رد مع اقتباس
المشكله انى طالع من عندهم غير راضى عن الصيانه و مضايق جدا و مثلا اللى فهمته مياه الردياتيير مكتوب 66 جنيه و مع ذلك المياه شايفها ناقصه مش كامله فى العربيه طب ازاى و زى ماحمد عبد المقصود قال ازاى مقلوليش على طلمبه المياه و هما جايين يغيروها و الله احساسى بيقوللى ان هيا سليمه و بعدين باين نضفتها مللى معايافى القطع المستعمله فى العربيه ياجماعه انا عايز اقولكوا انى مش بستخسر فى العربيه حاجه و محافظ عليها بس فعلا عمرى ماتوقعت اللى حصل معايا فى رينو المقطم يكتبوللى طنابير و تيل و بعدين ميطلعش مغيرينها عشان مش موجود و كمان ميغيروش فلتر تكييف عشان مفيش اصلا فلتر تكييف للكليو على حسب كلامهم مع انى قرأت فى مواضيع الصيانه اللى فى المنتدى مكتوب سعر فلتر تكييف للكليو و بعدين هما كمان قاللولى المهندس وائل احنا فى الصيانه مبنعملش صيانه للتكييف غير لو طلب العميل ياعنى لازم اقللهم انى عايز اعمل صيانه للتكييف عشان يعملوا و متنسوش ان ديه الصيانه الكبرى على حسب كلامهم بس هما اصلا مسالونيش عشان اجاوب ! بصراحه كل مافتكر هناك و اليوم الموعود هناك وانا بتعب جدا و يارب انسى اليوم ده
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 2316
تاريخ التسجيل : 25Sep2007
المشاركات : 16,640
النوع : ذكر
الاقامة : Nasr City - UAE
السيارة: Accent 2006
السيارة[2]: Megane II 2005/Megane II 2007
دراجة بخارية: لا يوجد
الحالة :
-
hasad">بص يا باشا
المقطم ما زلت أصر أنه أحسن من أى مكان تانى...........و عن تجارب......غالباً انت بس اللى حصل معاك كان زحمة شديدة و هما فعلاً فى الزحمة مش بيعرفوا يتعاملو مع الضغط كويس.
بص أنت عملت الصيانة الدورية بتاعة 60 ألف....و دى تكلفتها من الموقع بتاعهم تقريباً 1800 جم صح ؟؟؟
بس مش بيبقى فيها طرمبة المياه........ليه عشان طرمبة المياه مش من ضمن بنود الصيانة....يعنى مش بتتغير عند كل الناس
طيب غيروها عندك ليه ؟؟؟؟
عشان أبتدت تسرب......و لو كانو سابوها من غير تغيير لحد ما تجيب أخرها و بعد كده تيجى تغيرها كانوا هيفكو الكاتينة تانى عشان يركبوها..........و طقم الكاتينة لو أتفك مش هيركب تانى........لازم واحد جديد.....يعنى بدل ما تدفع تمن طرمبة مياه ( تقريباً 550 جم ) هتدفع معاها تمن طقم الكاتينة ( حوالى 650 جم ) يعنى كنت هتخرج دافع 1200 من غير مصنعية و لا ضرائب......يبقى أنهى حالة أحسن ؟؟؟؟
أعيب عليهم بس الأتى
1- أنهم مخدوش رأيك صراحة فى موضوع الطرمبة
2- أنهم كتبو الطنابير و التيل فى ال job بتاع عربيتك و بعد كده لما ملاقوش القطع متوفرة فى المخزن نسيو يشيلوها من ال job تانى
لازم بس كلنا نعرف حاجة مهمة جداً عن أى توكيل فى مصر
أى توكيل لو كشف على قطعة معينة و لقى حالتها 60 % مثلاً من الحالة الأصلية لازم يقولك أن القطعة دى محتاجة تغيير......هى دى طبيعة التوكيلات فى مصر.........يعنى مهم جداً انك تكون فاهم عربيتك و عارف فيه أيه ممكن يكون بايظ و أيه لأ
هحكيلكم موقف صغير حصل معايا فى توكيل المقطم ممكن تفهموا منه أنا قصدى أيه .
