تجربتى مع مركز المأمون

**barrii** · 25-07-2009 06:44 PM

اشتريت سياره لانسر 2005 اسبورت خليجى و بالتحديد سعودى المهم عامله 84500كيلو المهم نظرا لقرائتى للمنتدى علمت باهمية تغييرزيت الفتيس و الصيانه المهن بعد طول انتظار لعدم وجود الزيت الخاص بالفتيس ذهبت الى التوكيل (المأمون) و صباح العذاب.

ذهبت يوم سبت الساعه 9:15 اكيد فيه زحمه الموظف حضر الساعه 10:15

نص الحوار مع الموظف:

الموظف: عايز ايه صيانه ال 80000

المواطن: لا زيت فتيس بس و زيت بس شل

الموظف: شل لأ موبيل اه

المواطن: خلاص ها اشترى فلتر زيت و ها اغير بره هو زيت الفتيس موبيل و كام لتر

الموظف: لا الزيت بتاعها و اللتر ب 50 جنيه و بتاخد 5 لتر

المواطن: اكشفلى على العربيه و ربط عفشه و ظبط زوايا

الموظف : يعنى ايه اكشف عليها هاعمل صيانة ال80000 من غير ما اغير حاجه

انتظرت و اذا بصاحب التوكيل جه الساعه 10:45 وقعد مع الموظف ثم نظر لى شذرا

صاحب التوكيل : انت ليه مش عايز تعمل صيانه ال80000

المواطن : انا حر وهااعملها بعدين

صاحب التوكيل: يعنى ايه الزيت الى انت واخدوا دا زيت غالى و نادر باشتغل من غيره بقالى8 شهور وانت تيجى تاخده كده وتروح تعمل الحاجات التانيه بره ولاانت عاملها بره

المواطن: حضرتك بتكلمنى بطريقه وحشه و مش كويسه انا كنت ها اغير موبيل لقيت الزيت بتاعها و الحاجات الى فيها مستعمله و ممكن تشوف و انا يمكن ما اعيش فلوس

صاحب التوكيل: بتهكم شديد مش عاجبك ها ارجع الزيت القديم و امشى دى عربيتك خليجى مفروض ما ادخلهاش هنا

المواطن: انت فى القاهره عارفين الى انت بتعمله ده و انك بتحط 5 لتر مش 9 لتر

صاحب التوكيل: طريقه القاهره بتحرق الفتيس و لو مش عاجبك احطلك موبيل

المواطن: خلاص اعملى الصيانه كامله

صاحب التوكيل: ما فيش حاجه اسمها غيرلى انا ما باشتغلش عندك

( اسف اذا لماتذكر بعض من الحوار)

المهم جلست وسط السيارات نظرا لعدم وجود اماكن للانتظار ودخلت الحمام الذى لا يسر عدو و لا حبيب

المهم سالنى عن السيور قلت لا

تم ركن السياره لمده نصف ساعه بدون حركه و لم يهتموا بها الابعد السؤال

اخذت السياره الساعه 12:30 وربع تنك البنزين نقص مع تغيير الفلتر و لم يتم تغيير البوجيهات لعدم وجودها فى التوكيل ولم يتم ربط عفشه و ظبط زوايا

وللحق تم عمل خصم على حد قولهم

هذه هى تجربتى فى المأمون المرة القادمه الصفوه(البوجيهات و السيور و التيل)

و لو طلع وحش ها ابيع اللانسر عشان التوكيلات فى الاسكندريه و زيت الفتيس بيغيروا غلط و بسعر تانى غير القاهره

**lovelorn** · 25-07-2009 07:30 PM

هاهاهاها انا على كده كنت بتعامل معامله 5 نجوم ...

يا باشا فكك من المأمون خالص والله ولا ليهم فيها ...

ولازم تعرف ان اهم ميزة فى الانسر ان اى ميكانيكى ممكن يشتغل فيها ( عكس الرينو لو حضرتك شفت البلاوى اللى تحت الكبوت ) ..

خدها نصيحة من أخ ...

شفلك اى ميكانيكى كويس تستريحله واشترى قطع الغيار من المأمون أو الصفوة ...

صيانة فى التوكيل = ضرب على القفه

واللى معاه قرش محيره , يروح للتوكيل عشان يطيره ...

انا متأكد ان المهندس طارق بدأ يكرهنى من كلامى عن التوكيل .... بس والله بحترم حضرتك جدا ...

**lovelorn** · 25-07-2009 07:40 PM

هو سؤال محير شويه

ازاى توكيل محترم يشتغل فى اكتر من 5 انواع من السيارات ؟؟؟؟

يعنى الواحد المفروض ميشوفش اى عربية داخل توكيل ميتسوبيشى غير الميتسوبيشى

صح ولا انا غلطان .. !!!!

