشهر هناك .............

مرتبه هنا في الشهر بما يساوي 70 يورو في الشهر ......... يعني مثلا حاجة بتاعة 500 جنيه مصري .

بتوع كرة القدم بس هما اللي مرتباتهم ولعة .......... و الباقيين جنبهم و لا حاجة .

**Terrible_DaRsH** · 09-07-2009 08:52 AM

و لما حد من الاجانب يقول علينا متخلفين بنزعل و كل واحد يعمل فيها وطنى !!

طب حقوق الناس دى فين ؟

هو علشان احنا مش مكانهم نقول عليهم خوناا !

و الله اللى عملوه ده احسن حل و ربنا يوفقهم هناك و يعيشوا حياة كريمة , و يا رب كمان يفضحوا النظام المصرى الفااااسد فى اوروبا علشان الناس تحس على دمها شووووية .

حررررررام هتروحوا من ربنا فين يا ........ !

**jisso82** · 09-07-2009 08:58 AM

فعلا يا جماعة أغلب اللعبات الرياضية فى مصر فيما عدا الكرة طبعا مظلومة جدا و مافيش لا تقدير مادى و لا معنوى. ده مش دفاعا عن هروبهم طبعا عشان أنا رافض الفكرة من الأساس مهما كانت الظروف بس مش محملهم الغلط أنا بحمله للدولة و النظام و السياسة اللى بتفرض عليهم يتدربوا بانتظام و يسيبوا دراستهم و ما يعرفوش يشتغلوا شغلانة عدله عشان يرفعوا علم مصر و بعدين ما يبقوش لاقيين ياكلوا طب ازاى

الموضوع: حمل الكراتين في احد المصانع الايطالية افضل بكثير من ان اصبح بطل رياضي في مصر

LinkBack

أدوات الموضوع

عرض

-

-

-

-

-

-

المواضيع المتشابهه

✿✿معدات تويوتا ✿( لاصحاب المصانع ) ✿ موضوع خاص

منتجات المصانع الحربية!

عايز أروح المصانع بتاعة 6 أكتوبر

الخوذ الايطالية

الكلمات الدلالية لهذا الموضوع

المفضلات

المفضلات

ضوابط المشاركة