أغبي نزلة كوبرى فى مصر .

**Terrible_DaRsH** · 15-07-2009 02:41 PM

المشاركة الأصلية كتبت بواسطة a. Ibrahim

احسن حل مطب علي شمال نزلت الكبري

مينفعش يا باشا لان النزلة معمولة بزاوية صعبة جدا , يعنى لو شلت رجلك من على البنزين هتلاقى العربية جايبة سرعة كبيرة جدا و ده راجع لعربيتك طبعا , يعنى لو انت هديت علشان المطب اللى وراك هيخبط فيك بنسبة 80 % .

المشاركة الأصلية كتبت بواسطة a.saad

هل ينفع تنزل من الكوبرى وتدخل يمين وتلف من الشارع الجانبى
انا شايف ان كدة اامن

كده اامن فعلا و لكن مش كل الناس هتعمل كده و كمان دخلة شارع ممدوح سالم دى ضيقة جدا جدا جدا و الناس مش بتاخد بالها منها .

اقسم بالله انا بشوف الناس بترجع بظهرها علشان تدخل الشارع ده لانها مش بتاخد بالها منه و كمان مفيش ارشادات او اى حاجة تخليك تاخد بالك منها .

المشاركة الأصلية كتبت بواسطة momohsen

للاسف انا فعلا كنت عملت حادثه بسبب النازله ديه انا كنت لفيت من تحت الكوبرى و واحد نازل من النازلة دية و امديلة اشارة و هو شايفنى بس باردة كابس و مصمم يدخل و انا عاوز ادخل شارع ارض المعارض.
المهم دخل عندى فى الرفرف الامامى بهدله بس الحمدلله ربنا ستر و كان اخرها الرفرف.

الحمد لله ربنا ستر و خد بالك لو داخلها تانى .

**tutankhamoun** · 15-07-2009 03:46 PM

المشاركة الأصلية كتبت بواسطة terrible_darsh

+ كلام سليم , ولكن .

مش هيبقي غباء و تهور من الناس و الحكومة ايضا يا استاذ توت .

الناس فيها شيء من الهمجية أه صح , بس برده مينفعش يكون التخطيط سيء !!

ده طريق سريع من بدايته يعنى الحكومة كانت لازم تاخد بالها من كده خصوصا ان ده مش صلاح سالم يعنى فيه ميكروباصات موجودة و عربيات نقل كتيرة جدا و كمان بينى و بينك محدش بيحب يهدى اساسا و كل واحد عايز يوصل اسرع و خلاص .

كل دى حاجات كان المفروض تبقي فى حسابات الحكومة و المسؤلين على البناء و التخطيط .

هما مش فى اوروبا علشان يسيبوا الناس تمشي نفسها , سياسة النظام = النجاح لو توصل للعرب بعد !

انا شايف ان هما كانوا يطولوا النزلة دى و يمتدوها بعد محطة الركاب بكام متر .

و اللى عايز يدخل شارع ممدوح سالم يضطر انه يدخل من تحت احسن له من المخاطرة بحياته .

على فكرة أنا كلامي في المداخلة السابقة كان عام ...... مش خاص على موضوع حضرتك يا أستاذ درش .

أنا لتكلم عن حالة عامة للبلد و أهل البلد ( أحنا يعني )

أحنا ممكن نسهل حياتنا بأيدينا لو أخلاقنا أتحسنت عن كدا و بدأنا نفكر أن فيه ناس تانية عايشة في الكون غيرنا .
زي الطوابير
تلاقي واحد جاي ...... و عامل عبيط و متجاهل كل الناس اللي واقفة في الطابور ( ده لما بيكون فيه طابور ) و يروح على أول الشباك و لو حد أتكلم معاه أساسا بتقلب بخناقة كمان ( قليل الأدب و بجح كمان )

هي دي ثقافتنا ......... أنا و من بعدي الطوفان .........

و طبعا أنا معاك في تصميم الكوبري ....
بس أحنا لقينا التصميم غبي .......

نقوم نصعب الموضوع على نفسنا أكتر و نستغبى على بعض أكتر ....... و لا نفكر في بعض و نفكر في حياتنا ......

أخلاقنا لازم تتغير علشان حياتنا تكون أحسن من كدا شوية .......و لازم نبدأ نفكر في النظام شوية على أنه حاجة كويسة مش بتعض .