الموضوع: المية بهدلت الدواسات

1- هل الكلام ده صح؟

للأسف كلامه صح ....بس طبعا أسمها الدفايه (مش التلاجه بتاعة السخن زى مابيقول )

2- هل لو عاوز ارجع التكييف السخن تاني يشتغل لازم التابلوه يتفك؟

نعم

3- ولو الاجابة ايوة لازم ايه رايكو افك ولا؟

طالما ....الواحد مابيستفيدش من الدفايه الى حد ما ....يبقى لا (أساسا الواحد مبيشغلش التكييف شتاءا .....مجرد مابيقفل الأزاز ومع سخونة العربيه ....مبيحسش بالبرد )

4- هل اروح لسروجي يفك الفرش واسيبة بره ينشف وانشف العرية ولا اسيبة ينشف وهو راكب ولا البارومة ممكن تشتغل؟

نعم يلزم حل الفرش والتجفيف حفاظا على أرضية الكابينه أو الصالون

4- بالنسبةللخرطوم الل بيضايق الفتيس ممكن اقصرة شوية ؟

ممكن فى مثل هذه الظروف التحايل على الوضع بأى وسيله .....المهم يتم توصيل خط الداخل والراجع من والى الدفايه بأى طريقه ( فمثلا يمكن فصل الخرطومين من والى الدفايه ....وكده بقو بعيد عن الدفايه ....وبعد كده نجيب ماسوره قصيره .....قطرها الخارجى يعادل تقريبا الداخلى للخرطوم الواحد ....وتركب بين الخرطومين كحلقة وصل بأسخدام قفيزين ) ............وكده أنتهى الموضوع ............

رد ممتاز ومقنع جدا

الله يخليك يابشمهندس محمد .....وأرجو لك روقان البال ....لأننى زعلت لما لقيتك بتقول أنك متنكد وزعلان من الموضوع ده....فقدر الله وماشاء فعل ....ولعله خير .....وحاول بقه متزودش ميه خضراء تانى ......لو كنت بتستعمل من البدايه ماء عادى .....لأن ممكن ده يكون السبب فى تلف الدفايه ...............وذلك للحفاظ بقدر الأمكان على ردياتير المكنه أيضا......وعدم حدوث تلف له من الماء الأخضر ( دا لو كانت دورة التبريد بيستعمل فيها ماء عادى من زمان وتم التحول للأخضر )

المشاركة الأصلية كتبت بواسطة samirayad

الله يخليك يابشمهندس محمد .....وأرجو لك روقان البال ....لأننى زعلت لما لقيتك بتقول أنك متنكد وزعلان من الموضوع ده....فقدر الله وماشاء فعل ....ولعله خير .....وحاول بقه متزودش ميه خضراء تانى ......لو كنت بتستعمل من البدايه ماء عادى .....لأن ممكن ده يكون السبب فى تلف الدفايه ...............وذلك للحفاظ بقدر الأمكان على ردياتير المكنه أيضا......وعدم حدوث تلف له من الماء الأخضر ( دا لو كانت دورة التبريد بيستعمل فيها ماء عادى من زمان وتم التحول للأخضر )

انا كده مش فاهم يا بشمهندس يعني الميه الخضرا غلط لو كنت بستخدم قبليها ميه عاديه

أيوه .....لو الواحد كان بيستعمل ميه عاديه من الحنفيه مثلا ....أو شارى عربيه مستعمله ومش عارف صاحبها كان بيستعمل أى ميه ( أصل فيه منهم ) البائعين يعنى .....بيكون طول عمره شغال ميه من الترعه ( الحنفيه يعنى ) وعلشان معندوش ضمير وناوى يبيع العربيه .....يقوم أيه .....مديها ميه خضراء ......علشان يضحك على الشارى للأسف .......هنا بقه مادة الأيثيل جليكول ( الموجوده فى الماء الأخضر ) بتتفاعل مع الأملاح اللى فى الميه العاديه والأملاح بتبقى راكنه برضه فى المواسير .....وبيحدث نقر أو بؤر تآكل من داخل المواسير ...........والباقى معروف طبعا ....تقصير عمر الدفايه أو الردياتير ( واللى فيهم مواسيره أقل سمكا بيتخرم الأول ) والتانى بيجىء عليه الدور ......على فكره أنا بأتكلم فى وضع عام ............لأننا منعرفش البشمهندس : محمد ( نظام الميه أيه عنده ) دا غير برضه كل ماكان تركيز الميه عالى .....بيزيد معدل التلف ( طبعا مع الأستعمال السابق للماء العادى )..........أرجو أن تكون الأمور واضحه دلوقتى

ممتاز باشمهندس سمير ربنا يكرمك

الله يخليك يا أستاذ : خالد