**أحمد كمال** · 25-07-2009 08:16 PM

باشا خليك في مصرية قليوب عالزراعي دغري

**mada121977** · 27-07-2009 01:53 AM

انا مغير زيت الفتيس فى صيانه ال 40 الف فى التوكيل تقريبا على مااذكر ب 90 جنيه .. يعنى حضرتك مغيره غالى وطلع مشش مضبوط كمان ياريت حضرتك تشتكيهم بشكوى رسميه فى الفرع الرئيسى وان شاء الله حقك يرجعلك

**مصراوي جدا** · 27-07-2009 11:33 AM

المشاركة الأصلية كتبت بواسطة barrii

لا اعتقد بانه هايحل حاجه انا غيرت الزيت غلط وبسعر غالى و اتهانت كرامتى لسؤ اختيار الوكيل ولمل يرجع تكوننسيت :_alshmokh08[1]:
هاتعملوا ايه

كعاده المصريين اناالى غلطان والغلط فيه والاسعار والكميه غلط على فكره انا معايا فاتوره

من حوالي شهر كان احد اعضاء المنتدى هنا اشتكى من مركز الصفوة وقمت بطباعة الشكوى زي ما هي وقدمتها لمدير الصيانة فقام بارسالها كما هي بالفاكس للصفوة وطلب منهم رد عليها وحل الموضوع وقاموا باستدعاء العميل والاعتذار له وحل مشكلته واتصل مدير الصيانة بالعميل للتأكد من ان مشكلته تم حلها

فأرجو الانتظار اليومين دول ومفيش حاجه هتتنسي باذن الله

**MAX_PIN** · 06-08-2009 01:58 AM

المشاركة الأصلية كتبت بواسطة ayman_a1

أعتقد مش الطبيعى أن العميل لازم يعمل شكوى للمركز الرئيسى علشان الخدمة تكون كما يجب (مش علشان حاجة زيادة يعنى) وكمان مش كل العملاء عندهم ثقافة تقديم شكاوى سواء عن طريق call centers (دة لو فى) أو عن طريق الإنترنت ..الأغلب حيرضى بالمعاملة دى خصوصا مع كم الزحام اللى ذكره صاحب الموضوع...
وكمان مش طبيعى أن كل مركز صيانة معتمد من الوكيل يشتغل بطريقته الخاصة (المفروض فى standards ) مش واحد يحط 5 لتر وواحد تانى 9 لتر، ودة يقول دول غلط واحنا صح (فيننننن الوكيل اللى مستورد العربية من المنتج واللى المفروض ان كل الحاجات دى يكون متفق عليها مع المنتج اللى يهمه خدمة مابعد البيع لما له من تأثير عليه فى الأسواق العالمية .. مش بيع وخلاص) للأسف دة مؤشر على ضعف الوكيل ... قوة الوكيل لا تقاس بحجم المبيعات بل تقاس بمقابلة الحجم دة بخدمة ذات جودة عالية (موضوع الجودة دة مش محل نقاش .. المفروض ان دة الطبيعى)

مشكور على المداخله واتفق معاك تماما

**dr-mohamed** · 14-08-2009 07:07 AM

انا النهاردة كنت في الرواس الى في شارع شريف في وسط البلد جنب نقابة المحامين في القاهرة وقابلت هناك مهندس اسمه وليد وصنايعي اسمه احمد وكنت بشتكي من خبطة في العربية من تحت ورفة رفعوا العربية واكتشف ان فيه قنطرة لازقة في المتور من كتر المطبات نزلها شوية بحديدة جابها
وجربنا العربية الخبطة والرفة راحوا (رجع تالرفة تانى بعد ما مشيت معرفش ليه)
وريته صيانة ال80 الف اللى كان عاملها صاحب السيارة الاول قالي مغيرش زيت الباور قلت له اكشف عليه كشف قالي الزيت محروق والافضي يتغير بدل ما الفتيس يتحرق وفعلا جاب 5 علب موبيل ايه تي اف الواحدة لتر وتمنها 25 جنيه ومصنعية 25 وضريبة 15 جنيه اجمالى الفاتورة 165 جنيه
جيت اظبط الموتور قالي الجهاز عطلان من 25 يوم
كل ده حصل في اقل من ساعة تقريبا
بصراحة وبغض النظر عن اي شئ كفاية ابتسامة المهندس وليد وجدعنة الصنايعي احمد حسسوني انهم يعرفوني من زمان او ان الفلوس دي بما فيها تمن زيت الباور داخلة جيبهم من احترامهم وزوقهم

زي ما بنقول على الوحش لازم نقول على الكويس بردو ولا انتم ايه رايكم

على فكرة والله ما اعرفهم واول مرة اشوفهم النهاردة