محتاج رأيكم بأمانة ربنا وتكون عن دراسة وتجرية

**CryptonX** · 16-10-2007 12:23 PM

الفرنا و الانوس .. انا شخصيا بحب الفرنا اكتر لأنها اجدد مش اكتر .. بس الانوس صيانها و قطع غيارها بقت زي الشاهين كدة :) اي ميكانيكي يفهم فيها .. و متوفرة في كل حتة

في رأي اركب الأتنين حتى لو واقفة .. وشوف الي ترتاحله نفسيا اكتر .. في السعر ده ,, الي اتنين كويسين جدا .

بالنسبة للاسبيرانزا او الأكسبلوجين

الأسبرانزا احسن , على الأقل بتتباع بسعرها و على الأقل منتشرة بشكل كويس وده يأمن حجات كتير .

الشيري الA11/A15 مش وحشة .. بس هي كلها مسألة ارتياح نفسي ,, و انا شخصيا حرتاح لللانوس او الفرنا اكتر .

وخصوصا في بلد مثل بلدنا الجميلة :)

**Mostafa** · 17-10-2007 01:37 AM

1- ابعد عن الصينى وغنيله
2- لانوس
3- فيرنا

**Ahmed Anwer** · 17-10-2007 02:01 AM

رأيي الشخصي في الفئة دي بس مش عن تجربة غير للفيرنا و اللانوس
الفيرنا أفضل من اللانوس ،،
لكن شخصيا لو هاشتري حاليا
هاشتري الأفيو مش عن تجربة
بس عشان هيا أحدث حاجة في الفئة دي
بص حضرتك أنا بركب عربيات كتير بحس إن كل العربيات الحديثة كسواقة زي بعض ناعمين و بيجروا و مريحين ، ما عادا الألماني بيتميز بثبات عالي عن العربيات الياباني و الكوري
باحس في فرق ايه بقه في فخامة الصالون و التابلوه و حاجة تانية مش هنقدر نعرفها دلوقتي اللي هيا العمر
الأفيو بصراحة صالونها شيك جدا يضاهي المازدا 3 و الإلنترا و ده في وجهة نظري الشخصية حاجة مهمة جدا إنك تحس إنك قاعد في مكان شيك و راقي كأنك راكب عربية ب 150 ألف ، الفيرنا و اللانوس صالونهم فقير زي ما تكون راكب تاكسي :D :D
ده غير إن شكلها الخارجي جميل و لسه مانتشرتش الإنتشار الفظيع زي الفيرنا و اللانوس اللي بقوا اكتر من ال 128 فهيبقي قدامك سنة أو اثنين تحس فيهم إنك راكب عربية مميزة غير الفيرنا و اللانوس اللي شعبيين بمعني الكلمة
فبرشحلك الأفيو و لا يعيبها غير الخوف إن الوكيل ينزل سعرها بعد شوية

**Chicco** · 17-10-2007 03:08 AM

- بالنسبة للأخ شيكو عايز اعرف منك ايه هى الأختيارات الكتير الى فى دماغك الى فى حدود ميزانيتى وعايز رأيك فى الكيا البيكانتو لو اتحتط فى مقارنة مع الانوس والفيرنا مشكوووووووور

يا باشا لا شكر علي واجب و ربنا يوفقك إن شاء الله.
أنا كان قصدي لو مش مصمم علي الزيرو (أه طبعا ليه حلاوته بس حاتتزنق في أقساط و حاتدفع كتير أوي وكمان مش راحة بال لو العربية لا فدر الله فيها عيوب تصنيع أو التوكيل طلع من إياهم و تعبك في قطع الغيار أو الصيانة الدورية إلخ) في رانج 30 ألف ممكن تلاقى ريجاتا- شاهين - إكسيل - أونو- فيليشيا- برايد كلها موديلات 90 و طالع عربيات شغالة و كويسة بس خلي بالك كويس و إنت بتشتري وإستعين بصديق و الجمهور :mrgreen: :mrgreen:
الكيا بيكانتو مع واحدة قريبتي و بتشكر فيها جدا بس حجمها صغير نسبيا و بصراحة معرفش موضوع الوكيل وصل لإيه