كنت مرة فى صيانة عادية و قولت بالمرة أكشف على العفشة زيادة أطمئنان.......فوجئت بالعامل جاى من الورشة بيقولى الأتى
العامل - حضرتك العربية محتاجة تغيير 4 مساعدين و علبة دركسيون ( اللى ميعرفش....انا مركب مساعدين غير الأصلى أسمهم كونى و هما مساعدين رياضية و لونهم أصفر و بيدو عليهم ضمان برة مصر بال 5 سنين و أكتر )
أنا - نعم يا أسطى ؟؟؟؟
العامل - حضرتك هما بايظين
أنا - أيه اللى بايظ بالظبط ؟؟؟
العامل - العلبة منظرها ملعوب فيها قبل كده لأن تقفيلها مش تقفيل الفابريكة و مش تقفيلنا.....و المساعدين مش بتوع العربية
أنا - أنت جربت العربية ؟؟؟
العامل - لأ
أنا - طيب بتتكلم على أساس أيه......مش تجرب العربية الأول و تشوف العلبة نظامها أيه ؟
العامل - أصل.....
أنا - من غير أصل و فصل....تقفيل العلبة من ناحية بارات الدركسيون هو اللى مش عاجبك؟؟
العامل - أيوة
أنا - طيب و ليه مفكرتش أنى مغير البارات ؟؟؟؟؟ ( و ده اللى كان حصل بالفعل قبلها بكام شهر )
العامل - يعنى حضرتك مغيرها برة ؟؟
أنا - أيوة......و على فكرة.....مفيش مساعدين بتركب على عربية و هى مش نازلة للعربية دى......يعنى المساعدين اللى فيها نازلة للميجان و مش معنى أنى مركب مساعدين غير اللى بتبيعوهم يبقى المساعدين مش بتوع العربية.
سكت و محطش منطقيا بلادى يا بلادى.........أنا بحبك يا بلادى
-
رقم العضوية : 2351
تاريخ التسجيل : 28Sep2007
المشاركات : 243
النوع : ذكر
الاقامة : mansoura
السيارة: nothing
السيارة[2]: renault clio model 2005 automatic 1400 cc 16 valve
دراجة بخارية: no
الحالة :
-
- Col. Eng. Khaled
المشاركات : n/a
الحالة :
-
الحقيقة أنا مقدر جداً ثورتك
الواحد لما يكون متعشم في حد إنه كبير , بيتصدم لما يلاقي الحقيقة غير الصورة إللي في خياله
أنا معاك في كل إللي إتفضلت و علقت عليه , في نفس الوقت مع تعليقات الوحوش إللي بيتعاملوا مع المقطم
وارد جداً إن حظك العاثر خلاّك تروح في يوم صاخب هناك .
أنا بقى من حوالي إسبوعين رحت المقطم و عمري ما عملت أي صيانة هناك , كنت عايز أغير فلتر تكييف
بدون حجز و لا دياولو و الدنيا كانت رايقة جداً تحس كأنهم بينشّوا
على دخلة الورشة في على الشمال إستراحة العملاء و على اليمين تقريباً مهندس الإستقبال
كلمته عايز أغيّر فلتر عشان البهوات بتوعكم إللي في العبور بعمل كل الصيانات عندهم و مش واخدين بالهم إن الفلتر محتاج يتغير.
نادا صنايعي من جوه جالو في غمضة عين قال له بص على الفلتر , طلع هباب , قال لي إشتري واحد من قطع الغيار , أخده ركبه بقت تمام .......... حسابكم يا سادة ؟ قال : هو في job إتعمل ؟ شكراً
الخلاصة ده إللي شفته في يوم رااااااااايق
و اليوم الموعد بتاعك يعلم بيه ربنا
علشان كده بقول أنا نقدر شعورك جداً
رقم العضوية : 1257
تاريخ التسجيل : 30Jun2007
المشاركات : 3,612
النوع : ذكر
الاقامة : Cairo
السيارة: Clio03/Megane05
السيارة[2]: BMW 320 E90 / Qashqai
دراجة بخارية: NO
الحالة :
-
نفسي أعرف ليه ماينفعش يركب تاني؟ هل دة فالرينو بذات..........و طقم الكاتينة لو أتفك مش هيركب تانى.......
م / عمرو عبد الخالق.
