معا لألغاء الميكروباصات

**HeMa_LanCeR** · 09-07-2009 02:50 PM

المشاركة الأصلية كتبت بواسطة bicobiki

المشكلة مش في الميكروباصات او عددها المشكلة في اللي بيسوقوا الميكروباصات و التاكسيات ايضا. مش بيحترموا اي قانون و مفيش ذوق و لا ادب و لا احترام. الموضوع محتاج يتظبط من الشرطة اولا لان فاقد الشئ لا يعطية. انا اقترح الاتي
1- عمل دورات تدريبية لمهندسي الطرق علشان يعرفوا ازاي يخططوا الشوارع و الحارات مش تكون ماشي في حارة و فجائة تلاقيها تلاشت.
2- عمل دورات تدريبية لضباط و جنود المرور علشان يعرفوا ينظموا المرور و كيف يتعاملوا مع الناس.
3-عمل دورات تدريبية لسائقي التاكسي و الميكروباص و النقل قبل اعطائهم رخص القيادة.
4- المداومة علي حساب المخطئ بدون رحمة بغض النظر عن هو ابن مين في مصر.

صدقني تعليق علي الكلام ده كله
لو كل ظابط التزم بمكانه في الشارع لو الشارع ده متكربس عربيات هتلاقيه بقي زي الفل
وعندك اكبر دليل علي الكلام ده في رمضان كلنا شوفنا لو اللواءات والرتب الكبيره نزلت الشارع بقي فيه انضباط ازاي
لازم يكون في تنظيم من الحكومه أولا علشان شعبنا مش بيمشي عدل غير لما ياخد فوق دماغه

**mucho** · 09-07-2009 02:51 PM

الله الله براحه شويه عليا يا جماعه احنا لحد دلوقتي 50% مع الالغاء و 50% مع الابقاء عليه

وبيجد بشكر تفاعلكم مع الموضوع وبشكر برضوا الناس اللي ردت بشكل موضوعي
ودعوني استهل كلامي بكلام استاذ بيكوبيكي

المشاركة الأصلية كتبت بواسطة bicobiki

المشكلة مش في الميكروباصات او عددها المشكلة في اللي بيسوقوا الميكروباصات و التاكسيات ايضا. مش بيحترموا اي قانون و مفيش ذوق و لا ادب و لا احترام. الموضوع محتاج يتظبط من الشرطة اولا لان فاقد الشئ لا يعطية. انا اقترح الاتي
1- عمل دورات تدريبية لمهندسي الطرق علشان يعرفوا ازاي يخططوا الشوارع و الحارات مش تكون ماشي في حارة و فجائة تلاقيها تلاشت.
2- عمل دورات تدريبية لضباط و جنود المرور علشان يعرفوا ينظموا المرور و كيف يتعاملوا مع الناس.
3-عمل دورات تدريبية لسائقي التاكسي و الميكروباص و النقل قبل اعطائهم رخص القيادة.
4- المداومة علي حساب المخطئ بدون رحمة بغض النظر عن هو ابن مين في مصر.

انا لما طرحت الموضوع ده قلت انا فيه حلول وبدائل وصدقوني انتم كمان شوي هاتلاقوا حلول وبدائل للميكروباص ع افتراض ان هايتم الغاءه او هايتم وضع ضوابط وقوانين عليه وعلى السواقيين تحد من المهزله اللي بتحصل في الشوارع والحوادث بسببهم

يا جماعه ده معظم العربيات في شوارع مصر موش ماشيه الا لما تلاقي فيها خبطه اوخبطتين بسبب ميكروباص
طيب في داهيه العربيات الارواح بقى اللي جواها والارواح برضوا اللي ماشيه عالارض او جوه الميكروباص ذنبها ايه في سواق لا معاه رخصه ومتهور وواخد الطريق عافيه

والف شكر ليكم

**merosss** · 10-07-2009 02:51 AM

هو حضرتك مينفعش نلغى الميكروباص نهائى كدة مرة واحدة
انما الحل يبقى عن طريق عدة حاجات
1- نشوف الطرق الى ينفع يتلغى فيها ونوفر بدائل اتوبيسات او مينى باص او مترو جديد
2-لو الاتوبيس هيعمل مشكلة يبقى وهيعقد الموضوع اكتر يبقى نخلى الميكروباص ذى ما هو فى المنطقة دى
3-اعادة تأهيل كل سواقين الميكروباص والحقيقة : (ان معظم الناس الى بتسوق فى مصر محتاجة اعادة تأهيل عشان يسوقوا ذى الناس )
4- الغاء الميكروباصات الترامكوا دى (العشة) الميكروباصات (التويوتا) الى هيبقى ليها بدائل تشتغل مكنها
5-المرور يبطل يكرة سواق الميكروباص فى عشتة ويسيب الملتزم فى حالة
وطبعا الحاجات دى محتاجو فلوس ووقت ومجهود كبير جدا جدا

**M.Osman** · 10-07-2009 04:24 AM

المشكلة في البهوات بتوع المرور اللي سايبينها سايبة...

