الموضوع: تقييم لصاج اليارس . ورق؟ !!!!!!!!!

[youtube]http://www.youtube.com/watch?v=7GKCAQCcdEA[/youtube]

على فكرة انا كنت كاتب تعليق مع الفيديو بس يظهر المنتدى فيه حاجة غريبة
أنا كنت بقول ده اختبار تصادم حضرتك مع كامرى , و كان تقييم الياريس فيه ( ضعيف ) , و اه انا معايا ياريس و اه عارف انها
1) ضعيفة و خصوصا الاكصدامات
2) الحوض الامامى صغير جدا مما قد يكون ( احد العوامل ) فى غير صالح الياريس فى تصادمات المواجهة
انا عارف الحقيقتين دول و متقبلهم , احد اسباب انى متقبلهم انى مبسافرش بالعربية و لا حتى بطلع على الدائرى كتير , معظم حياتى مشاوير جوة البلد و لما بسافر مش بسافر بالعربية , و بالنسبة للتصادمات العادية جوة البلد , مع احترامى لوجهات النظر الاخرى , اى عربية جديدة هتتبهدل خاصة لو الخبطة ( غالبا ) مع ميكروباص , تاكسى , ....
ربنا يكفيكوا و يكفينا شر الطريق
أرجو انى أكون كدة أوضحت

المشاركة الأصلية كتبت بواسطة kojyad

السلام عليكم ورحمة الله

انا نويت انشاء الله اشتري اليارس الجميلة بس كان ليه شوية ملاحظات
العربية الي عرفته من القسم انها ضعيفة جدا كصاج
والناس كلها بتشتكي من الصاج والاكصدامات

طب انا نفسي اعرف نسبة سؤ حالة الصاج , يعني ياريت من اهل الخير المالكين لليارس
وجربو اي حوادث لاقدر الله , او اي خبطات يحكولنا على التجربة من خلال بعض العوامل زي:

- نوع التصادم
- سرعة السيارة عند التصادم
- مكان التصادم بالسيارة
- الاضرار
- التكلفة بالتفصيل بعد ازنكم
- التقييم العام للحادثة بالنسبة الى اي سيارة اخرى

وبجد انا اسف جدا عالاطالة لاني نفسي ابقى معاكو في قسم الياريسوية انشاء الله
بس موضوع ضعف الصاج ده موقفني شوية ,
ياريت تفيدوووووووووني

اليابانى والكورى صاجهم ضعيف طول عمرهم. بس معظم العربيات الجديدة بقوا يضحوا بالصاج من اجل السرعة ولكن ده مش معناه عدم حماية للركاب لانهم فى التصميمات الحديثة بيضحوا بالعربية كلها فى سبيل الحفاظ على الركاب. وفى الحوادث الايام دى هتلاقى العربية بتطلع من الحادثة معجونة والركاب بيطلعوا سلام. لو انت عايز صاج زى بتاع زمان يبقى حاجة من اتنين يا لادا يا مرسيدس. بس فى افضلية نسبية لموضوع الصاج ده فى بعض العربيات الاوروبى وعلى الاخص الالمانى وبفارق.

المشاركة الأصلية كتبت بواسطة SE_coralsea

شوف موضوع الثبات ده نسبي يعني بيعتمد بشكل كبير علي سرعتك و درجة تحكمك في العربية و كمان عوامل الطريق و الاحوال الجوية

الياريس عربية خفيفة و عالية و ده بيعطيها ميزة السرعة و العلو عن المطبات و لكن بيؤثر سلبا علي الثبات و لكن ليس بالدرجة الكبيرة التي يصفها البعض , لكن ليس معني هذا أن نتهاون و نجري بيها الي مافوق ال 120 كم/ساعة

و عموما أنا بأسافر بيها بشكل شبه يومي و أقدر أقولك أن ثباتها معقول جدا ( و لكن في الاحوال الجوية المستقرة و عدم وجود رياح علي الطريق) و تقريبا بالامس و اليوم جبت بيها 170 كم/ساعة وواخد بيها ملفات حادة علي سرعة 140 كم/ساعة و لم اعاني من أي مشاكل في الثبات

و لكن هذا للتجربة و ليس دعوة للسرعة العالية لأن طرقنا لاتتحمل ذلك

يا سيدى الراجل معاه العربية قبل منى بكتير اهو و بيسافر بيها كل يوم , انا بس ظروف شغلى هى اللى مخليانى علطول جوة البلد , و بالنسبة للسفر على سبيل الفسحة , فهما مثلا بالكتير مرتين فى السنة , و بقضيها سوبر جيت او حد من صحابى , مش عشان العربية , بس انا بمل جدا من السواقة فترات طويلة
و برضه " se_coralsea " قالك نقطة مهمة ان الموضوع مش صاج بس , فى الحوادث الكبيرة لا قدر الله المشكلة مش مشكلة صاج , بل عوامل الامان و العربية فيها عوامل امان مش موجودة فى معظم العربيات اللى فى فئتها
اما بالنسبة للحوادث اللى جوة البلد على سرعات قليلة , فاى ميكروباص و لا تاكسى هيظرفلك رفرف و لا هيخش فى باب , فالنتيجة واحدة بالنسبة للسيارات الجديدة كلها
الفكرة كلها انى حطيت اختبار التصادم انى اوضحلك ان اه العربية ممكن متكونش قوية بالشكل الكافى ( خللى بالك برضه الاختبار مع كامرى ) , بس برضه عوامل الامان فيها لا يستهان بها , و فى الاخر الاعمار بيدى الله , باما ناس راكبة بى ام و اتعجنوا فى العربية ( لا يمنع حذر من قدر )