[img3]http://nileup.com/up/uploads/nilemotors_13666505561.jpg[/img3]
رقم العضوية : 2316
تاريخ التسجيل : 25Sep2007
المشاركات : 16,640
النوع : ذكر
الاقامة : Nasr City - UAE
السيارة: Accent 2006
السيارة[2]: Megane II 2005/Megane II 2007
دراجة بخارية: لا يوجد
الحالة :
-
مش عارف و الله يا عمرو......المشاركة الأصلية كتبت بواسطة amr_moh
على فكرة....برضه فى الديفازر بيتغير الطقم.......يعنى انا عملت الديفازر على 90 ألف و قالولى أنى مش هعمل الكاتينة غير على 150 ألف.
يا بلادى يا بلادى.........أنا بحبك يا بلادى
المشاركات : n/a
الحالة :
-
هو بمنتهى الصراحة هو ده الصح لأي عربية
إنما رينو بالذات معنديش فكرة
مع إختلاف الفئات , أيام لانوس 99 إللي كانت معايا كنت بغير طلمبة الميه كل 40 ألف كم (بعد ملاحظة التسريب منها) بواحدة أصلي بالعلامة المائية بتاعة gm و الميكانيكي يفكها ألاقي الريش بأت تبقى مطرمة و مجدرة بالرغم من عمل غسيل رادياتير كل فترة في موبيل و إستخدام مياه خضرا موبيل و تكملة الدورة بمياه مقطرة للوصول إلى علامة max بالقربة .
رقم العضوية : 11994
تاريخ التسجيل : 31May2008
المشاركات : 109
النوع : ذكر
الاقامة : Egypt
السيارة: Not Yet
السيارة[2]: BMW
دراجة بخارية: No
الحالة :
-
أنا كدة شاكلى حصرف نظر عند شراء رينو ... (دى معانة)
اللى مش مقبول ابدا
أولا : طريقة تعامل المهندسين دول مع العملاء (اللى هم بياخدوا مراتباتهم منهم) .. المفروض ياخدوا دورات فى الـ customer service satisfaction .. (مش كله تكنيكال وبس دة بافتراض انهم عاليين تكنيكال) .. لكن واضح ان مافيش اهتمام بالجانب دة من وكيل رينو ودى نقطة سلبية جدا
ثانيا: الأسعار مبالغ فيها جداً .. مش معقول صيانة عادية تتكلف 5% من ثمن العربية السوقى كلها (مش اقتصادية خالص)
أنا رأيى أنك تعمل شكوى فى رينو مصر .. لو مالقتش استجابة فورية ترضيك، أعمل شكوى لرينو فرنسا
ربنا معاك ..... بس حظهم أن حضرتك هادئ (ماشاء الله) :)
رقم العضوية : 2316
تاريخ التسجيل : 25Sep2007
المشاركات : 16,640
النوع : ذكر
الاقامة : Nasr City - UAE
السيارة: Accent 2006
السيارة[2]: Megane II 2005/Megane II 2007
دراجة بخارية: لا يوجد
الحالة :
-
طيب نقارن مع بعض كده
هنقول أن الريو و السبكترا هما أقرب موديلات كيا الى رينو كليو......يعنى السعر المعلن بين الشركيتن لصيانة ال 60 ألف كم فيه فرق حوالى 500 جم أرخص لصالح الريو و السبكترا.
مع العلم أن قطع غيار الأوروبى أصلاً أغلى من الكورى و اليابانى.