لكن انا ضد انك تلغيها طبعاً

**AboELsoud** · 10-07-2009 06:27 AM

لو عايز تظبط بجد يبقى الظباط هما الحل
يعني بدل ما الامين هو اللي بيتعامل مع السواقين و طبعا بيظبط معاهم عشان ياخد فلوس
انا من رأيي ان الظباط هما اللي يتعاملو معاهم و طبعا السواقين مش هينفع يدوهم فلوس
ده غير ان لو سواق عمل حاجه غلط يتسحل قدام كل زمايله عشان محدش يفكر يعمل كده تاني
و يا سلام لو الظابط ركب جنب السواق و كل ما يعمل حاجه غلط (طراااااخ)على قفاه
انا عارف اني بكلم على السواقين بطريقه وحشه بس بصراحه بكرهم كلهم

**mahamedaraby** · 10-07-2009 06:43 AM

انا من راى بشويه تنظيم لعمليه الميكروباص من مواقف وطرق وسرعه محدده

وهيبقى افضل وسيله موصلات فى مصر

دى تقريبا المواصله الوحيده اللى فى مصر بتخش تقعد جواه بعد التاكسى

**tutankhamoun** · 10-07-2009 06:53 AM

أنا طبعا مع ألغاء الميكروباظات ........ و قبل الغائها .......... اعدام السواقين في ميدان عام ......

و بعدين نجيب أتوبيسات محترمة مكانها ............. و يتم تقنين السرعات القصوى في مصر علشان الناس فاكرة نفسها على حلبات سباق و كل واحد بيسوق بمزاجه .

و اللي يخترق حد السرعة ............. 3 مرات ......... يتم أنتزاع الرخصة منه ...........

هي دي أهم المشاكل
الميكروباظات ................ و السرعة .

**M.ABDEEN** · 10-07-2009 09:00 AM

الغاء الميكروباصات لو تم فهو بسبب السواقيين اللي فعلا عايزين يتعدموا في مكان عام ويترجموا كمان بلطجة وسفالة وقلة ادب واهمال ولا مبالاة علاوة على البلاوي اللي بيبلباعوها والهمجية وشغل الدراع وفي الاخر ملهمش رقيب الا يمكن حتة امين شرطة عمال ياخد في فلوس وكرووت شحن وسجاير وخلافه واستغلالهم كمان في الزحمة ورفع الاجرة ....الميكروباص وسيلة كويسة بس لازم اعادة الناظر في قائيديها

**A. Ibrahim** · 11-07-2009 12:57 AM

المشاركة الأصلية كتبت بواسطة tutankhamoun

أنا طبعا مع ألغاء الميكروباظات ........ و قبل الغائها ..........[bor=#ff0000] اعدام السواقين في ميدان عام ......
[/bor]
و بعدين نجيب أتوبيسات محترمة مكانها ............. و يتم تقنين السرعات القصوى في مصر علشان الناس فاكرة نفسها على حلبات سباق و كل واحد بيسوق بمزاجه .

و اللي يخترق حد السرعة ............. 3 مرات ......... يتم أنتزاع الرخصة منه ...........

هي دي أهم المشاكل
الميكروباظات ................ و السرعة .

اوفق بشده علي ان يتم الاعدام عن طرق شرب جردل ماء نار مغلي

**gmel** · 11-07-2009 01:56 AM

الميكروباصجية (تشمل السواقين والتبيعة وبتوع الكارتة)المفروض مش يتعدموا فى ميدان عام وبس . .لا.. ويتولع فيهم بجاز وسخ .. ولو فنان عمل بنوراما للشارع المصرى حتلاقوه عبارة عن ميكروباص كبير(على وزن مسرح كبير بتاعة يوسف وهبى)مصنوع من صاج البراميل وكراسى من مواسير المياة وباب مفتوح ومتعلق فيه الواد التبيع وشكمان بيطلع زفت وهباب اسود والسواق اللى معهوش رخصة واخد على شماله الانتيخ بتاعه وعلى فكرة كل سواق منهم ليه انتيخ بتاعه قاعد على الشمال وموارب الباب والمؤثرات الصوتية اغنية المحكمة او حاليا فى الاسواق لطارق الشيخ وخلفية من الالفاظ الوسخة تتساقط على مسامع الركاب ومنهم البنات والسيدات اللاتى واللاتين تعودن على سماع هذه السمفونية وكله بقى شيئ عادى خالص والميكروباص بيجرى فى الشارع زى الزجزاج ومرة واحد يقف فى نصف الشارع عشان ينزل زبون او يلتقط نصف جنيه واقع على الرض(زبون تانى يعنى) وممكن فى لحظة يخبط سيارة ثمنها فوق ال100 الف والواد السواق والتباع يسيبوا العربية وديلهم فى سنانهم ويافكيك .. حد يكمل الصورة انا تعبت

مشاهدة نتائج الإستطلاع: الميكروباصات

الموضوع: معا لألغاء الميكروباصات

LinkBack

أدوات الموضوع

عرض

-

-

-

-

-

المواضيع المتشابهه

حتى الميكروباصات في اليابان ... غير

احلال الميكروباصات

الميكروباصات وعمايلها !!!!بجد مفيش امل

تليفون شكاوى الميكروباصات

أين رخص سائقى الميكروباصات !!

الكلمات الدلالية لهذا الموضوع

المفضلات

المفضلات

ضوابط المشاركة