يا بلادى يا بلادى.........أنا بحبك يا بلادى
رقم العضوية : 1553
تاريخ التسجيل : 23Jul2007
المشاركات : 823
النوع : ذكر
الاقامة : العاشر من رمضان
السيارة: ماروتى 2009
السيارة[2]: ميجان 2009
دراجة بخارية: no
الحالة :
-
انا كنت بعمل من يومين صيانة ال5000كم فى العبور بصراحة وبمنتهى الامانة احساسى الشخصى ان الخدمة فى توكيل رينو فشنك واى كلام وغبور ضفره برقبتهم ولو المقطم زى ما هو موصوف فوق يبقى الواحد فعلا ممكن يندم انه اشترى العربية دى. مع احترامى للاستاذ احمد عبد المقصود بس ضغط ايه اللى انت بتتكلم عليه هيا رينو بتبيع كام عربية فى مصر علشان يبقى فيه ضغط روح ابو رواش لغبور علشان تشوف يعنى ايه ضغط لتوكيل معاه 25% من مبيعات السيارات فى مصر. غبور فعلا فيه ناس كتير ظالمينه
لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ
رقم العضوية : 2351
تاريخ التسجيل : 28Sep2007
المشاركات : 243
النوع : ذكر
الاقامة : mansoura
السيارة: nothing
السيارة[2]: renault clio model 2005 automatic 1400 cc 16 valve
دراجة بخارية: no
الحالة :
-
[أنا رأيى أنك تعمل شكوى فى رينو مصر .. لو مالقتش استجابة فورية ترضيك، أعمل شكوى لرينو فرنسا
ربنا معاك ..... بس حظهم أن حضرتك هادئ (ماشاء الله) :)[/quote]
طيب ازاى اعمل شكوى فى ايميل ابعتهلهم و لا اعمل ايه بالظبط
دفيه حاجه كمان ان كل صيانه كنت بعملها فى العبور كان دايما يجيلى تليفون بعديها بيومين يطمنوا على العربيه المره ديه ولا حد عبر كان نفسى حد يكلمنى عشان اقولهم على اللى حصل
فى العبور كانوا ميسلموش العربيه غير بعد متتغسل, فى المقطم و لا عبروا
و بعدين انا كنت هادى معاهم عشان كل اللى حصل ده انا بصراحه مكنتش متوقعه و كان كل واحد هنا فى المنتدى يحكى عن تجربته مع رينو وان مركز الخدمه مبيتاخرش عن الواحد و يتصلوا لو فيه مشكله و تحل معهم فكنت منتظر حاجه بالشكل ده بس فى الاخر املى طلع على فشوش و معرفتش اخد حقى يوميها طب انا عايز اقول على حاجه كمان الكبوت لما بيتفتح الاكصدام الجزئ العلوى منه بيبقى مربوط فى ب 2 مسمار لونهم اسود عامل زى الكلبس لما استلمت العربيه و روحت ملقتش مسمار من دول و لاقتهم عملينه بمسمار بلدى و صاموله مسكاه من تحت بشكل يقرف اسف على اللفظ و طبعا انا مكتشفتش الحاجه ديه الا بعدين هيا طبعا حاجه هيفه بس مزعلنى ان احساسى ان العربيه كانت رايحه كويسه و مكنتش مزعلانى و رحت اعمل الصيانه ال 60 الف زياده حرص و اتباع تعليمات عشان اكون محافظ لان ده مبدأى بس ياخساره احساسى ان العربيه مش زى الاول يمكن يكون ده وسواس بس واللهى من اللى انا شفته معدتش مصدق اى حاجه وزى مبيقوله ان لعبت ايد فى اى حاجه بعد ايد الخواجه يبقى عليه السلام و حيفضل العامل المصرى عمره محيطور طول مفيش ضمير فى انهاء العمل لنهايته يعنى مثلالو ضيع مسمار او اى حاجه او تتخدش حاجه بدل ميحافظ عليها يقوم مكبر دماغه وده اللى حسيته فى العربيه ان هيا متقفلتش زى الاول بصراحه احساس وحش جدا
المواضيع المتشابهه
-
شكر خاص لمدير فرع رينو المقطم +مفاجاه
بواسطة yahiazakaria في المنتدى قسم خاص بالسيارة لـــوجـــــانمشاركات: 13آخر مشاركة: 27-02-2017, 10:33 PM -
قائمة اسعار صيانة السيارات بتوكيل رينو - المقطم
بواسطة mkhirallah2001 في المنتدى ريــــنومشاركات: 1آخر مشاركة: 01-05-2011, 01:54 PM -
رينو المقطم ..... و حل مشكلة طارة الدركسيون .... و عدل جنوط في الحرفيين ....شكر خاص
بواسطة أحمد كمال في المنتدى ريــــنومشاركات: 39آخر مشاركة: 03-12-2009, 12:14 AM -
رحله البحث عن السعاده(رينو العبور) دايما
بواسطة lion99990 في المنتدى ريــــنومشاركات: 30آخر مشاركة: 09-08-2009, 04:38 AM
المفضلات